8/3/16

Un cursu na sede de la RTPA va permitir a periodistes formase n'asturianu



Un cursu na sede de la RTPA va permitir a periodistes formase n'asturianu
La Direición Xeneral de Planificación Llingüística y Normalización y l'Academia de la Llingua Asturiana (ALLA) entamen xunto con RTPA un 'Cursu de Llingua Asturiana pa Programes Informativos' en dos niveles. Ésti ta destináu a profesionales del sector audiovisual.
Esta iniciativa ye asemeyada a la fecha hai unos años pol ente públicu de comunicación pal so personal, cola diferencia de que nesta ocasión ta abierta a tolos profesionales de la comunicación nel país. El oxetivu ye "capacitar al alumnáu pa ellaborar, acordies col so perfil, un programa informativu n’asturianu en radio/televisión".
Pa ello dispondrán de baldre d'un cursu semipresencial de 60 hores de llargor, que se divide en cuatro bloques: 'Gramática, normes ortográfiques y léxicu', impartíu por Marta Mori; 'Sociollingüística, Llexislación y Alministración', a cargu de Pablo Texón y José Luis Remis; 'Medios de comunicación y normalización', con Damián Barreiro como maestru; y  'Práctica del asturianu en programes informativos de radio y televisión', clases que van poner Naciu Varillas y Xosé Miguel Suárez Fernández 'Tapia'.
Les sesiones van celebrase de 15 a 18 hores, xueves y vienres, nun calendariu que va principiar el día 31, con final previstu pal 26 de mayu. Los alumnos que participen nel cursu van recibir un certificáu d'aprovechamientu del mesmu. Pa formalizar la matrícula ye necesario unviar a la direición xeneral la fueya d'inscripción disponible na so web, o nel documentu qu'apaez como axuntu nesta noticia con tola información sobre la so programación, enantes del día 22.
Formar a periodistes nel emplegu de la llingua asturiana
Esta iniciativa naz del enfotu del conseyeru d'Educación y Cultura, Genaro Alonso, y del direutor xeneral de Planificación Llingüística y Normalización, Fernando Padilla, cola intención de formar periodistes nel emplegu de la llingua asturiana. L'oxetivu últimu ye aumentar la programación n'asturianu de la RTPA, unos de los puntos que trata'l documentu del Plan de Dignificación que s'aprobó na Xunta Xuneral, pendiente de la so redaición definitiva por parte del Conseyu de Gobiernu.
Fonte: Asturies.com
AdxuntuTamañu
PDF icon cursu_de_llingua_asturiana_pa_programes_informativos.pdf101.43 KB

11 comentarios:

  1. Molt bona iniciativa i espero que es tradueixi en més hores de programació en asturià, especialment els informatius, que són els que donen importància i seguretat a la llengua.

    I també espero que, ja que sembla que és de seguiment voluntari, tingui una bona acollida entre els professionals.

    ResponderEliminar
  2. Vamos ver dixo un ciegu y nunca vio. Yá que tenga bona acoyida y sirva pal expandimientu y meyora Yá que tenga bona acoyida y sirva pal expandimiento y meyora de la salú y vitalidá de la llingua asturiana.

    ResponderEliminar
  3. René, ye cosa de voluntá.

    ResponderEliminar
  4. Va ser bien difícil convencer a esta tropa de ganapanes.

    ResponderEliminar
  5. ...ganapanes amaestraos y domaos pol PSOE dende fai enforma tiempu, Sinesiu.

    ResponderEliminar
  6. Vamos Ver la respuesta a esta magnífica ufierta cultural empobinada al mundu específicu del periodismu y en concretu a los periodistes asturianos, tamos deseosos de comprobar la resultancia.

    ResponderEliminar
  7. Siempres hai esceiciones, Marga, anque la verdá ye qu'el periodismu ye un mundu endogámicu y bien zarráu al progreso intelectual.

    ResponderEliminar
  8. La "clase" periodística tien bien mala fama culturalmente pero nesta ocasión paez que va ser distintu, home.

    ResponderEliminar
  9. perbona tropa de "pelotas"

    ResponderEliminar
  10. Ten en cuenta que si nun trabayen asina, nun trabayen. Pero sí que podríen cultivase intelectualmente un pocu más.

    ResponderEliminar

Los comentarios tán pendientes de moderación. Espublizaránse lo primero dable.