Convocáu'l XIV Concursu de Relatos Curtios n'Asturianu de Cangas

Una imaxe de Cangas del Narcea

  Los trabayos pueden presentase hasta'l 12 d'avientu n'occidental o normativu.

  El XIV Concursu de Relatos Curtios n'Asturianu de Cangas del Narcea ta destináu a mayores de 16 años que presenten rellatos orixinales con una estensión mínima de 5 fueyes y una máxima de 20, con una presentación en DIN A4 a espaciu doble. Les persones interesaes en participar han d'unviar les sos creaciones al Serviciu de Normalización Ḷḷingüística, que s'asitia na Casa la Cultura Palaciu d'Oumaña, na Plaza La Oliva, ensin númberu, 33800 de Cangas del Narcea.

  "Con iniciativas d'esti tipu'l Conceyu Cangas pretende arriquecer las ḷḷetras asturianas al tiempu que se dignifica la nuesa ḷḷingua", espliquen dende'l serviciu de normalización cangués. El ganador en caúna de les categoríes, asturianu occidental y normativu, va llevar una recompensa de 500 euros, cantidá que va tener una retención del 19 por cientu en concepto de tributos al Estáu.                                                                    Fonte: asturies.com

Adxuntu	Tamañu
bases_del_xiv_concursu_de_relatos_curtios_nasturianu_de_cangas_del_narcea.jpg	79.88 KB

La Plataforma per la Llengua, nou membre de la Xarxa per a la Promoció de la Diversitat Lingüística a la UE

L’ONG del català se suma a aquesta agrupació que té per objectiu promoure i defensar les llengües regionals i minoritàries europees

A partir d'aquest mes d'octubre, la Plataforma per la Llengua s'ha sumat a la Xarxa per a la Promoció de la Diversitat Lingüística, una agrupació que té per objectiu promoure i defensar les llengües regionals i minoritàries europees. Amb aquesta adhesió, la Plataforma per la Llengua reforça la seva projecció internacional i pretén fer més visible la llengua catalana a nivell europeu i crear sinergies amb altres entitats civils i governs que representen llengües minoritzades o en risc de minorització. Així doncs, l'entitat se suma a la vintena de membres associats ja existents. Com a membre associat, l'ONG del català participarà en les trobades i fòrums de discussió, així com en l'Assemblea General que es convoca anualment. La primera cita i la presentació oficial serà el proper 27 d'octubre a Brussel·les, on la Plataforma per la Llengua presentarà els informes fets fins al moment sobre la situació de la llengua catalana, com l'informe de discriminacions lingüístiques.

La Xarxa per a la Promoció de la Diversitat Lingüística (NLDP, en anglès) és una xarxa que treballa en l'àmbit de la política i planificació lingüística de llengües constitucionals, regionals i minoritàries d'arreu d'Europa. L'NDLP esta constituïda per governs, com a membres de ple dret, i per universitats i associacions com la Plataforma per la Llengua, com a membres associats. Aquesta institució té, entre les seves línies principals d'actuació, assessorar i ajudar al desenvolupament de polítiques lingüístiques que fomentin la diversitat, promoure la col·laboració i la visibilització de les associacions que treballen en aquest àmbit, i ser una veu defensora de les comunitats desfavorides en l'àmbit lingüístic. A més, té una influència directa sobre el Consell Europeu, un dels principals òrgans decisoris de la Unió Europea.

De fet, l'NDLP manté relació amb la Comissió Europea, el Consell de la Unió Europea, el Parlament Europeu i el Consell d'Europa, per tal que les polítiques lingüístiques a favor de la diversitat siguin presents en tots els organismes europeus. Aquesta institució és actualment presidida per Patxi Baztarrika Galparsoro, càrrec electe per tres anys i responsable de les línies estratègiques de la Xarxa conjuntament amb la resta del comitè directiu.

Fonte: Directe.cat

Los cuentacuentos n'asturianu tornen esta seronda a Xixón

 La rede de biblioteques públiques de Xixón recuperen, cola llegada de la seronda, los cuentacuentos n'asturianu. Éstos tán destinaos a neños y neñes d'ente 4 y 10 años.

Pa participar nesta actividá, que ye de baldre, ye necesario acutar plaza previamente, yá que cada sesión tien un tope de 25 persones. Pa ello namái ye necesario contar con Tarxeta Ciudadana y meter los datos nesti enllaz.

