Na semeya, el xefe de serviciu d'Evaluación Educativa, Ángel Balea; el direutor xeneral d'Ordenación Académica ya Innovación Educativa, Francisco Laviana; el conseyeru, Genaro Alonso; y la xefa de serviciu d'Inspeición Educativa, Dolores Guerra.
El conseyeru d’Educación y Cultura, Genaro Alonso, defendió’l Programa Billingüe castellanu-inglés na presentación del primer informe sobre esta iniciativa. Ésti tien una implantación del 50 por cientu y contó con 31.101 estudiantes nel cursu 2014-2015.
La conseyería fixo cuatro estudios independientes pa valorar los resultaos del proyeutu y concluyó que nel 75 por cientu de los casos estes enseñances cuerren al cargu de profesoráu estable o definitivu, y nel 80 por cientu formen claramente parte del proyectu educativu del centru. Alonso sorrayó qu'una de les principales conclusiones que s'estraen del informe ye que l'aprendizaxe de les materies non llingüístiques nun se resiente y esiste, amás, un grau de satisfación altu ente les families.
Los datos reflexen que nos seis cursos de Primaria repárase una pequeña ventaya nes tases de promoción a favor del alumnáu del programa billingüe (d'ente'l 0,7 por cientu y el 2,1 por cientu), mentes qu’en Secundaria los estudiantes presenten una tasa d'éxitu un 11,5 por cientu superior a la del alumnáu non billingüe. Amás, los estudiantes del programa billingüe algamaron meyores resultaos na evaluación de diagnósticu del 2013 na competencia matemática, conocencia y interaición col mundu físicu y llingüísticu.
Primer esperencia, nel 2004
El Programa Billingüe ye una iniciativa que s’entama n'Asturies nel añu 2004 de forma esperimental y qu’a partir del añu 2008 se consolida y espande pela rede de centros. Les escueles que participen nel proyeutu establecen, nos distintos cursos de les etapes educatives, una serie de materies nes que'l procesu d'enseñanza-aprendizaxe desarróllase en llingua estranxera.
Ye lo que se conoz como metodoloxía AICLE, esto ye, Aprendizaxe Integráu de Conteníos y Llingües Estranxeres, col que se cuenta llograr una meyora de la competencia na llingua estranxera al empar que s'aborden los conteníos d'otres materies non llingüístiques.
Fonte asturies.com
Fonte asturies.com
¿Onde ta'l programa billingüe asturianu-castellanu?¿O ún trillingüe xunta l'inglés?
ResponderEliminarLo meyor pa los neños asturianos ye'l programa trillingüe castellán-inglés- asturianu.
ResponderEliminarDolores Guerra ye incombustible, ta ende dende siempres y hasta nunca enxamás, ye l'espíritu viviente del pasáu, del presente y del futuru.
ResponderEliminarEl trillingüismu castellanu / inglés / asturianu ye la verdadera, lóxica, y la meyor y más racional solución pa la enseñanza n'Asturies.
ResponderEliminarEls programes trilingües Ciudadanos ens els volen imposar a les comunitats que ja tenim ensenyament bilingüe, Balears o València, per exemple. Als que no en teniu, amb el bilingüe castellà-anglès en teniu prou i de sobres. A Catalunya, Ciudadanos és trilingüista i a Asturies, bilingüista.
ResponderEliminarUna preba más de que fai falta la oficialidá yá!!!
ResponderEliminarEl billingüismu ta perbién y el trillingüismu muncho meyor entá.
ResponderEliminar...porque tien munchos más méritos, con diferencia, qu'otros y otres premiaos que lo llograron nos últimos años.
ResponderEliminarXenaro Alonso, oficialidá, más fechos reales importantes: oficialidá del asturianu, Xenaro.
ResponderEliminarMunches promeses, munches palabres, munches declaraciones d'intenciones, pero... bien poca chicha señor conseyeru.
ResponderEliminar