Xunu o xunetu. Éses son les feches que remana la Conseyería d’Educación, Cultura y Deporte pa la celebración de la gala del IX Premiu al Meyor Cantar. Les bases de la edición d’esti añu daránse a conocer nes selmanes próximes.
La gala del Premiu al Meyor Cantar desendolcóse toos estos años nos meses de febreru y marzu, coincidiendo cola cercanía col Día Internacional de la Llingua Materna (21 de febreru), pero esti añu la fecha retrasóse nun primer momentu hasta la Selmana de les Lletres Asturianes, que da aniciu’l sábadu. Sicasí, según confirmó a Asturies.com la direutora xeneral de Política Llingüística, Ana María Fueyo, l’eventu nel que s’escueye al meyor cantar en llingua asturiana o gallego-asturiano del añu anterior va celebrase finalmente en xunu o xunetu pa nun sobrecargar d’actividaes la Selmana de les Lletres y dar la relevancia necesaria al concursu musical.
Les bases de la novena edición del Premiu al Meyor Cantar daránse a conocer nes selmanes próximes, asina como la fecha definitiva de la gala. L’añu pasáu ésta tuvo llugar nel xixonés Teatru de la Llaboral el 14 de marzu, resultando ganador el tema n’eonaviego ‘Volviche’, de la Banda Gaitas El Trasno, de Cuaña.
Na semeya, actuación d'El Trasno na edición última del Premiu al Meyor Cantar.
Fonte: Asturies.com
Pal Trasno: ¿col tambor tradicional asturianu o cola snob caxa militar inglesa?
ResponderEliminarCellero, si non usen los tambores tradicionales asturianos ye meyor que porten les famoses caxes de ritmos de maera qu'usen los flamencos, faen más ruiu que les escoceses y tóquense coles manes sentaos sobre elles y amás... salen mas barates amás de que pesen muncho menos.
ResponderEliminarHai muncho negociu cola compraventa de les caxes ingleses y amás úsense pa los grupos de rock. El tambor clásicu asturianu con bordones ye la meyor solución.
ResponderEliminarEl negociu ye ...el negociu, fíu.
ResponderEliminar