2/3/16

L'artículu futuru


Xuan Porta
Faltaben pocos díes pa la fecha marcada nel calendariu pola Asociación de Defensa del Asturianu (ADA). Debíen desixir al Parllamentu autonómicu incluyir l’artículu de la oficialidá nel Estatutu d’Autonomía, pa finar cola discriminación llingüística, dempués de la cabera concentración na Xunta Xeneral escontra la prohibición del usu de la llingua asturiana nel mesmu Parllamentu. Con cares llargues, nel conceyu de l’asociación nun se desbloquiaben. Aldericaben  d’esti xeitu: “Contratar un abogáu condérganos a un escritu llargu, farragosu, pesáu y confusu”, dicíen. “Ye la so tendencia malsana a facer lleis mui llaaargues”, calteníen nel discutiniu. Entós, Nel, el secretariu, propunxo dir a la residencia onde alicaba ún de los hestóricos qu’anició cuantayá el movimientu de reivindicación llingüística n’Asturies. Amás yera un bon abogáu. De xuru que fadría daqué intelixente  pa esquivar al Fiscal del Estáu.
Falaron con elli, que sonrisó, afitando sele que fadría’l favor pola causa. Nuna selmana aportó el documentu plumiáu pol lletráu:
“La llingua asturiana, propia d’Asturies, tien, xunto cola castellana, el calter d’idioma oficial, y toos tienen el drechu a conocela y a emplegala. Naide podrá ser discrimináu por razón del idioma.”
Énte lo breve del testu la xente mermuraba: ¿De xuru que ye abogáu...?
Poques pallabres pal gran enfotu pola llingua.
Fonte: Asturias24

9 comentarios:

  1. Perfectu no fondero y na forma. A bon entendedor sobren más palabres.

    ResponderEliminar
  2. La segona frase sobra. Si tothom té dret d'usar-la, com el castellà, no cal repetir una cosa que ja és donada.

    ResponderEliminar
  3. Bonu... según cómo se llea o como s'entienda.

    ResponderEliminar
  4. Non necesariamente, David.

    ResponderEliminar
    Respuestas
    1. Sí necessàriament, Sinde.

      La segona frase serà aprofitada pels contraris a l'asturià i així podran seguir exercint de monolingües a Asturies. Amb el dret d'ús n'hi ha prou i suficient. No us compliqueu la vida i penseu amb el cap, no amb les vísceres.

      En legislació, el que reitera pot acabar contradient.

      Eliminar
  5. Al meyor puede ser positivu machucar bien el clavu.

    ResponderEliminar
  6. Bien orixinal. Oxalá se cumpla cola oficialidá.

    ResponderEliminar
  7. Esti artículu tien visos de ser una premonición, a esperar.

    ResponderEliminar

Los comentarios tán pendientes de moderación. Espublizaránse lo primero dable.