Na semeya. Alberto Álvarez Peña. Bertu Peña
Esti martes, a les 20 hores –media hora más tarde del horariu habitual–, celebróse la charra mensual d’Ástura nel Atenéu Obreru de Xixón. Nesta ocasión el convidáu foi Alberto Álvarez Peña, que faló de la ‘Iconografía del arte popular asturianu’.
L’etnógrafu, poro, esplicónos cómo lo qu’entendemos como arte popular y que vemos n’horros, paneres, arcones, sobrepuertes de cases, cuernes de mecer, gaxapos o marcos de pan y quesu, ente otros, nun tien sólo un enfotu decorativu. “No fondero trescala’l raigañu proteutor de la collecha, el ganáu y la vida. Hexapételes, radiales, tetrasqueles o esvástiques nun son debuxos xeométricos ensin más; vencéyense al sol que frañe les tiniebles yá dende los tiempos de les vieyes relixones paganes”, espliquen dende l’Asociación Cultural Ástura sobre esti tipu de motivos, que se define n’ocasiones col nome xenéricu de ‘arte pastoril alpinu’. “Munches veces estes iconografíes fúndense nun sincretismu cola simboloxía cristiana de cruces, cálices o custodies, y abondos d'ellos podemos rastrexalos na dómina’l bronce y atopalos notres fasteres d’Europa coles que podemos tener un acervu cultural común”, añaden.
El so protagonista, el xixonés Álvarez Peña, ye bien conocíu nel país pol so escomanáu trabayu dientro de la etnografía, sobre manera no que ye la mitoloxía y la tradición oral. Fonte: asturies.com
El so protagonista, el xixonés Álvarez Peña, ye bien conocíu nel país pol so escomanáu trabayu dientro de la etnografía, sobre manera no que ye la mitoloxía y la tradición oral. Fonte: asturies.com
Como siempres, magníficu.
ResponderEliminarEl meyor etnógrafu y el más apurríu investigador de la cultura tradicional asturiana, Bertu Peña, ilustra como naide y dende va munchos años la tradición asturiana. Entá alcordanza cuando yera neñu y dábanos clases de dibuxu n'actividaes extraescolares peles tardes nel Colexu Públicu Xovellanos de la cai la Merded en Xixón, Llarga vida pa siguir nesti maraviyosu enfotu. Gracies Bertu Álvarez Peña.
ResponderEliminarPerbona llabor la del Atenéu Obreru coles charres mensuales d'Ástura.
ResponderEliminarAlberto Álvarez Peña ye un grande d'Asturies. Loor y reconocencia a la so enorme llabor dende munchos años pola llingua y la cultura astuianes.
ResponderEliminar