Nava acueye'l I Congresu Internacional 'Gaites nel mundu'

   Del 18 al 20 de xunetu van celebrase en Nava conferencies, meses redondes, esposiciones y conciertos al rodiu de la gaita.

  El profesor de musicoloxía na Universidá d'Uviéu, y autor de Misa de Gaita, Ángel Medina va ser l'encargáu d'inagurar esti martes a les 17 hores nel Muséu de la Gaita el Congresu cola conferencia 'La gaita en la esfera de lo sagrado: tópicos y realidades'. La sesión va continuar a les 19 hores cola mesa redonda 'En busca d'una sentimentalidá moderna p'Asturies' moderada por Flavio R. Benito y na que van participar Chus Pedro, Hugo O'Donell, José Ángel Hevia, Ramón Prada, Xuan Bello y Xune Elipe. El primer día va pésllase cola esposición de gaites antigües y conciertu a cargu de Fonsu Les Regueres, Odón del Paganéu y David Varela.

  El miercoles 19 entama a les 11 hores cola mesa 'La gaita: panorámiques tresversales' moderada por Maxi Gütiez y na que van participar Adolfo Manzano, Antón García, Chus solís, Llorían García Flórez y Miguel Fernández Gutiérrez. Pela tarde ye'l turnu de la mesa 'La tradicion musical y creativa dende una perspectiva de xéneru', moderada por Aída Falcón y na que van intervenir Andrea Joglar, Leticia González, Marisa Luque, Pablo X. Suárez y Tina Cuadriello. Na plaza naveta de La Najosa a les 18:30 hores, intervención artística cola participación de Carmen Montes, Guillermo Lourido, Klara Konkoly-Thege, Leocadio Redondo y Maxi Gútiez. Pa continuar cola entrega del IV Premiu de percusión Manegueru de Nava a Dº María Isabel López Parrondo y a D. Ricardo Moreno Piñera 'El Colchoneru'. Dempués, actuación del grupu Cantaruxare.

  El xueves 20, La Casa de cultura Marta Portal va acoyer la mesa dedicada a 'La gaita na emeigración', moderada por Leocadio Redondo, y na que van participar Fe Santoveña, Gorka Bravo Barrerio, Juan Oliver, Manuel Fernández de la Cera y Susana de la Cruz. Al mediudía, va ser la cita pa la mesa col títulu 'La Gaita y los sos contestos musicales: la pareya, el baille, la tonada, les bandes y el folk' na que David Varela moderará a figures del panorama musical asturianu. La mesa 'La gaita dende una visión internacional: los exemplos de Zamora, Galicia, México/Bretaña, Asturies y Portugal' moderada por rodrigo Joglar, y na que van participar Alberto Jambrina, David Bellas, Ernesto Góngora, Pedro Pangua y Victor Felix.

  Pa la clausura d'esti primer congresu ta programada una conferencia del direutor del Muséu de la Gaita Fonsu Fernández titulada 'La Gaita asturiana como símbolu d'identidá. Aníciu, desendolcu y hora cabera'. A les 21 hores un conciertu del grupu L-R servirá de pieslle a esti primer congresu internacional de gaites nel mundu entamáu pola Escuela Municipal de Música de Nava.                                                                                          Fonte: asturies.com

Adxuntu	Tamañu
Programa del I Congresu Internacional 'Gaites nel mundu' (1/2)	267.82 KB
Programa del I Congresu Internacional 'Gaites nel mundu' (2/2)	316.55 KB

Presentación del libro “Mientres nos añen les agües”

Ayuntamientu de Nava

  La escritora naveta Ana Martínez Sierra, aunque nacida en Villanueva, Cangues d’Onís, en 1970, presenta su primera obra, “Mientres nos añen les agües”, el próximo 18 de junio a las 20 horas en el Salón de Actos de la Casa de Cultura Marta Portal de Nava.