'La hora de los cuentos n'asturianu' ye una actividá qu'entama la rede de biblioteques xunto cola Oficina de Normalización Llingüística na que la reciel "va poder esfrutar de prestoses histories n'asturianu y conocer la lliteratura que se ta faciendo anguaño na nuestra llingua". Les sesiones previstes, siempre a les 18 hores, son les siguientes:

•   Biblioteca de La Camocha, llunes17.
•   Biblioteca de L'Arena, martes 18.
•   Biblioteca de La Calzada miércoles 19.
•   Biblioteca d'El Coto, xueves 20.
•   Biblioteca d'El Llano, llunes 24.
•   Bibliotecade de Contrueces, martes 25.
•   Biblioteca de Pumarín-Xixón Sur, miércoles 26.
•   Biblioteca d'El Polígono, xueves 27.                                                      Fonte: asturies.com

Froles mirandesas: "Poesie"

Poesie

Puosto por Adelaide Monteiro an 10/09/2016

      Poesie ye fuorça

     que mos sal de las antranhas

     cumo se fusse an pariçon

     i l nuosso bientre mar brabo

     an rebentaçon.

     Poesie ye coraçon spartiçado,

     ye alma ferida,

     ye zancanto

     traiçon.

     Poesie ye amerosura,

     nobielho de seda,

     manelo de amisade,

     filo trocido an denidade:

     nun se parte nien çfila,

     nun se rinde nien se anuola,

     panho tecido que mima,

    eiternidade.

    Poesie ye amor,

    ye paixon que splude i fire,

    ye risa, ye pranto

    milagre de la natureza

    nua flor que stá a abrir.

    Poesie somos nós todos

    quando spargimos bundade.

    Poesie habie de ser l mundo

    se nun le dolisse tanto…

Fonte: frolesmirandesas.blogspot.com.es

La Reciella de La Factoría: 'Moliniellu'

Cartelu de La Reciella de La Factoría "Moliniellu"

A cargu d'Olga Cuervo: "Cuentos que falen de moliniellos de vientu, de café y de música. Espectáculu pa ver y escuchar".

A les 19 hores nel espaciu escénicu de la Factoría Cultural d'Avilés.

Entrada llibre.

Entama la Estaya de la Llingua d'Avilés en collaboración con 'Reciella. Families pol Asturianu'.

Fecha:  Vienres, 10/21/2016                                                              Fonte: asturies.com

Viñetes d'Efrén d'Andrés: l'humor asturianu n'asturianu

"DESGRACIA"   9 d'ochobre, 2016

Fonte: asturies.com

Cosiquines que pasen acaldía perhí...  y   pequí.

Google abre la fonte Noto, qu’inclúi la grafía del asturianu y d’otros 800 idiomes de tol mundu

  La fonte tipográfica Noto de Google yá ye llibre. Los usuarios pueden descargar de baldre esti tipu de lletra que permite evitar los ‘tofu’ y ver la grafía de cientos de llingües, ente elles l'asturiana.

  Esta tipografía de Google vien siendo desarrollada dende hai cuatro años, pero ye agora cuando la compañía estauxunidense fíxola llibre. Nació como una fonte universal que nun tuviere barreres pol idioma que se tea emplegando, evitando asina los ‘tofu’, denominación que tienen esos cuadraos blancos qu’apaecen cuando vemos testos n’idiomes que nun soporten ‘unicode’: ⯐.

  En total inclúi más de 800 idiomes de tol mundu, ente los que ta l’asturianu, sumando más de 110.000 carauteres. Pa poder instalar la fonte Noto ha de calcar equí.Fonte: asturies.com

L’enseñu del chinu aporta a les escueles oficiales d’idiomes de Mieres y Llangréu

Na semeya, el conseyeru Genaro Alonso na so visita d'ayeri a la Escuela Oficial d'Idiomes de Llanes con motivu de la inauguración del cursu.

La Conseyería d’Educación y Cultura amplía esti cursu la ufierta d’enseñu de chinu y d’inglés nes escueles oficiales d’idiomes, onde nun tien güecu l’asturianu. Nel casu de la llingua con mayor númberu de falantes del planeta incorpórase a los programes de los centros de Mieres y Llangréu.

