Cursu d’alfabetización múltiple pa profesores de llingua

El cursu averará a los profesores de llingua asturiana de Primaria, Secundaria y Bachilleratu al usu de les teunoloxíes dixitales nel deprendimientu de la llingua’l país

Redaición InfoAsturies

 El Serviciu de Política Llingüística convoca dientro la so VII Sestaferia Educativa un cursín centráu nel usu d’internet y los medios informáticos na ensiñanza del asturianu, col envís de potenciar el procesu d´ensiñanza-deprendimientu de la llingua al traviés de les alfabetizaciones múltiples.

 Pa ello, propondránse esperiencies educatives d’ésitu ya comprebáu y ufriráse un averamientu, al traviés de talleres, a los diferentes enfoques pedagóxicos de les alfabetizaciones múltiples dende la llingua asturiana.

 El taller desendolcaráse nun solu díi, el 26 d’abril, y tendrá nueve hores de duración. La matriculación ta llendada al profesoráu de llingua y fadrase por aciu la complementación de la fueya d´inscripción al efeutu y la so remisión, en formatu papel o electrónicu, al Centru del Profesoráu y de Recursos Cuenques Mineres.                            Fonte: infoasturies.com