  El libro, que une poesía y relatos, registra las preocupaciones y sueños, inquietudes y aspiraciones de la autora ha ido registrando, sin prisa, en los últimos años. Escrito en asturiano con sencillez y voluntad de estilo, comunica las impresiones que le produce el mundo y construye personajes tomados del natural en una obra literaria en crecimiento, cuidada y sincera, en la que acierta a volcar en palabras bellas y escogidas un mundo interior rico en sensaciones y atento a los detalles.

  Precisamente Ana Martínez acaba de ganar el XVIII Concursu de Cuentos pola oficialidá del conceyu de Bimenes lo que sumado a la presentación de su primer libro, la convierten en referencia literaria para los/as amantes de la lectura en el Concejo y Comarca.

  El acto está coordinado por el Servicio de Normalización Llingúística de la Comarca de la Sidra y el Círculo de Amigos de Nava y, además de la autora, contará con la presencia del editor Antón García.                                                                 Fonte: tierraalantre/lamesmafala

Llan de Cubel y MacLeod abren el cartelu de les III Xornaes de Música Tradicional de Nava

Van tener llugar nel conceyu nacetu los díes 19, 20 y 23 de xunu

Cartelu de les III Xornaes de Música Tradicional de Nava

   Nava anuncia les III Xornaes de Música Tradicional, que van tener llugar nel conceyu los díes 19, 20 y 23 de xunu. Unes Xornaes que van empezar la tarde del vienres 19 a les 18 hores col actu de presentación de les mesmes y la mesa redonda L'asturianada: pasáu, presente y futuru, que va axuntar pa falar sobre esta tema a distintos investigadores ya intérpretes d'esti xéneru vocal asturianu.

    El sábadu 20 a les 17:00h. va tener llugar na Plaza Manuel Uría una amuesa de baille asturianu a cargu del Grupu Folclóricu La Flor del Pumar y de siguío, a les 18:00 h. la performance Soplu de Vida, de mano de los artistes navetos Carmen Montes y Maximiliano Francisco.

   La nueche del sábadu a partir de les 22:30 hores, va tener llugar la Nueche Folk colos grupos Tarna (Llión), el gaiteru Borja Baragaño (Asturies) y El Koku la Mazana (Asturies).

   El martes 23, coincidiendo cola festividá de San Xuan, va tener llugar a les 19:00h. l'III Festival de Bandes de Gaites LaKadarma cola BG Noega (Xixón), BG El Gumial (Ayeri), BG Castrillón (Castrillón) y LaKadarma como banda anfitriona. A partir de -yos 22:30, los conciertos de la foguera de San Xuan, colos grupos MacLeod! (Escocia) y Llan de Cubel & collacios (Asturies), nun conciertu bien especial con collaboradores, que va ser de les poques ocasiones d'esfrutar anguaño del grupu decanu del folk asturianu n'Asturies.                                                                           Fonte: asturies.com

Milio'l del Nido participa nunos talleres de llectura en Nava

Milio'l del Nido nuna imaxe d'arquivu

   Los talleres de llectura n'asturianu de la Mancomunidá de la Sidra van tener esti xueves un convidáu especial. Trátase del escritor Milio'l del Nido, que va falar sobre cuentos.

   En concreto va afondar nos que tán recoyíos na so obra '¿Y qué quies, si tengo oreyes?, una esbilla de rellatos d'otres cultures y tradiciones adaptaos pol autor uviedín a l'asturiana. L'alcuentru colos participantes nesti taller de llectura va tener llugar na sala Marta Portal de la Casa Cultura de Nava a les 19 hores.                                                                   Fonte: Asturies.com

Cursu d'asturianu en Nava

Cartelu del Cursín d'Asturianu de 30 hores, en Nava

Tendrá entamu'l 12 de xineru

   El Serviciu de Normalización Llingüística de la Comarca de la Sidra, en collaboración cola Conceyalía de Cultura del conceyu de Nava, ta acabante d'abrir el plazu pa un nuevu cursu de llingua asturiana de nivel inicial. El cursu impartiráse llunes y miércoles, de 17:30 a 19:00 hores nel Antiguu Telecentru (cai Luis Armiñán) dende'l 12 de xineru al 18 de marzu de 2015.