Nestes dos ciudaes van crease dos grupos del nivel 1 d’iniciación, yá esistente en Xixón y Uviéu, que tienen hasta’l nivel 3 d’iniciación. Avilés, mentes, incopora nesti cursu dichu nivel, yá qu’hasta agora contaba sólo hasta’l 2. No que respeuta al inglés, la ufierta aumenta cola implantación del nivel C1 (dominiu operativu eficaz) nos centros de Cangas de Narcea, Ḷḷuarca y Llanes.

N’Asturies hai una rede de 8 escueles (Cangas del Narcea, Ḷḷuarca, Uviéu, Xixón, Avilés, Mieres, Llangréu y Llanes) con 10.000 alumnos matriculaos, nel que s’imparten cinco idiomes en cuatro niveles. Les enseñances con más estudiantes son les d’inglés (6.700 alumnos), francés (1500), italianu y chinu (alrededor de 200 alumnos cada idioma). La quinta llingua que s’imparte ye l’alemana.                                                                         Fonte: asturies.com

L’Arribada anuncia a los nominaos pa los Premios Timón 2017

• . L'Arribada abre la convocatoria pa la presentación de candidatures pa los Premios Timón

  Tres zarrar el plazu de presentación de candidatures el llunes, l’Asociación Cultural L’Arribada anunció a los nominaos pa les trés categoríes de los Premios Timón 2017. A lo llargu d’esti mes, un xuráu va escoyer la terna definitiva d’aspirantes a los gallardones.

  Los candidatos al premiu más veteranu, el XI Premiu Timón p’autores en llingua asturiana y eonaviego, al que concurren aquellos escritores nacíos nel añu 1967 o anteriores, son Lurdes Álvarez, Pablo Antón Marín Estrada, Xandru Martino, Cristina Muñiz Martín, Xosé Miguel Suárez, Belén Rico, Adolfo Camilo Díaz, Taresa Lorences, Ignaciu Llope, Consuelo Vega, Xilberto Llano y Ánxel Álvarez Llano. Mentes, al VIII Premiu Timón p’autores asturianos en llingua castellana van aspirar José Luis Piquero, Paco Abril, Aurelio González Ovies, Pepe Monteserín, José María Ruilópez, Carmen Gómez Ojea, Herme G. Donis, Luis Arias Argüelles-Meres, Pedro de Silva y Ángel García Prieto.

  Por último, el llistáu de nominaos al V Premiu Timón de Cultura Asturiana, que valora a les asociaciones, sociedaes, fundaciones y instituciones con sede n’Asturies que tengan como fin "la conservación y promoción de la identidá cultural de nueso, y a persones con una trayeutoria valoratible nesi ámbitu", ta compuestu por Iniciativa pol Asturianu, Asociación Cultural San Tirso del Eo, Fundación Belenos y ‘Reciella. Families pol asturianu’.
Fonte: asturies.com

Villa debuta na lliteratura p’adultos con ‘A estaya’

Presentación  y cubierta de "A estaya" de Isidoro Villa Costales

  Isidoro Villa Costales, autor de dellos llibros infantiles y xuveniles d’ésitu, debuta cola lliteratura p’adultos con ‘A estaya’, novela editada por Impronta y ambientada nun chigre de la cuenca del Nalón nos años 70. L’autor va presentala esti xueves na sala de cámara del Auditoriu de La Pola Siero.

  La novela rellata una apuesta ente bebedores de sidra “consistente en tomar la mayor cantidá de botelles a lo llargo de más de venticuatro hores dedicaos dafechu a esa estaya”, esplica Villa, que los califica de “escuros, marxinales”, qu’actúen “envueltos nuna atmósfera aforfugante y llóbrega, na que tamién hai espaciu pa lo absurdo, la tenrura o l’humor”. Con ‘A estaya’ , Villa, espubliza la so primer novela específica p’adultos depués d’escribir dellos llibros infantiles o xuveniles, como l’esitosu ‘Nun-yos terngas perceguera’, del que s’edito recién la segunda parte, o ‘Mael al debalu’.

