Dos de los premiaos d’esti añu colos Premios Lliterarios en Llingua Asturiana, Vicente García Oliva y Marta Mori, reclamaron na entrega de premios que la llingua se puea emplegar en más ámbitos. Oliva fíxolo pidiendo direutamente la oficialidá.
Los ganadores de los Premios Lliterarios en Llingua Asturiana 2010, Vicente García Oliva (premiu Máximo Fuertes Acevedo d'ensayu), Marta Mori (premiu Xuan María Acebal de Poesía) y Montserrat Garnacho (premiu María Josefa Canellada de lliteratura infantil y xuvenil) tuvieron presentes esti llunes na entrega institucional que tuvo llugar na Conseyería de Cultura, institución que convoca l’actu.
Na gala d’entrega, García Oliva quiso aprovechar la ocasión pa esixir la oficialidá de la llingua asturiana. Na so intervención, destacó que "los asturianos tenemos una llingua mui guapa, que ye un patrimoniu inmaterial pol qu'hai que lluchar y qu'hai que defender". Al so xuiciu, "la meyor manera de defendela ye pidiendo la oficialidá". Dende'l so puntu de vista, "tarde o temprano llegará esi día". Marta Mori tamién pidió que la llingua puea salir "de la llírica y la lliteratura", y que "podamos emplegala n'ámbitos menos prosaicos". Nel pieslle del actu, la Direutora de Política Llingüística, Consuelo Vega, refirióse a les pallabres del escritor. "La llingua asturiana ye un patrimoniu inmaterial, pero tamién pa los que nun la falen, nin la entienden nin s'interesen por ella".
Los ganadores de los Premios Lliterarios en Llingua Asturiana 2010, Vicente García Oliva (premiu Máximo Fuertes Acevedo d'ensayu), Marta Mori (premiu Xuan María Acebal de Poesía) y Montserrat Garnacho (premiu María Josefa Canellada de lliteratura infantil y xuvenil) tuvieron presentes esti llunes na entrega institucional que tuvo llugar na Conseyería de Cultura, institución que convoca l’actu.
Na gala d’entrega, García Oliva quiso aprovechar la ocasión pa esixir la oficialidá de la llingua asturiana. Na so intervención, destacó que "los asturianos tenemos una llingua mui guapa, que ye un patrimoniu inmaterial pol qu'hai que lluchar y qu'hai que defender". Al so xuiciu, "la meyor manera de defendela ye pidiendo la oficialidá". Dende'l so puntu de vista, "tarde o temprano llegará esi día". Marta Mori tamién pidió que la llingua puea salir "de la llírica y la lliteratura", y que "podamos emplegala n'ámbitos menos prosaicos". Nel pieslle del actu, la Direutora de Política Llingüística, Consuelo Vega, refirióse a les pallabres del escritor. "La llingua asturiana ye un patrimoniu inmaterial, pero tamién pa los que nun la falen, nin la entienden nin s'interesen por ella".
Caltener los premios
Otra reivindicación común de Marta Mori y Vicente García Oliva nes sos intervenciones foi la de pedir qu’estos gallardones se caltengan pa próximos años, nuna referencia velada al contestu de crisis económica actual. Dase la circunstancia de que dos de les estayes d'esta edición 2010 quedaron desiertes, la de cómic y la de novela. Los trés recibieron la figura que s'entrega a los ganadores, asina como la cantidá de 7.000 euros. Amás espublizaránse les sos obres.
Obres premiaes
Vicente García Oliva ye l'autor de 'El Síndrome de Xerezade', qu'analiza la necesidá antropolóxica de cuntar hestories, y la función de los mitos y los cuentos na evolución de la humanidá.
Marta Mori presentó'l poemariu 'La mio voz', del que xuráu destacó'l so calter "intimista y emocionante, mui bien trabayáu estilística y formalmente".
A lo último, Monserrat Garnacho foi ganadora con 'A pespunte', "un testu que recupera, revisa y actualiza la tradición oral d'una manera que l'avera a los neños y neñes del nuesu tiempu", según la Conseyería.
Marta Mori presentó'l poemariu 'La mio voz', del que xuráu destacó'l so calter "intimista y emocionante, mui bien trabayáu estilística y formalmente".
A lo último, Monserrat Garnacho foi ganadora con 'A pespunte', "un testu que recupera, revisa y actualiza la tradición oral d'una manera que l'avera a los neños y neñes del nuesu tiempu", según la Conseyería.
Fonte: Asturies.com
Felicidaes a los trés premiaos. Les pallabres de Vicente García Oliva son una gran verdá -la llingua asturiana ye un patrimoniu inmaterial- y eses otres, milenta vegaes repitíes y escuchaes, de que la meyor manera de defendela ye pidiendo la oficialidá que tien que llegar. Tamién tá perbién acertá la petición de Marta Mori de que'l asturianu puea emplegase más allá de la llírica y la lliteratura en tolos ámbitos. Les guapes pallabres de la Direutora de Política LLingüística Consuelo Vega nel pieslle del actu -...pero tamién pa los que nun la falen, nin la entienden, nin sinteresen por ella- fadría perbién faceles llegar al Presidente del Principáu sr. Areces, por motivu de mera prosimidá xeográfica o política, pa tratar de tornalu favoratible (ye un home intelixente y amás profesor) a la noble idega de la reconocencia oficial de la llingua esixida y escorrida mientres tantu tiempu pol pueblu que lo escoyó pa representalo.
ResponderEliminarEl mayor premiu que pue dase ye'l de la oficialidá.
ResponderEliminarDiz perbién Xuanxo refiriéndose al presidente del gobiernu asturianu: "el pueblo escoyer pa representalo". Pero hai qu'añedir "...Y PA SERVILO", porque munches vegaes escaecemos y los políticos en xeneral escaeder dempués de celebraes les elecciones que tán pa sirvir y alministrar al pueblu (asturianu n'esti casu) que representen, y non a sirvise d'él y p'espolletar nos sos propios intereses políticos particulares. Esto tien que ver con la refugada y negada oficialidá de la llingua que l'asturianía pídelu y esíxelu porque pa eso entre otres coses, escoyer como presidente y al so partíu ¿Tá d'alcuerdu nesti puntu básicu de la democracia sr. Areces? escuche y atienda'l clamor del pueblu asturianu a quien se debe: Oficialidá yá.
ResponderEliminar