El Conciertu pola Oficialidá va abrir les puertes a les 19:00 hores, el sábadu 16 d’abril, nes instalaciones de la Feria de Muestres de Xixón. Nesti recintu van instalase dos escenarios independientes que van dir alternando les actuaciones de los grupos, pa evitar tiempos muertos. Esti añu cúntase cola participación d’ocho bandes, que son estes: Blima, Llangres, La Bandina, Toli Morilla, Misiva, K-Nalón, La Col.lá Propinde y La Tarrancha.
El conciertu va presentase esti llunes 4 d'abril nuna rueda de prensa que na va cuntase cola presencia de dellos músicos que participen nesta XXIII edición del Conciertu y que yá confirmaron la presencia: Toli Morilla, Santi Caleya y Merce Santos de La Bandina.
El Conciertu pola Oficialidá ye una iniciativa de la Xunta pola Defensa de la Llingua Asturiana que yá cumple la XXIII edición. Ye un referente nidiu de la música fecha n’asturianu que cunta siempres cola participación solidaria de los grupos y artistes asturianos con más sonadía y que davezu val tamién como plataforma pa echar a andar propuestes nueves. L’ésitu de públicu de les ediciones pasaes y l’abondancia y calidá de los grupos valen pa facer rescamplar un panorama musical n’asturianu mui dinámicu onde tán presentes estilos musicales bien estremaos, dende la canción asturiana más tradicional a les nueves tendencies na música lletrónica,ska, rock, etc.
Fonte: Asturnews
El sábadu 16 toos y toes al conciertu na Feria de Muestres de Xixón pola oficialidá a esfrutar.
ResponderEliminarSí, tol mundu al conciertu a sofitar la oficialidá ...menos los del pesoe y los d'ixunía a quien nun hai que dexar entrar porque ¿van tener la desfachatez y la cara abonda pa dir cuando tán en contra de la oficialidá? y ye que los antillingua tien morru pa eso y pa munchu más.
ResponderEliminary q pasa con dixebra?. mecaguen... abra q dir pero vaya mal q no actuen ni ellos ni los berrones ni eskama la rede
ResponderEliminarDixebra, Berrones y Eskama ¿ye que nun tien puestu ni padrín nel mundiu de la oficialidá?
ResponderEliminar