2/9/12

N’ast denuncia que los autobuses de Xixón yá nun usen la toponimia asturiana



Dende l’asociación N’ast denuncien como nos tiempos caberos la empresa de tresporte públicu xixonés, EMTUSA, “sustitúi los topónimos n’asturianu qu’apaecen nel tresporte públicu pola versión españolizada de los mesmos”. N’Ast ve con “fondu esmolecimientu comu” esti fechu, que califica como “un procesu incomprensible y que pon en grave peligru ún de los poquísimos avances en normalización y drechos llingüísticos que s’algamaren demientres el gobiernu anterior del conceyu”, de PSOE ya IX.

Asina, esplique, pue vese como apaecen topónimos como "Cerillero", "Poago", "Las Mestas"... en cuentes de los correchos y oficiales "El Cerilleru", "Puao", "Les Mestes"., pesie a qu’estes caberes yá son les oficiales y a que’l Conceyu de Xixón fizo nel so momentu una campaña pa esparder y recuperar los nomes tradicionales de parroquies, pueblos y llugares.

Dende N’Ast enfótense en qu’esto “nun seya más qu’un fechu circustancial que s’igüe aína, nel comencimientu de que la corporación municipal d’anguaño”, que “nun pue ser más antiasturiana -o a lo menos presume d’ello- que les anteriores del PSOE-IX”. Recuerden amás que la presencia de Carlos Rubiera al frente de la Conceyalía de Cultura habría suponer “una garantía pa la nuesa llingua, por muncho qu’heba de reconocer que “hasta agora dende la so Conceyalía de cultura nun fizo un res pa la reconocencia de los drechos llingüísticos de los xixoneses nin pa la normalización social de la llingua”, afirmen dende esta organización.

EMTUSA destacare nos años últimos pol usu xeneralizáu del asturianu dientro de los sos autobuses, en cartelería, toponimia, etc.

Fonte: Asturnews



2 comentarios:

  1. ¿Pa qué van facelo? ¿Quiciabes son dómines d'eleiciones? Non. Pues a callar.

    ResponderEliminar
  2. Això s'arregla amb una brotxa i un pot de pintura. Si és un rètol tradicional, es pinta; si és un rètol electrònic... també.

    A la segona vegada que l'empresa hagi de gastar diners en netejar-los, els posarà en asturià.

    L'acció directa no és especialment democràtica però de vegades és efectiva. Als 80 a Catalunya va funcionar.

    ResponderEliminar

Los comentarios tán pendientes de moderación. Espublizaránse lo primero dable.