  La novela nueva del de Lieres va presentase esta tarde, a partir de les 20 hores, na sala de cámara del Auditoriu de La Pola Siera, actu nel que Villa va tar acompañáu del profesor y poeta polesu Daniel García Granda.                                                           Fonte: asturies.com

Padilla interésase pol ‘Protocolu pa la Garantía de los Drechos Llingüísticos’

Fernando Padilla Palicio, Direutor Xeneral de Planificación Llingüística y Normalización

• . Asturies collabora col Protocolu entamáu por Kontseilua
• . Bilbao: “Que’l Protocolu tea consensuáu por entidaes que representen a millones de falantes de llingües minorizaes dará más fuercia a la reivindicación”
• 
  

  Iniciativa pol Asturianu entregaba díes atrás nel Rexistru una carta y un llibru esplicativu sobre’l procesu d’ellaboración del ‘Protocolu pa la Garantía de los Drechos Llingüísticos’. El direutor xeneral de Planificación Llingüística y Normalización convocó un conceyu pa interesase pol documentu que va presentase n'avientu en Donostia.

  En concreto, los destinatarios de la información proporcionada pola organización que trabaya pola normalización del idioma foron el presidente del país, Javier Fernández, y el conseyeru d’Eduación y Cultura, Genaro Alonso, amás de los cinco grupos parllamentarios de la Xunta Xeneral. De momento, l’únicu que s’interesó foi Fernando Padilla, dependiente del departamentu d’Alonso, que llamó a una reunióm a representantes d’Iniciativa pol Asturianu pa conocer más fondamente esti documentu qu'entama la organización vasca Kontseilua col sofitu d'European Language Equality Network (ELEN) y que pretende ser una continuación de la Declaración Universal de los Drechos Llingüísticos aprobada va agora venti años.

  “La intención de Padilla yera saber los detalles d’esti procesu del que nun participen les alministraciones”, apuntó Inaciu Galán, presidente d’Iniciativa pol Asturianu, organización que collabora nel procesu como representante del dominiu llingüísticu asturlleonés. El ‘Protocolu pa la Garantía de los Drechos Llingüísticos’ ta anguaño en procesu de redaición, depués de recoyer les informaciones aportaes por más de mil entidaes de toda Europa, y la intención de los sos promotores ye presentalo n’avientu en Donostia dientro de les actividaes de la capitalidá europea de la cultura 2016 que protagoniza la capital gipuzkoana.

Exención fiscal pa les empreses qu’empleguen l’asturianu

  Galán y Padilla, qu’acoyó perbién la iniciativa del ‘Protocolu pa la Garantía de los Drechos Llingüísticos’, aprovecharon l’alcuentru pa tratar otros asuntos sobre l’idioma. Asina, aldericaron sobre’l tratamientu del asturianu nos llibros de testos, confirmando Padilla les pallabres de Alonso na Xunta Xeneral nes qu’afirmaba que la Direición Xeneral de Planificación Llingüística y Normalización va ponese en contautu “con toles editoriales de mou preventivu pa que los llibros que publiquen tean d’alcuerdu al currículu del Principáu d’Asturies y, dende llueu, a lo que ye la verdá científica d’una llingua, una llingua amenazada, una llingua minorizada, una llingua con poca fortuna, pero una llingua”.

  Tamién apuntó a Galán que son dellos los conceyos que tán anguaño revisando la toponimia y sintió de boca del presidente d’Iniciativa pol Astuirana una propuesta pa promover l’usu del idioma por parte de les empreses ensin necesidá de partida presupuestaria específica. Ésta va anunciala en feches próximes la organización y consistiría na exención fiscal p’aquelles firmes qu’empleguen la llingua asturiana, dalgo que Padilla comprometióse a estudiar.                                                                          Fonte: asturies.com

Abrese’l plazu pala Axenda Didáctica Escolar

  Acordies coles normes de participación na Axenda Didáctica Escolar, nel mes d’ochobre (del 1 al 31, dambos inclusive) va tar abiertu’l plazu pa que les empreses del ámbitu cultural presenten proyectos pa les distintes etapes educatives.

  Van poder presentar proyectos toes aquelles empreses privaes d’ámbitu asturianu acordies con:

• Resolución de 28 de xineru de 2013, de la Conseyería d’Educación, Cultura y Deporte, pola que s’establecen les normes de participación na Axenda Didáctica Escolar.

