La cita lliteraria afirma convocar "a toles instituciones representatives de les llingües", nun nuevu despreciu haza la llingua asturiana.
El filólogu y académicu Víctor García de la Concha ye'l creador y cabezaleru de los "Encuentros de Verines", cita lliteraria que se desendolca dende l'añu 1985 na casona de Pendueles. Tres más d'una década alloñáu d'esta cita por mor de les sos responsabilidaes n'otres instituciones, torna a la so direición, y lo fae despreciando y marxinando a les llingües non oficiales del estáu español, como la propia de la tierra onde se cellebra la cita: l'asturianu.
Asina, García de la Concha afirma convocar "a les instituciones representatives de les llingües", tando presentes tanto representantes del castellán como del euskera, el catalán o'l gallegu. Sicasí, nin l'aragonés nin l'asturianu foron invitaos a participar, polo que l'Academia de la Llingua Asturiana queda fuera d'estos alcuentros. Ye un casu más de nengunéu, despreciu y ñegación viniente d'instituciones españoles como l'Institutu Cervantes o la RAE haza les llingües non oficiales del estáu español.
Fonte: Infoasturies
Otra preba más de la necesidá de la oficialidá pa esistir como llingua.
ResponderEliminarMáxime cuando'l responsable ye asturianu. Él ta contentu de mirar solo pal castellanu. De que falen nel so pueblu nada d'alcordase.
ResponderEliminarL'oficialitat no és una panacea però, com a mínim, evita que la gent antiasturianista tinguin l'excusa de "com que no és oficial...".
ResponderEliminar