Nuna votación que vien entamando dende l’añu 2013 la RPA, cola collaboración de l’asociación Iniciativa pol Asturianu, propónse escoyer la meyor noticia de 2015.La propuesta tien por oxetivu conocer les noticies del añu que los internautes consideren meyores pal futuru de la llingua asturiana. El llistáu fízose teniendo en cuenta les propuestes de los asociaos y asociaes d’Iniciativa pol Asturianu pa reflexonar sobre los pasos alantre nel procesud e normalización a lo lllargo de 2015.
Pa la votación escoyéronse 17noticies de tolos ámbitos de la vida social, cultural y política d’Asturies, que foran positives pal asturianu y que se dieran nel añu 2015. En 2013 l’ésitu d’Asterix n’asturianu y en 2014 “Los bolechas”, programa infantil na nuesa llingua en TPA, fueron les noticies escoyíes.
El resultáu de la votación popular va desvelase dientro del programa “Noche tras noche”, de RPA, el viniente 18 de xineru, a partir de les 23 hores. Y los interesaos puen votar hasta cinco noticies candidates nesta páxina d’encuestes de Docs de Google hasta’l 17 de xineru. Fonte: asturnews.com
Ye bien bona idea anque daqué complicada por ser bien suxetiva y personal.
ResponderEliminarPero ye bonu participar pa ver la opinión de la xente asturiano pulsiando la "pagina d'encuestes de Docs" que vien en color azul de la penúltima llínea de la entrada.
ResponderEliminar