La Xunta Pola Defensa de la Llingua Asturiana denunció públicamente los impedimentos que munchos centros educativos asturianos ponen a los alumnos pa poder impartir clases de Llingua Asturiana y Lliteratura. Ente esos casos, dende la Xunta destaquen el del IES Calderón de la Barca de Xixón, onde despliquen que "con diferentes maniobres ta tratando que los alumnos/es de Bachilleratu queden ensin recibir les clases que quieren d'asturianu".
Énte ello, dende la XPDLLA consideren que "La Llei 1/1998, de 23 de marzu, ye bien clara en, Artículu 10.1, que diz que l'asturianu tien que ser impartíu en tolos niveles y graos". Amás, recuerden que "La Resolución de 16 de mayo de 2008, Artículu 5.1, que se refier a la ratio en Secundaria, anulóse por sentencia", y entienden que "la Llei 1/1998 ye absolutamente clara: "garantizar el drechu del alumnáu en tolos niveles y graos educativos, independientemente del númberu d'alumnos" (cita de la sentencia)".
Poro, desixen "al centru educativu y a la Conseyería d'Educación la solución inmediata d'esta situación, evitando facer dexación de funciones nesti periodu d'entamu de cursu. La so inaición nestos casos supón una vulneración de los drechos llingüísticos de la ciudadanía asturiana recoyíos na llexislación vixente".
Fonte: Infoasturies
Mentre l'asturià sigui una assignatura i no l'única llengua vehicular, tindreu aquests problemes.
ResponderEliminary demientres el gobiernu asturianu incumpla les sos propies lleis ya inventen la ratio d'alumnos pa dar clas d'asturianu,pierdan el conteonciosu y recurran y vuelvan a perder pero siguen torgando los drechos d los asturianos nun ufiertando en tolos centros l'asturianu y nun respeten los topónimos qu'ellos mesmos aprueben..taremóos igual.
ResponderEliminar