   Trataranse temes d'historia y socioloxía de la llingua asturiana, normes ortográfiques básiques, meyora de lésicu, sintaxis y morfoloxía, amás de cultura actual fecha n'asturianu. Los interesaos pueden apuntase, hasta'l propiu 12 de xineru, poniéndose en contactu col Serviciu de Normalización Llingüística de la Comarca de la Sidra, bien per mail, empobinándose a normastur@lacomarcadelasidra.com, bien pel teléfonu 985718413 (Pablo, SNLL), llamando de llunes a xueves ente les 9:00 y les 15:30 hores.                                              Fonte: Infoasturies.net

Asoleyáu'l censu de llavaderos del Conceyu Nava

Llavaderu de Villa, Cueli

Daniel Cueli Canto ta acabante asoleyar un censu de llavaderos nuevu , nesta ocasión ciéntrase nestes construcciones nel Conceyu Nava y xúntase a los  anteriores sobre Sariegu (2012), Cabranes y Bimenes (2013). Yá ta disponible na rede pa la so llectura y descarga.

La biblioteca dixital de la Rede de Museos Etnográficos d’Asturies ta acabante asoleyar Llavaderos. Censu del Conceyu Nava, de Daniel Cueli. Esti trabayu amiéstase a los yá espublizaos por Cueli sobre los conceyos de Sariegu, Cabranes y Bimenes, tamién disponibles na biblioteca dixital de la Rede de Museos Etnográficos d’Asturies.

L’orixe d’estos censos ta nun estudiu que Cueli fexo en 2011 y qu’asoleyó la revista d’etnografía Asturies, memoria encesa d’un país col títulu “Llavaderos na Comarca de la Sidra, Piloña y Siero”. L’estudiu nun incluyía un censu d’estes construcciones, magar que se fizo sobre la base d’un estensu trabayu de campu visitando más de cien llavaderos nesi territoriu. Esti fechu llevólu, precisamente pa completalu dafechu, a dir censando, pali que pali, toles construcciones esistentes.

Fonte: Infoasturies

¿Qué pue facer Europa poles llingües minoritaries?: El casu asturianu

¿Qué pue facer Europa poles llingües minoritaries?: El casu asturianu protagoniza la X Xornada de la Fundación Caveda y Nava "¿Qué pue facer Europa poles llingües minoritaries?: El casu asturianu" ye la conferencia qu'esti próximu sábadu 31 de Mayu , a les 12 del meudía na Casa de la Cultura de Nava, protagoniza la X Xornada de la Fundación Caveda y Nava. A cargu de D. ALBERTO LÓPEZ BASAGUREN, miembru del Comité d'Espertos de la Carta Europea de Llingües Rexonales o Minoritaries (Conseyu d'Europa), la conferencia tará presentada por D. José Manuel Pérez Fernández, Profesor Titular de Drechu Alministrativu de la Universidá d'Uviéu. Nel actu van intervenir el Presidente de la Fundación Caveda y Nava y les autoridaes presentes y n'acabando l'actu, habrá convidada con sidra na mesa villa. Fonte: Asturnews

Cursín básicu d'asturianu en Nava

Nava acueye la celebración d'un cursu básicu d'asturianu

El Serviciu de Normalización Llingüística de la Comarca de la Sidra, en collaboración cola conceyalía de Cultura del Conceyu de Nava, tien abiertu'l plazu pa la inscripción, gratuíta, nun cursu d'asturianu de 30 hores, que s'impartirá en La Llaguna (Nava) del 15 d'abril al 24 de xunu, los llunes y miércoles de 17:30 a 19:00, y fadrá un repás a la hestoria y socioloxía, les normes ortográfiques, léxicu, sintaxis y morfoloxía, música, lliteratura y cine en llingua asturiana.

Los interesaos pueden informase y inscribise, hasta'l 14 d'abril, poniéndose en contactu col Serviciu de Normalización Llingüística de la Comarca de la Sidra (615798551) o bien cola Conceyalía de Cultura del Conceyu de Nava (985718412)

Fonte: Asturnews