Consultar resolución (pdf)

• Resolución de 24 de setiembre del 2014, de la Conseyería d’Educación, Cultura y Deporte, pola que se modifica la Resolución de 28 de xineru del 2013, pola que s’establecen les normes de participación na Axenda Didáctica Escolar.

Consultar resolución (pdf)

Modelu resume actividá / Ficha explicativa (doc)

Fonte: asturnews.com

L’ALLA reclama una presencia digna del asturianu na RTPA

   La RTPA lleve meses apregonando, y lluciendo en toles sos emisiones, un anagrama especial conmemorativu de los 10 años de la so esistencia y l’Academia de la Llingua albidra que ta bien cumplir diez años pero que nun val un res si nun sirve pa dignificar la llingua y la cultura d’Asturies.

  Nuna nota de prensa asoleyada esti día, l’Academia de la LLingua diz felicitase porque “el qu’un ente públicu de radiotelevisión asturiana algame los 10 años ye un fechu ensin dulda relevante pa la vertebración d’una comunidá autónoma que, como Asturies, ta somorguiada nuna fonda crisis económica, social y cultural”. Pero al mismu tiempu, l’ALLA fai alcordanza de que “apocayá, va unos años, la RTPA sofrió una fuerte crisis estructural que tuvo a piques de facela desapaecer. Nesi momentu, tanto los sos trabayadores como la direición del ente quixeron treslladar a la opinión pública asturiana la importancia del so llabor social y cultural, mesmamente polo que cinca al usu y caltenimientu de la llingua asturiana como patrimoniu común de tolos asturianos”.

D. Antonio Virgili Rodríguez, Direutor Xeneral de la RTPA

  Y ye que, “a lo que paez, la crisis pasó y el compromisu de la RTPA cola dignificación del asturianu siguió como siempres; ye dicir, ensin sobrepasar el 5% de la emisión selmanal y con una programación temática que da una visión del asturianu ente etnográfica y costumista”. El propiu Conseyeru d’Educación y Cultura del Gobiernu del Principáu d’Asturies criticaba díes atrás les insuficiencies d’esti modelu.

  Convién saber, en tou casu, pala Academia “qu’una presencia digna del asturianu na RTPA nun ye namái una cuestión de sensibilidá cultural de dellos sectores asturianos, sinón que deriva direutamente del marcu llegal que la enconta (Llei d’Usu del Asturianu de 1998 y Llei de Segunda Reestructuración del Sector Públicu Autómicu de 2014). Pues bien, los mandaos calteníos nes anteriores son dafechu desatendíos pola direición de la RTPA, magar tolos indicadores d’audiencia afiten l’aceutación popular de la presencia del asturianu na radio y televisión publiques d’Asturies”.

  L’Academia de la Llingua Asturiana (ALLA) camienta nesti sen “qu’una presencia granible del asturianu na RTPA esixe d’un compromisu claru d’esta pa col procesu de recuperación llingüística n’Asturies y pide, darréu d’ello, que se dean pasos urxentes nel emplegu del asturianu con un enclín nidiamente comunicativu. Esto ye y como una propuesta de mínimos, un espaciu informativu na tv. (el del meudía o la nueche) dafechu n’asturianu, xunto con otros programes que dignifiquen l’usu social de la llingua (magacines, restrasmisiones deportives, documentales de temática actual, etc.); espacios informativos con un usu cotidianu del asturianu na radio y, dende llueu, un periódicu dixital dafechu n’asturianu (o con una opción doble de llectura n’asturianu y en castellán)”.

  L’Academia de la Llingua Asturiana da anuncia, a lo cabero, que pa treslladar estos encamientos al ente públicu, acaba de solicitar una entrevista urxente con D. Antonio Virgili Rodríguez, Direutor Xeneral de la RTPA.                                              Fonte: asturnews.com

L’asturianu llega a iOS

Aplicaciones de iOS n’asturianu con Apple

  Disponer de delles aplicaciones de iOS n’asturianu yá ye posible cola última actualización del sistema operativu d’Apple , que dexa escoyer la llingua asturiana como idioma predetermináu pa los sos dispositivos.

