El grupu parllamentariu d’IX amosaba esti llunes pela mañana la so indignación per boca de la vocera axunta, Concha Masa, pola situación que se produció güei llunes pol usu de la llingua, y la imposibilidá de convocar de forma billingüe la comisión d’estudiu sobre l’asturianu, una posición yá de mínimos, que, sicasí, a xuiciu del Presidente de la Xunta precisaba de consensu.
“Ta claro que’l consensu nun se va dar”, alvirtió la diputada d’IX. IX ta decidida a nun quedar de brazos cruciaos porque l’asturianu ta sufriendo un auténticu vetu al so usu que, como sostién Concha Masa, va en escontra del Estatutu d’Autonomía, la Llei d’Usu y los derechos de los asturfalantes y la dignidá mínima que puede riquir la llingua asturiana.
Nuna nota de prensa asoleyada pela tarde IX asegura que “va siguir buscando midíes pa que na normativa consígase l’usu del asturianu nes instituciones, en concretu na Xunta Xeneral, d’alcuerdu a lo qu’esperen los asturianos y a la dignidá de la llingua”. Nes nota de prensa, la diputada Concha Masa quería dexar afitao que “si ye necesario, IX va proponer la reforma del reglamentu de la Cámara”.
Fonte: Asturnews
Paez que Llamazares, que ye zamoranu de nacimientu y asturianu d'adopción, va enfotase muncho más que la pareya Fernández (Cherines y Javier) que son asturianos de nacimientu y nómanse asturianos dafechu.
ResponderEliminarYe que los Fernández citaos más arriba paecen nacíos pacenses por casu, con perdón pa los pacenses por nomalos ensin nenguna intención.
ResponderEliminar