Genaro Alonso, Conseyeru d'Educación d'Asturies
La brutal baxada de la natalidá tien de ser soportada por dambes redes, la pública y l’alcordada». El conseyeru d’Educación, Genaro Alonso,proponía’l vienres pasáu la supresión de 32 aules na rede alcordada y ayeri, a entrugues de Foru na Xunta Xeneral, faló de 44 pa la pública.
La idega ye cerrar 44 aules na enseñanza pública pal añu entrante, 27 n’Infantil y 17 en Primaria. ‘amenorgamientu ye, por tanto, mayor que na alcordada, con dolce unidaes más, y viense a sumar a les 70 (49 d’Infantil y 21 de Primaria) que la pública vio esaniciaes en cuatro años, dende la última revisión de conciertos, axustada en 2013. Arriendes d’ello, nesti tiempu echaron el pieslle 30 colexos rurales arrexuntaos (CRAS) y once centros públicos.
Nos sos cinco primeros minutos d’intervención, Alonso nun fixo más qu’apurrir datos pa demostrar que tamién la pública soporta abondo la cayida de la natalidá. Volviendo tomar como referencia esi cursu 2012-13, Asturies vio cómo na etapa de trés a seis año incorporáronse al sistema 2.469 neños menos. Fonte: asturnews.com
Como siempres la pública cargar cola más fea del baille en favor de l'alcordada. Los neños inmigrantes de clase social baxa y con desconocimientu del idioma según los neños y neñes con problemes d'aprendizaxe y de conducta van parar na so gran mayoría a la enseñanza pública. Por eso les resultancies y porcentaxes de l'alcordada van tender a ser más altos al ser aules bastante más homoxénees.
ResponderEliminar