Plenu de la Xunta Xeneral
LaXunta La Xunta Xeneral, a iniciativa d’IX, apautose esti día n’esixir un plan pa conciliar vida llaboral y familiar qu’incluya la estensión del serviciu de comedor o l’apertura de los colexos peles tardes. La iniciativa aprobada plantega que’l Gobiernu central recupere los programes suprimíos.
La Xunta Xeneral, a iniciativa d’IX, pide al Gobiernu presentar un plan ellaboráu, cola participación de les AMPAS y los conceyos d’Asturies destináu a facilitar la conciliación de la vida llaboral y familiar nel procesu educativu, coles mesmes qu’esixe al Gobiernu d’España un alcuerdu na Conferencia Sectorial d’Educación pa llograr una medría del financiamientu en política educativa con cuenta de recuperarr programes que reciban financiamientu estatal pa emprestar estos servicios y pa dexar cuatro aspectos determinaos.
Ente los puntos que se demanden figura: la estensión de la ufierta de serviciu de comedores a tol periodu escolar, incluyendo los meses de setiembre y xunu, y l’ampliación d’esi serviciu a los almuerzos, amenorgando en dambos casos los precios públicos que s’esixen pola so prestación y ampliando les beques que garanticen l’accesu a estos servicios a les families trabayadores con menos recursos.
La Xunta Xeneral tamién desixe la xeneralización del programa Neños Madrugadores al conxuntu de los centros educativos públicos d’Infantil y Primaria asturianos, amenorgando los precios públicos que s’esixen pola so prestación y ampliando les beques que garanticen l’accesu a estos servicios a les families trabayadores con menos recursos. El tercer puntu aprobáu esta mañana supon la puesta en marcha qu’incluya l’apertura xeneralizada a los centros educativos públicos asturianos peles tardes, apurriendo, a los neños y neñes de los niveles d’Infantil y Primaria, un programa que combine l’entretenimientu, les actividaes culturales, les actividaes deportives, la organización del tiempu pa la realización de les xeres escolares y la merienda.
La iniciativa d’IX foi aprobada con una enmienda transaccional del PSOE, los votos de Podemos y Ciudadanos y el refugu de PP y Foru. Fonte: asturnews.com
Una suxerencia por qu'IX proponer na Xunta Xeneral: pecar tamién podríen dormir y faer la vida nos colexos; eso sí, un día al mes, una hora por casu, podríen ser visitaos polos sos padres. Asina éstos tendríen muncho más tiempu llibre pa desestresarse y evitase los problemes d'educar y convivir colos sos fíos que ye bien cansáu, ¿a que sí?
ResponderEliminar...y de camín la Comunidá podría fabricar clones a la so conveniencia, un paraísu, vamos.
ResponderEliminarBien irónica la opinión d'esta maestra, pero ye bien CIERTA y ATOLENADA. Tol mundu (escuela, sociedá, organismos, ONGs, campamentos...) tienen la obligación d'educar a los neños y neñes (y a los mozos tamién) y lo malo ye qu'esta opinión tan sofista paez que la sofita parte de la lexislación actual y hasta dalgunos profesionales qu'han d'interpretala y alministrala. O eso siquier ye lo que paez.
ResponderEliminarLa educación hai de dase y salir del propiu llar del neñu, de los padres, ser completada na escuela, y na redolada de la sociedá. La escuela ta pa otres coses amás d'educar como ye enseñar materies y crear vezos y sistemes de trabayu. Padres y sociedá, he ende l'inquiz de la cuestión. Casi nada.
ResponderEliminar