La primer xunta d'esti grupu de trabayu afitóse pal próximu 9 de marzu de 2016 nel ministeriu
Genaro Alonso Megido, ye'l Conseyeru d'Educación d'Asturies
El conseyeru d'Educación y Cultura, Genaro Alonso, anunció esti sábadu que'l Gobiernu del Principáu forzó la creación d'una comisión de trabayu col Ministeriu d'Educación, Cultura y Deporte pa empecipiar la ellaboración d'un decretu autonómicu de creación de la especialidá docente de Llingua Asturiana y Lliteratura.
Alonso señaló qu'esti alcuerdu foi posible por cuenta de la insistencia del Gobiernu d'Asturies, que na última Conferencia d'Educación celebrada'l 13 d'agostu encamentó al ministru Iñigo Méndez de Vigo a la reconocencia d'esta especialidá docente.
Esti mes d'avientu, el Ministeriu d'Educación, Cultura y Deporte comunicó a la conseyería, de manera verbal, que la creación de la especialidá de profesoráu d'asturianu "escapa al ámbitu competencial del Estáu". Ante esta respuesta, Alonso solicitó una xunta urxente col secretariu d'estáu d'Educación, Formación Profesional y Universidaes, Marcial Marín, que tuvo llugar el día 23 nel ministeriu.
Mientres l'alcuentru, al qu'allegaron Alonso, Marín y el director xeneral d'Evaluación y Cooperación Territorial, José Luis Blanco, alcordóse la creación d'una comisión de trabayu pa empecipiar la ellaboración d'un decretu autonómicu d'especialidá d'asturianu, cola collaboración del Gobiernu estatal. Esta decisión tomóse una vegada que'l Gobiernu central incidió en qu'esti llabor entepasaba de les sos competencies.
La primer xunta d'esti grupu de trabayu afitóse pal próximu 9 de marzu de 2016 nel ministeriu. Fonte: El Comercio.es
Paez que'l nuevu añu arrinca cola promesa del Conseyeru d'Educación d'empecipiar un camín lóxico y cabal empuestu a la creación de la especialidá docente del asturianu. Tal que ta bien de moda esta temporada yá que a Genaro Alonso Megido acompáñelu (y déxe-y) la fuerza.
ResponderEliminarEl señor Megido siempres foi un señor consecuente y serio. Va Ser el principiu del inevitable camín d'accesu a la oficialidá de la llingua asturiana? oxalá.
ResponderEliminarEsto ye un puntu y aparte a la nefasta política educativa en tolos sentíos de la anterior conseyera.
ResponderEliminarNon te emociones, Menéndez, vamos esperar un pocu pa ver meyor y con más claridá, ensin inxerencies de posibles troyanos políticos.
ResponderEliminarYe un pasu alantre.
ResponderEliminarSí que ye un pasu alantre pero bien cortu y perlentu ¿non?
ResponderEliminarAsina llevamos munchos años esperando y esperando... y desesperando.
ResponderEliminarDalgún día esto va camudar, cuando pongamos toos manes a la obra, non antes.
ResponderEliminar