Comisión d'Asturianu nuna Xunta Xeneral casi erma
El 70 por cientu de los llectores que participaron en ‘Conceyu Abiertu’ ve inútiles les comparecencies informatives de la Comisión Especial d’Estudiu sobre'l Réxime de Proteición y Promoción del Asturianu. Considera que nun van camudar les postures polítiques afitaes pa col idioma de los grupos parllamentarios.
La entruga plantegada nesta ocasión tres cuatro sesiones na Xunta Xeneral yera ‘¿Valen pa dalgo les comparecencies informatives de la Comisión Especial d’Estudiu sobre'l Réxime de Proteición y Promoción del Asturianu?’. Un 70 por cientu entiende que ‘Non, porque les postures polítiques anguaño tán mui nidies’, mentes qu’un 30 por cientu si-y ven utilidá ‘porque faen que los diputaos conozan la realidá de la situación del idioma de la boca de convidaos de prestixu’.
Nes cuatro sesiones celebraes hasta la fecha, amás de responsables del Gobiernu, como’l conseyeru Genaro Alonso o los direutores xenerales Fernando Padilla y María Cristina Valdés, pasaron personalidaes como Ana María Cano, Ramón d’Andrés, David Rivas, José Alba, Enrique del Teso, David Melendi o Xuan Bello, ente otros. Diputaos de tolos grupos parllamentarios pudieron sentir la so opinión y entruga-yos, anque Foro nun acude a les comparecencies informatives y la FSA-PSOE nun exerce’l so derechu de preguntar nunes sesiones que van siguir en mayu.
Dende esti momentu yá ye posible participar nun ‘Conceyu Abiertu’ nuevu. Nesta ocasión prestaríanos conocer la opinión de los nuesos llectores sobre la polémica abierta pola decisión del Gobiernu estatal de sofitar la postura defendida por Foro pa la variante de Payares pola que se va instalar víes d’anchu internacional nos túneles, dexando’l tráficu de mercancíes pa la vieya infraestructura, que va tener una inversión de 145 millones d’euros pa la so renovación. Fonte: asturies.com
Ye bien duru dicilo pero paez que ye como clamar nel desiertu políticu.
ResponderEliminar¡Pena, penita, pena! pero la xente asturiano ¿que fae pola llingua?, ¿reclama a los sos ínclitos políticos, pide, clamia, glaya, esixe, cábriase, fai ruiu, sale a la cai colos cazos... fai daqué?, porque si nun ye asina tamos perdíos, collacios.
ResponderEliminarCosadiella asturiana: Ente toos matar y ella sola morrióse. Solución: la llingua.
ResponderEliminarY ta claro que los políticos, comenenciosos por naturaleza, saber.
ResponderEliminar