El Conseyeru d'Educación del Principáu d'Asturies, Genaro Alonso Megido
El Ministeriu Educación tresllado-y esta selmana pasada al Conseyeru del ramu asturianu, que nun ve posibilidaes d’algamar la especialidá educativa de llingua asturiana col decretu autonómicu que propón el Principáu por mor de que nun esiste precedente n’España y de les posibles dificultaes pa la so posterior reconocencia estatal.
El conseyeru d’Educación y Cultura del Gobiernu del Principáu d’Asturies, Genaro Alonso, participó la selmana pasada na primer xunta de la comisión de trabayu col Ministeriu d’Educación, Cultura y Deporte pa empecipiar la ellaboración del decretu autonómicu que dexaría poner en marcha la especialidá docente de llingua asturiana y la rempuesta del Ministeriu nun pudo ser más negativa.
“El ministeriu señala que se trata de crear la especialidá docente d’una llingua non cooficial, con protección xurídica ya implantación curricular, lo que supon una novedá, cuidando que nun esiste precedente n’España”, espliquen dende’l Principáu. Alonso presentó na cita les sos propuestes pa la ellaboración d’esta normativa, dempués de que l’Executivu central asegurara que la creación de la especialidá ta fora del so ámbitu competencial.
Pela so parte, los representantes del ministeriu almitieron la posibilidá de que sía’l Principáu’l qu’impulse la iniciativa, anque alvirtieron de posibles dificultaes pa la so posterior reconocencia estatal por aciu el cambéu de los reales decretos polos que s’establecen les especialidaes de los cuerpos docentes d’Educación Infantil, Primaria y Secundaria.
Mientres l’alcuentru, al qu’asistieron el secretariu d’Estáu d’Educación, Formación Profesional y Universidaes, Marcial Marín, y el director xeneral d’Evaluación y Cooperación Territorial, José Luis Blanco, alcordóse siguir colos trabayos de la comisión, treslladando la próxima xunta afitóse pal día 20 d’abril. Fonte: asturnews.com
Ta bien claro que si'l gobiernu del Principáu d'Asturies nun reconoz antes la llingua asturiana como cooficial, el Ministeriu d'Educación nun se va comprometer a nada. La pelota ta, como siempres tuvo, nel teyáu del gobiernu asturianu y la so previa reconocencia oficial del asturianu.
ResponderEliminarTenemos al enemigu dientro de casa, daqué según aquello de dormir col enemigu...
ResponderEliminarL'ordre cronològic correcte és oficialitat, reconeixement i finalment drets. Intentar saltar-se el pas de l'oficialitat i intentar arribar directament als drets, per molta raó que es tingui, és voler complicar-se la vida.
ResponderEliminarLa premisa qu'espón David paezme correctísima colo que vamos parar a l'argumentación de xuanxo más arriba. Totalmente d'alcuerdu. Mientres el gobiernu asturianu negar n'arredondio a la oficialidá podrá avanzase pero bien pocu y con bien de dificultaes. Pero hai que siguir lluchando dende la intelectualidá (l'ALLA y demás asociaciones culturales), dende los medios de comunicación (diarios, periódicos, revistes y RTPA, y dende la cai (la xente falando y escribiendo y esixendo ensin esmorecimientu la reconocencia de la so llingua materna) esto ye ganándo-y lo día ente día.
ResponderEliminarA esta xente... ¡na cai! y con bien de ruiu, X.A.
ResponderEliminarYe una pena que la xente nun reclama nin llucha pola llingua cola abonda fuerza y ganes, conformar colo mínimo y a pasar. Asina nun s'avanza.
ResponderEliminar