8/10/16

L’enseñu del chinu aporta a les escueles oficiales d’idiomes de Mieres y Llangréu

Na semeya, el conseyeru Genaro Alonso na so visita d'ayeri a la Escuela Oficial d'Idiomes de Llanes con motivu de la inauguración del cursu.

La Conseyería d’Educación y Cultura amplía esti cursu la ufierta d’enseñu de chinu y d’inglés nes escueles oficiales d’idiomes, onde nun tien güecu l’asturianu. Nel casu de la llingua con mayor númberu de falantes del planeta incorpórase a los programes de los centros de Mieres y Llangréu.
Nestes dos ciudaes van crease dos grupos del nivel 1 d’iniciación, yá esistente en Xixón y Uviéu, que tienen hasta’l nivel 3 d’iniciación. Avilés, mentes, incopora nesti cursu dichu nivel, yá qu’hasta agora contaba sólo hasta’l 2. No que respeuta al inglés, la ufierta aumenta cola implantación del nivel C1 (dominiu operativu eficaz) nos centros de Cangas de Narcea, Ḷḷuarca y Llanes.
N’Asturies hai una rede de 8 escueles (Cangas del Narcea, Ḷḷuarca, Uviéu, Xixón, Avilés, Mieres, Llangréu y Llanes) con 10.000 alumnos matriculaos, nel que s’imparten cinco idiomes en cuatro niveles. Les enseñances con más estudiantes son les d’inglés (6.700 alumnos), francés (1500), italianu y chinu (alrededor de 200 alumnos cada idioma). La quinta llingua que s’imparte ye l’alemana.                                                                         Fonte: asturies.com

15 comentarios:

  1. El chinu en toles sos variantes, cuantimás chinu mandarín, nun ta en riesgu nin ye un idioma minoritariu precisamente pero la supervivencia y l'estensión d'esta iniciativa ye estupenda digna d'aplausu.

    ResponderEliminar
  2. Más llingües, sacante la nuesa. :(

    ResponderEliminar
  3. Llingües, milenta llingües, ye bona cosa...

    ResponderEliminar
  4. Por favor, lliberen los comentarios con presteza, los usuarios estimar.

    ResponderEliminar
  5. Chinu. chinu, chinu, Genarín del alma y l'asturianu ¿qué?

    ResponderEliminar
  6. Curiosu: nesti blogue solo apaecen ciertos comentarios. Otros "sumen" misteriosamente, ¿porqué ye o porqué va ser?

    ResponderEliminar
  7. Genaro Alonso quería ser valedor de la llingua asturiana pero nun lu foi, una verdadera pena.

    ResponderEliminar
  8. Nunca ye tarde, Urbanu, anque nun lo debe de tener fácil dientro del so propiu partíu políticu.

    ResponderEliminar
  9. El psoe siempres foi y ye anti llingua asturiana.

    ResponderEliminar
  10. Genaro Alonso quixo y pudo aportar a profeta n'Asturies pero polo que fora solo quedó n'amagu namás. Agora toca esperar otru montón d'años.

    ResponderEliminar
  11. Esto de lal enseñanza del chinu (que ta bien) y NON la del asturianu suena a goña marinera, paez una verdadera tomadura de pelo y un despreciu a lo auténticamente nuesu, un suicidiu cultural.

    ResponderEliminar
  12. Sí, muncho chinu y pocu d'asturianu.

    ResponderEliminar
  13. Genaro ¡qué chinu, ni qué chinu! ¡¡¡asturianu!!! coimes.

    ResponderEliminar
  14. Sí, enforma prometer, munches mires de primeres, enforma falar, pero polo que sía POCU FAER, Genarín. Yes un pequeñu bluff.

    ResponderEliminar

Los comentarios tán pendientes de moderación. Espublizaránse lo primero dable.