El diputáu y la diputada de Podemos electos por Asturies usen la llingua asturiana na so promesa
Segundo González comprometióse "a trabayar pa poner les instituciones al serviciu y a l'altura de la xente" mentes que Sofia Castañón prometió "pola alcordanza de les nueses güeles pol futuru de los nuesos fíos".
Amás de la fórmula habitual de xuramentu o promesa nel Congresu de los Diputaos, ye vezu que los diputaos usen dalguna frase que complemente o matice les sos pallabres.
Amás de la diputada y el diputáu asturianos bona parte de los diputaos de comunidaes billingües usaron tamién les llingües propies na sesión constitutiva del congresu.
La promesa de Segundo González
"Prometo acatar esta constitución y trabayar pa cambiala. Comprométome a trabayar pa poner les instituciones al serviciu y a l'altura de la xente n'Asturies y n'España. Nunca más un país ensin la so xente y los sos pueblos"
Fonte: Asturies.com
Ta perbién que se prometa'l cargu de diputáu n'asturianu y que se llevante'l puñu glayando sí se puede, fenomenal y bien vistosu, y amosar neños en brazos anque nun ye'l llugar fayadizu pa ello habiendo guarderíes buenísimas y bien barates nel Congresu. Pero va ser capaz esta tienra parejita de dos, especialmente él, de lleer completu o de saber interpretar o de resumir el significáu d'un proyectu lexislativu, o de defender y entá ye más ellaborar o preparar y esponer ante la cámara una ponencia o de trabayar o siquier collaborar con sentíu d'estáu nuna comisión de trabayu si asina se-yos asigna? col espediente escolar (que non yá académicu) que consta paezme extremamente difícil. Ríquese un mínimu nivel cultural y meyor entá académicu poroque ende vase a trabayar pa toos el españoles y non a llevantar el puñu solamente.
ResponderEliminarEsta mocedá asturiana pon toles ganes y hai qu'estima-y lo magar la falta de preparación y de conocencies que tienen y, anque per otra parte tamién tenga les sos grandes compensaciones económiques y d'empléu, comoquier ¡suerte rapazos!
ResponderEliminarEl bien escasu bagaxe cultural y académicu que tienen estos representantes asturianos nun ye problema porque yá-yos mandará'l jefe Iglesias cuándo hai que calcar el botón del sigo y el botón del non que ye para lo que fueron a Madrid, pa pretar el botón y llevantar bien el puñu.
ResponderEliminarLa promesa n'asturianu sonó perbién nel Congresu y foi una gociada oyelo pola tele Pero la política ye asina Wenceslao non tolos diputaos pasaríen l'Informe Tría de cultura, tampoco estos dos representantes asturianos como diz Dimas, pero ye qu'al meyor les cabeces del partíu preferir asina, que pulsien el botón ensin preguntar y ensin razonar, y parte de les ganancies mensuales a apurrir al partíu.
ResponderEliminarTol asuntu de la promesa n'asturianu ye bien llamativu y ta perbién (pero siguimos ensin oficialidá) y Asturies precisa en Madrid xente realmente preparao y que sepa (perdón pola claridá bienintencionada)
ResponderEliminarFelicidaes a Podemos por esti fechu hestóricu. A siguir agora pola oficialidá.
ResponderEliminar