La Conceyalía de Cultura Tradicional y Llingua Asturiana del Conceyu de Xixón, nel so enfotu de facer alcordanza de la figura de Federico González-Fierro Botas convoca otra vegada’l Premiu d'Ensayu "Fierro Botas" que tien comu plazu final de presentación esti prósimu 31 d’agostu.
Esti premiu empobínase a aquelles obres d'ensayu, o trabayos d'investigación, nos que se recueyan los siguientes ámbitos: investigación sobre la cultura asturiana; investigación sobre la cultura rusa o eslava; la memoria social y coleutiva de los pueblos rusu y asturianu; la memoria social y coleutiva de Xixón.
El premiu ye de 4.000 euros ya inclúi la espublización de la obra. Les primeres dos ediciones ganóles Rafael Rodríguez Valdés por “Discursos llingüísticos y movimientu obreru na Asturies decimonónica” y Javier Cubero de Vicente por “Del romanticismu al rexonalismu: escritores carlistes na lliteratura asturiana”.
Más información: Bases completes
Fonte: Asturnews
Interesantísimu premiu. Animarse ensayistas e investigaores que merez perbién la pena.
ResponderEliminarUn personax irrepetible que tuvo tola vida lluchando pola nuesa llingua.
ResponderEliminarUna vergoña que nel so entierru prohibieran l'usu de la llingua asturiana.
Ye por tercera vegada un emotivu y merecíu homenax a Fierro Botas col concurso d'ensayu del so nome. Alcordanza.
ResponderEliminar