CH Editorial ta acabante d'asoleyar "La Cultura Asturiana. Introducción a l’antropoloxía d’Asturies", de Roberto González-Quevedo. La obra ye una introducción a la cultura asturiana y nella estúdiense distintos aspeutos: dende les bases económiques onde s’afiten los vezos sociales fasta les creyencies máxiques. Avérase a temes como’l propiu conceutu de cultura asturiana, les actividaes campesines, les práutiques rituales, los ritos de pasu, les fiestes, el puxu identitariu de Cuadonga, la tradición oral y los vezos que tienen que ver cola bruxería.
"La Cultura Asturiana" ye una obra fecha fecha baxo la perspeutiva del cambeu social, poro un estudiu críticu de cómo la cultura asturiana, una realidá viva, foi camudando, iguándose asina al entamar el sieglu XXI una realidá cultural nueva.
Roberto González-Quevedo González ye doctor n’Antropoloxía pola Universidá Autónoma de Madrid y doctor en Filoloxía Hispánica pola Universidá d’Uviéu. Anguaño ye Caderalgu de Bachilleratu y profesor de llingua asturiana na Universidá d’Uviéu. Amás, ye Secretariu de l’Academia de la Llingua Asturiana.
Fonte: Infoasturies
Llibru perinteresante y completu de lleutura obligá como too lo que escribe Roberto González Quevedo ya que toca los temas baxu'l prisma envolvente ya total de la crítica d'una sociedá asturiana viva y camudante, de siempre y actual, coles sos tradiciones, problemes e inquietudes de güey. Felicidaes al autor pol so nuevu allumamientu lliterariu.
ResponderEliminarYe otra obra mayestra del infatigable profesor González Quevedo.
ResponderEliminar