Según acaba de dar anuncia la institución, les sos instalaciones acueyen yá pal so sistema informáticu, el sistema de software llibre UBUNTU, qu’ufre la posibilidá d’usase n’asturianu. P’asoleyar esta decisión, la Presidenta de l’Academia de la Llingua Asturiana desplicó les posibilidaes d’emplegu informáticu d’UBUNTU n’asturianu y les sides de la decisión d’acoyer esta ferramienta informática nel Hotel Principado, n’Uviéu.
Nel actu tuvieron presentes representantes de Softastur y de l'Academia de la Llingua Asturiana, acompañaos por David Planellas, coordinador de les traducciones d'Ubuntu a nivel internacional, que cifró nun 80% los conteníos que yá tienen torna al asturianu, porcentaxe a partir del cual vien considerándose completa una versión. Íñigo Varela, de Softastur, desplicó tamién nel actu'l funcionamientu del software llibre Ubuntu, semeyante y perfectamente compatible con cualesquier aplicación de Windows, el sistema operativu de Microsoft, señalando qu'Ubuntu permite la llectura de cualquier tipu de ficheru musical o de videu, el procesu de cualquier documentu de testu en cualquier archivu, la xestión de fueyes de cálculu, o la busca de conteníos per internet col programa Firefox.
L’actu finó con una demostración práutica del funcionamientu n’asturianu d’UBUNTU que ficieron miembros del coleutivu Softastur.
Fonte: Asturnews
¡Perfeutu! agora a conocelu y a usalu con toa llibertá. Ye un pasu perimportante pro la oficialidá de la Llingua y lo que ye perimportante la so normalización. Gracies a tooes les persones que collaboraron nel nacimientu d'esti eventu.
ResponderEliminarCon UBUNTU diose dabondo un gran saltu pallantre nel mundu de la normalización llingüística que va llográndose,y un pasu tras otru alcanzaráse la oficialidá de la Llingua, ¿pue ser que pa dempués de les ellecciones y con un cambiu d'equipu de gobiernu? quizás, pero güey tamos nel bon camín.
ResponderEliminar