2/7/10

Propuesta a la Universidá d’Uviéu d'imaxe corporativa billingüe


El CUPA unvió al traviés d’un de los sos representantes nel Claustru de la Universidá la propuesta. El Conceyu Universitariu pol Asturianu (CUPA) ta acabante unviar a la Universidá d’Uviéu, y siguiendo’l trámite de consultes abiertu por ésta, una propuesta pa que la nueva imaxe corporativa, que va usase pola mor del nuevu proyeutu de Campus d’Escelencia, "vaiga tamién n’asturianu, recoyendo la realidá billingüe de la sociedá asturiana".
Dende’l Conceyu Universitariu pol Asturianu camienten "importante" facer visible l’usu del asturianu dientro la Universidá d’Uviéu, "con una midida que nun supón absolutamente nengún gastu y que, amás, respuende a la llexislación vixente, qu’obliga a la promoción del asturianu dientro de la Universidá".
Amás, recuerda que col cambéu de munchos de los centros de la Universidá (fusiones, cambeos de denomaciones, etc.) ye "un bon momentu" p’adautar la cartelería de forma billingüe, "como prometió’l Reutor Vicente Gotor".

Fonte: Infoasturies

2 comentarios:

  1. Milena aplausos pal reutor Sr. Gotor, la Universidá d'Ovieu y pal CUPA. Milenta silbíos pal gobiernu d'Asturies encabezau pol Sr. Areces, pal PSOE asturianu y pa los sos adláteres peloteros y aplaudidores de IXunía(ansiosos pol puestín y pol pelín de poder) La oficialidá ye necesaria y urxente ¡ya! El nueso presidente -y los sos consexeros- tá errando muncho n'esti tema por exemplu y van pagalu dabondo nes prósimes ellecciones, pero Areces como non va tar nel xuegu pasa talmente d'ello y diz "el que venga detrá que arree"

    ResponderEliminar
  2. Asturies merez un migayín de descancu. Tán tol día frayándola, asina que de xemes en cuando vien bien una allegría.

    Blogsaludos

    ResponderEliminar

Los comentarios tán pendientes de moderación. Espublizaránse lo primero dable.