Conferencia: Reinu d`Asturies: orixe y espardimientu.

La Lliga Celta d’Asturies entama, mañana xueves 15 de xunu, una conferencia so’l Reinu d’Asturies ya`l so orixe, nel Muséu Arqueolóxicu d’Asturies (Uviéu)

 La monarquía foi la forma de gobiernu’l nuesu país demientres más de 300 años (del 718 a.c.al 1.027) ya’l nuesu reinu foi gobernáu por na menos que trece reis. Sicasí, el desconocimientu popular d’esta parte (como del restu) la nuesa historia ye grande, esistiendo un vacíu importante d’información, chiscáu d’algún qu’otru mitu descontestualizáu.

 La asturiana nun foi una monarquía al usu por delles razones y hai muncho que cuntar alrodiu la so evolución y tresformación a lo llargo d’estos tres sieglos.

 Nesta conferencia sedrá l`hestoriador, D. Javier Rodríguez Muñoz, autor de delles espublicaciones y trabayos venceyaos a esta dómina nel nuesu país, pente les que destaca’l so llibru La monarquía asturiana, quien mos fale y mos resuelva les dubies  sobro esti periodu perimportante de l`hestoria d`Asturies, faciendo enfotu nel orixe del mesmu.

 La entrada al Muséu Arqueolóxicu sedrá de baldre, de magar les 19:00 y fasta completar l’aforu.                                                                                                  Fonte: infoasturies.com

Conferencia 'La diosa Tierra n'Asturies y na Céltica'

Va ser esti vienres 3 a les 19 hores nel Palaciu De Valdecarzana, Avilés.

La Lliga Celta d'Asturies entama una charra n'Avilés esti vienres 3 sobre 'la diosa Tierra n'Asturies ya la so cuerrespondencia con otres deidaes asemeyaes de la Celtia Atlántica'. Esta conferencia va impartila Cristobo de Milio, autor del llibru 'La creción del Mundo y otros mitos asturianos', y miembru de la Fundación Belenos. L'actu tará apresentau por Fernán Morán, Presidente de la Lliga Celta d'Asturies.

Esti actu va ser a les 19 hores nel Palaciu De Valdecarzana (c/ del Sol, Avilés). L'entrada al eventu nel ye llibre y de baldre hasta completar aforu.                             Fonte: asturies.com

Galán reflexona sobre'l trabayu fechu na defensa del asturianu y presenta idees pa da-y futuru

 

Cartelu de la charra

 El presidente d'Iniciativa pol Asturianu protagoniza una charra de la Lliga Celta d'Asturies na Biblioteca Pública Xovellanos.

 Inaciu Galán va poner la conferencia '¿Qué podemos facer pa da-y futuru al asturianu? Reflexones sobre'l camín andáu; propuestes de futuru' nesta instalación xixonesa de magar les 19 hores de mañana. Nella va analizar el "percorríu fechu t'agora en defensa del asturianu, los llogros amalgaos y propuestes de futuru pa l'asturianu", según espliquen de la Lliga Celta d'Asturies.

 L'actu va encargase de presentalu Fernán Morán, presidente d'esti coleutivu qu'entama de manera periódica charres y visites guiaes a castros y otres edificaciones del país. La entrada ye llibre hasta completar aforu.                                                                   Fonte: asturies.com

Álvarez Peña va falar sobre'l solsticiu de branu na cultura astur

Charra de la Lliga Celta d'Asturies

  Dientru'l Programa Añal d'Actividaes de la Lliga Celta d'Asturies, Alberto Alvarez Peña, etnógrafu y investigador de la Fundación Belenos, dibuxante y escritor, va poner la conferencia 'El solsticiu de branu na cultura astur'. Nella va falar sobre'l significáu del solsticiu de branu na cultura de nueso, les costumes, ritos y tradiciones rellacionaes pa con ello, y la so cristianización, ente otros asuntos.

  L'actu, que va presentar Fernán Morán, presidente de la Lliga Celta d'Asturies, va celebrase esta tarde, a les 19 hores, na xixonesa Biblioteca Pública Xovellanos. La entrada ye llibre hasta completar aforu.                                                                   Fonte: asturies.com

El castru de Cellagú protagoniza una conferencia de la Lliga Celta d'Asturies

• Patrimoniu da-y el preste al desanicie de Cellagú

Tuvo llugar el vienres nel Muséu Arqueolóxicu d'Asturies.

Ángel B. Villa, arqueólogu venceyáu al propiu muséu y miembru numerariu del Real Institutu d'Estudios Asturianos (RIDEA), encargóse d'esplicar a los presentes los detalles d'esti castru asitiáu en Cellagú, aldega cercana a Llatores, nel propiu conceyu d'Uviéu, y afeutáu por una cantera cercana. L'actu, con entrada llbre, celebróse ayeri a les 19 hores na sala de conferencies de la instalación museística.

La Lliga Celta d'Asturies ye un coleutivu qu'entama actividaes cola fin d'esperder la cultura asturiana nun contestu d'aculturación que vive'l país. Asina, programa conferencies y inclusive visites a enclaves importantes de la nuesa historia, como la reciente al Castru Punta'l Castiellu.

Fonte: Asturies.com