Esti domingu 10 de xineru, como tolos años, l’Asociación pa la Recuperación de Los Sidros y Les Comedies ‘El Cencerru’ convoca los Domingos de Sidros y Comedies, pa representar les tradicionales comedies en Valdesoto, dende les 12,30 hores.
La tradición recuperada hai unos años por esta asociación entama tolos domingos primeros depués de los Reis con un desfile encabezáu polos sidros, qu’anuncien la llegada de la comedia. El Campu la Ilesia va ser alredor de les 12.30 hores el llugar de la representación primera, polos neños y neñes, de la comedia ‘Vivamos en paz’, escrita por Pergentino Martínez. Y tres d’esta actuacion, los mayores van interpretar ‘Valdesoto ta de comedia’, de José Ramón Oliva.
Esti añu, pa promocionar l'eventu, l’Asociación El Cencerru ellaboró un vídiu promocional que pue vese na plataforma Vimeo. Fonte: asturnews.com
¡bien guapu! igual qu'en la nuesa niñez y la nuesa mocedá y que siga bien de años.
ResponderEliminarVa unos años taba casi escaecida pero agora vuélvese a celebrar en toa Asturies. Na redoma de Xixón, Cabueñes y contorna, foi reintroducida con ganes y enforma entusiasmu va unos años por unos mozos qu'agora tienen yá más de cuarenta año, y agora ta en puxanza.
ResponderEliminaren Cabueñes y Santurio.
ResponderEliminarYe que ye lo de nueso.
ResponderEliminarTenemos que sacalo a la lluz, fomentalo en cada aldega y lluchar por ello.
ResponderEliminar