La presidenta de l’Academia de la Llingua Asturiana, Ana Cano, amosó otra vuelta la postura de la institución que refuga crear la especialidá docente d’asturianu con un decretu autonómicu y esixó que seya por un cambiu del decretu estatal d’especialidaes.
Les declaraciones ficiérales esti día a los medios de comunicación en calteniendo una xunta col voceru de Ciudadanos na Xunta Xeneral, Nicanor García, dientro de los contautos que la institución vien calteniendo colos partíos políticos n’Asturies alrodiu de la situación de la llingua asturiana.
L’anunciu del conseyeru d’Ecuación, Genaro Alonso, del entamu de les xestiones pa crear con un decretu autonómicu la especialidá de llingua asturiana como vienen pidiendo tolos sectores implicaos dende va años ye pala presidenta de l’Academia un apañu como tolo que se fai alrodiu de la llingua: “El decretu d’especialidaes nun ye competencia del Gobiernu del Principáu, ye del de Madrid, y pidimos ye qu’esi decretu se modifique y se contemple tamién la especialidá de llingua asturiana”, señaló Cano.
La presidenta de l’Academia fizo alcordanza tamién de que la Llei Wert reconoz la existencia de llingües non oficiales, y poro entiende que se recueye la posibilidá d’incluyiles nesi decretu d’especialidaes, a lo que paez renunciar el Principáu al plantegar una vía que nun esiste en denguna otra comunidá autónoma y que nun ye la vía normal.
Fonte: Asturnews
Fai falta bona voluntá, namás que bona voluntá, y sobremanera oficialidá.
ResponderEliminarAna Cano colos miembros de l'ALLA son tou un baluarte nesta llucha por dar altor y dignificación al asturianu, alantre col sofitu de la xente asturiano que valora'l so gran llabor.
ResponderEliminarYe cientu per cientu verdá que la Llei Wert reconoz abiertamente la esistencia de llingües non oficiales como ye'l casu del asturianu pero nun puede faer nada mientres nun se reconoza o apruebe la so oficialidá y eso ta puramente en manos del gobiernu asturianu. Hasta esi momentu la Llei Wert nun puede faer namás.
ResponderEliminarCiertu anque bien duru, Menéndez, y toi con Trancho y conl'ALLA pola so perbona llabor dando rellumu, llustre y altor al asturianu.
ResponderEliminarYe urxente lal oficialidá de la llingua.
ResponderEliminarL'ALLA ye'l faru y empón gracies al cual pervive la llingua y Ana Cano nesti momentu ye la so conductora bien arrodiada d'estudiosos bien trabayadores. Que nun falte nunca y a siguir.
ResponderEliminarArias y Cano, gracies.
ResponderEliminarEste comentario ha sido eliminado por un administrador del blog.
ResponderEliminarTino ties tola razón del mundu mundial. ¡Ah! el chiste ye bien bono y con segundes y hasta terceres.
ResponderEliminarComo Tino ye'l mio amigu "El Roxu", y l'alministrador borró el so comentariu ensín saber el pos nun da esplicaciones, nun tien sentíu lo del chiste. Sentar enforma.
ResponderEliminar