  D’esta manera, los usuarios qu’asina lo deseyen podríen disponer de forma automática de dellos servicios de iPhone y iPad, como’l calendariu o la fecha de les fotografíes y los vídeos na galería, en llingua asturiana.

  iOS nun ye’l primer sistema operativu que dexa utilizar la llingua asturiana. El teléfonu d’Ubuntu ta totalmente disponible n’asturianu, anque la so presencia nel mercáu ye escasa  por cuenta que’l so sistema operativu nun ye, pol momentu, compatible con aplicaciones como WhatsApp.                                                          Fonte: asturnews.com

Marta Mori participa en Bimenes nun alcuentru con llectores

La escritora xixonesa Marta Mori

  L'eventu, que forma parte de los Talleres de Llectura n'Asturianu 'Comarca de la Sidra', céntrase na obra 'Histories familiares'.

  Esti alcuentru entámalu'l Serviciu de Normalización Llingüística de la 'Comarca de la Sidra' en collaboración col Conceyu de Bimenes y l'asociación Ente Muyeres, con aniciu previstu pa les 17,30 hores nel Centru Social de Martimporra. 'Histories familiares' trátase d'una colleición de rellatos dividíos en dos partes, a caballu ente la ficción y lo autobiográficu, qu'indaga na historia de la familia de Marta Mori y la so infancia.

  La escritora xixonesa ye doctora en Filoloxía Hispánica y tien espublizaos, amás d'una cantidá grande d'artículos d'historia y crítica lliteraria, poemarios como 'Pórticu', 'El tiempu de la espera', 'La mio voz' o 'L'alcordanza', colos que tien algamaos premios como'l Teodoro Cuesta y el Xuan María Acebal.                                                                  Fonte: asturies.com

Iniciativa entrega en presidencia un llibru sobro’l protocolu de drechos llingüísticos

   Va unes selmanes Iniciativa pol Asturianu entregaba al traviés de rexistru una carta y un llibru esplicativu del procesu de creación del que va ser un documentu internacional de gran importancia pa les llingües minorizaes, del que la entidá foi representante n’Asturies y que va aprobase en Donostia enantes de que remate l’añu 2016:el protocolu de drechos llingüísticos.

 El llibru esplica’l procesu y los problemas comunes que viven les llingües europees minorizaes, como l’asturianu, que pola falta d’oficialidá vive una situación especialmente grave. Y los grupos parllamentarios de la Xunta Xeneral y el Conseyeru d’Educación y Cultura recibieron tamién una copia. Los receptores concretos d’esta información fueron el presidente d’Asturies, Javier Fernández, el conseyeru d’Educación y Cultura, Genaro Alonso, y tolos grupos políticos de la Xunta Xeneral (PSOE, PP, Podemos, IX, Foro y C’s)

 La única respuesta llegó de momentu de la Conseyería d’Educación 

y Cultura, cola solicitú d’un conceyu per parte del Direutor Xeneral de Política Llingüística, que se producirá esti martes a les 11 la mañana.

 El mes de xunu pasáu Iniciativa pol Asturianu organizó en Xixón una charra na que se presentó énte organizaciones de la sociedá civil asturiana, el procesu de redacción del Protocolu pa la Garantía de los Drechos Llingüísticos que va aprobase dientro de los actos organizaos con motivu de la capitalidá europea de la cultura Donostia 2016, un documentu internacional que quier ser una continuación de la Declaración Universal de los Drechos Llingüísticos aprobada va agora venti años.       Fonte: asturnews.com

“Tamos encantaos cola respuesta de la xente”, afirma Reciella

Día de la Reciella 2016

  Más de mil persones pasaron el domingu pelMuséu del Pueblu d’Asturies pa disfrutar de les munches actividaes pol IV Día de la Reciella. “Tamos encantaos cola respuesta de la xente”, afirma Iris Díaz Trancho de ‘Reciella. Families pol Asturianu”, como amuesa que munches actividaes escosaren les places en minutos.

  Les actividaes entamaron a les once de la mañana cola celebración de “Entaína, I Carrera de families pol asturianu” onde cuasi 200 persones de toles edaes participaron nuna carrera que quier reconocer la tresmisión xeneracional del nuesu idioma. Dempués  continuó cola exhibición de fútbol a cargu de la escuela del U.C. Ceares, el partíu foi retrasmitíu n’asturianu por Nacio González. Les actividaes de la mañana continuaron con xuegos tradiciones cola collaboración de la Tertulia Cultural El Garrapiellu, talleres de llambiotaes por Miel et canelle y xuguetes con material reclicao por EMULSA,  y cuentacuentos con Olga Cuervo.

