26/9/13

PP y UPyD proponen obligar a que la llingua vehicular nel enseñu seya'l castellán en tol Estáu

PP y UPyD vienen acabantes d'algamar un alcuerdu pa que la Llei Orgánica de Meyora de la Calidá Educativa (LOMCE) recueya espresamente que'l castellán sía la llingua vehicular na enseñanza de too l'Estáu. La incorporación d'esti nuevu preceptu va producise al traviés d'una transaccional que los populares ufiertaron a la enmienda presentada por UPyD a la disposición adicional trixésimu octava del proyectu normativu y que esti grupu aceptó, no que convierte la LOMCE nel mayor atentáu escontra les llingues autonómiques dende la Transición. El testu alcordáu polos dos partíos recueye que les alministraciones educatives van garantizar el derechu de los alumnos a recibir les enseñances en castellán, llingua oficial del Estáu, y nes demás llingües cooficiales nos sos respectivos territorios. El castellán sedrá la llingua vehicular de la enseñanza en tol Estáu y les llingües cooficiales seranlo tamién nes respectives comunidaes autónomes, acordies con los sos estatutos y normativa aplicable. L'alcuerdu daría la risa si nun fora tan grave lo que propón ya que llingua vehícular nun puede ser namái qu'una, colo que serálo'l castellanu por obligación llegal, sigún se desprende del artículáu que va proponese. Fonte: Asturnews

4 comentarios:

  1. We answered you in your private electronic adress. Thank you for your interest.

    ResponderEliminar
  2. Billingüismu en tol Estáu, p. ex. en Asturies asturianu y castellán al 50%, pero enantes hai que oficializar la llingua asturiana. OFICIALIDÁ DARRÉU.

    ResponderEliminar
  3. Vaya cuántu sabes amigu, disti na diana y nel güeyu de dalgunu.

    ResponderEliminar

Los comentarios tán pendientes de moderación. Espublizaránse lo primero dable.