19/11/15

Virgili diz ser partidariu de la llingua asturiana

Antonio Virgili, direutor xeneral de la RTPA

  RTPA podría participar na creación d'una canal de cultura celta xunto con otres televisiones.
 Antonio Virgili, previsiblemente direutor xeneral de la RTPA tres l'alcuerdu algamáu por PSOE, PP y IX pa la so continuidá nun cargu que lleva exerciendo en funciones dende'l 2011, participó ayeri na Xunta Xeneral nuna comparecencia na que tamién tomaron parte los miembros propuestos polos grupos parllamentarios pa forma el conseyu d'alministración nuevu del ente públicu de comunicación. Nél el periodista mostróse partidariu de la llingua asturiana y comprometióse a sumar más conteníos nesi idioma.
 Hai que recordar que'l so nomamientu nun foi bien recibíu nin pola Xunta pola Defensa de la Llingua Asturiana nin por Iniciativa pol Asturianu. Dambos organizaciones consideren que dende que llegó al cargu la situación del asturianu na RTPA nun tuvo avance nengún.
 Otra manera, Virgili afitó como oxetivu nesta etapa nueva una restructuración de la plantiya actual pa saca-y más rendimientu y defendió la independencia del ente. Tamién anunció les negociaciones pa la creación d'una canal de temática celta de nome 'Celtic Channel' xunto con otres televisiones, ente elles la BBC británica, que tendría conteníos específicos sobre la cultura atlántica.                                                                               Fonte: asturies.com

5 comentarios:

  1. ¡Ah! ¿yá camudó d'opinión?, que vien el llobu...

    ResponderEliminar
  2. Menos llobos, menos pallabres inanes y más fechos pa con l'asturianu.

    ResponderEliminar
  3. Virgili porfa, informativos n'asturianu.

    ResponderEliminar
  4. Pero bonu, qué pensáis, qué queréis, la postura de Vigili ye lóxica, ye bien obediente a quien lu paga, ye un home fiel al réxime que lu pon na poltrona de la TPA. Amás él sentir asina, nada d'asturianu.

    ResponderEliminar

Los comentarios tán pendientes de moderación. Espublizaránse lo primero dable.