Uviéu reconoz yá'l drechu a usar l'asturianu

La midida llega dempués de la quexa d'Iniciativa pol Asturianu en mayu.

El gobiernu del Conceyu d'Uviéu aprobó estos díes una modificación del so Reglamentu Orgánicu de Gobiernu y Alministración y de magar estos díes, tal y como diz agora'l testu: «tendráse por válido a tolos efectos l'usu del bable/asturianu nes comunicaciones orales o escrites de los ciudadanos». La modificiación llega dempués de que nel mes de mayu Iniciativa pol Asturianu denunciara qu'un miembru de la organización sufriera la prohibición de presentar un testu n'asturianu nel rexistru del Conceyu y tres el posterior alcuerdu del plenu por unanimidá que xeneró esta noticia. La modificiación del reglamentu va entrar en vigor dientro d'alredor de mes y mediu, acordies colos plazos llegales. Fonte: Quéyeho!