Ánxel Nava presenta'l poemariu 'Cilurnión', paralelismu ente los primeros habitantes de Xixón y los obreros de la Naval.
L'artista plásticu Ánxel Nava presenta esti miércoles el so poemariu, 'Cilurnión', ganador del premiu de poesía Teodoro Cuesta 2009. La obra ufre una doble visión de Xixón, protagonizada, per una parte, polos primeros pobladores de Xixón, los cilúrnigos, habitantes de la Campa Torres, y per otra, polos obreros en llucha de Naval Xixón nos años 90.
La presentación pública ye, a les 19:00 hores na llibrería Paraxuga, d'Uviéu.
L'artista plásticu Ánxel Nava presenta esti miércoles el so poemariu, 'Cilurnión', ganador del premiu de poesía Teodoro Cuesta 2009. La obra ufre una doble visión de Xixón, protagonizada, per una parte, polos primeros pobladores de Xixón, los cilúrnigos, habitantes de la Campa Torres, y per otra, polos obreros en llucha de Naval Xixón nos años 90.
La presentación pública ye, a les 19:00 hores na llibrería Paraxuga, d'Uviéu.
El poemariu compónse de nueve cantos, "poemes curtios", en pallabres del propiu autor, que fizo declaraciones a Europa Press. Les dos visiones de les que fala "son como'l principiu del fin d'esos cilúrnigos". Asina, esplica que se "describe un paisaxe asemeyáu a la bahía de Xixón", que trata "d'espeyar una imaxe mui práctica, mui visual, más que descriptiva, como fogonazos o pantasmagoríes d'esa visión suañada, más qu'escrita".
Nava reivindica una poesía que nun sólo tenga "altor poéticu formal o intimista, sinón que tenga tamién un compromisu social". Na so opinion, "l'arte en xeneral tien que tener un raigañu nel llugar onde vive. Nun pue sólo cantar a la lluna l'artista, sinón que tamién hai que posar los pies embaxo y tener esi raigañu cola propia identidá, que nun ye sólo personal, sinón tamién coleutiva o social", reivindicó.
Fonte: Europa Press