  Un datu que dexa bien nidio la gran respuesta de públicu dende primer hora de la mañana, cuando se celebró la carrera de families pol asturianu ‘Entaína’, foi l’ésitu del chigre. “Llevemos más del doble de comida del añu pasáu y a la una yá quedamos ensin esistencies, lo que nos llevó a tener que facer más encargos pa poder atender la demanda”, esplica Iris Díaz Trancho.

  Na tarde continuaron los cuentacuentos con “Samalandran, Islla de lleendes” y talleres cola Asociación Apasos. Amás d’otres actividaes pel práu del Tendayu del Pueblu d’Asturies. La música llegó cola actuación de la Banda de Gaites Infantil de Villaviciosa y la Escuela de Música Tradicional de Ribeseya. Les actividaes finaron col conciertu de “Bestiariu” y una Danza Prima.

  En resumen, un Día de la Reciella cargáu d’actividaes pa tola familia que medra añu a añu. “Tolos talleres escosaron les sos places a lo poco d’abrir la inscripción ”, espliquen dende Reciella, que quier “agradecer a tola xente de l'asociación y collaboradores que participaron na organización y a los patrocinadores el so apoyu pa que saliera perbien esta folixa que tien como oxetivu la socialización n'asturianu de les xeneraciones nueves”.     Fonte: asturies.com

Anabel Santiago llogra'l Premiu al Meyor Cantar 2016

Premiu al Meyor Cantar 2016 pa Anabel Santiago

  La so canción "La Lloca", con lletra de Xulio Arbesú, foi la escoyida pol xuráu.

  Esti viernes nel auditoriu de La Pola Siero celebrose la gala del Premiu al meyor cantar en llingua asturiana y gallego-asturiano. l'actu tuvo guiáu por l’actriz María Cotiello y el cantante Xune Elipe,  y actuaron los cinco finalistes más  la Banda Gaitas El Tr asno, ganadora de la última edición del premiu.

  Los cinco artistes y bandes que pasaron el primer corte del xuráu y que defendieron los sos temes fueron: 'La lloca', d'Anabel Santiago (lletra de Xulio Arbesú); 'Teatro valleiro', de Bacotexo (Ricardo Saavedra); 'A mano izquierda del mundu', de Fernando Valle Roso (Ismael Arias); 'Tuntu', de La Tarrancha (Delfín Valdés); y 'Avérate', de Vrienden (Juan Ramón Duarte).

  La ganadora, por unanimidá del xuráu, foi Anabel Santago col so tema "La Lloca" con lletra de Xulio Arbesú. Esta canción ta incluida nel so discu Llances de papel (2015), discu poéticu-musical onde axunta parte de los sos éxitos, dende tonaes clásiques hasta tangos como ye la canción ganandora.

  Darréu, la Banda Gaitas El Trasno, ganador de la octava edición del premiu con 'Volviche', va actuar mientres el xuráu tomaba la decisión final sobre quién merez ser ganador del Premiu al Meyor Cantar que resultós ser el tema d'La Pola Siero. El premiu que-y entregaron ye una obra orixinal de l’artista asturiana María Jesús Rodríguez.

  Anabel Santiago ye una de les voces más potentes de la tonada asturiana actual. Nos sos venti años de trayectoria, esta artista publicó los discos Tierra de sueños (2001), Al son de la lluna 82003), Anabel Santiago canta a Diamantina Rodríguez (2005), Desnuda (2007),  Agora (2010) y Llances de papel (2015). Ente munches otres reconocencies y gallardones llograos por Anabel Santiago, pueden destacase'l premiu Nacional de la Música al meyor cantar en llingua asturiana pol tema "Agora" (2010), o los premios AMAS a  meyor cantar folk, meyor discu folk y meyor voz.                                                              Fonte: asturies.com

L’Asociación d’Escritores Noveles anuncia’l so III Congresu

  Entamáu pola Asociación d’Escritores Noveles, Uviéu va acoyer l’III Congresu de Escritores los díes 29, 30 y 31 d’ochobre. Esti alcuentru va cuntar cola presencia d’autores, críticos, direutores editoriales, axentes lliterarios y demás actores del sector pa compartir esperiencies y ampliar perspeutives.                                  Fonte: asturnews.com