Aconceyaron esti martes na sede de l'Academia de la Llingua Asturiana (ALLA).
El coordinador xeneral d'Izquierda Xunida (IX), Manuel González Orviz y la diputada Concha Masa acudieron a la reunión en compañía del secretariu xeneral d'Izquierda Asturiana (IAS) y conceyal en Mieres, Faustino Zapico, que foron recibíos por Ana María Cano y Xosé Antón González Riaño, presidenta y vicepresidente de la institución académica. L'oxetivu de la reunión yera'l deseyu de la coalición de treslladar la disposición de la formación a defender nes instituciones y na cai l'usu del asturianu tres la polémica rexistrada pola negativa del Partido Popular a que se puea usar l'idioma na Xunta Xeneral del Principáu, inclusive dientro de la comisión qu'estudia la situación de la llingua asturiana.
"Ye imprescindible tomar conciencia de la necesidá de defender la llingua esmazcarando a los que nieguen a la población asturiana los derechos llingüísticos que sí se reconocen n'otres comunidaes autónomes", afirmó Masa.
Fonte: Asturies.com
¿Van Ser solo bones palabres como tantes vegaes? oxalá se cumplan.
ResponderEliminar