Ta acabante d'espublizase’l material didáuticu de sofitu a les clases de Llingua Asturiana “Nomes d’Asturies”.
Desendolca 9 xunidaes didáutiques basaes n’otros tantos audios del programa de la RTPA “Nomes d’Asturies” qu’usa la fórmula de radio-teatru.
Nes distintes xunidaes trabáyense les destreces básiques nel estudiu de cualesquier llingua viva: comprensión y espresión escrites y comprensión y espresión orales. Les actividaes propuestes desendolquen estratexes pa utilizar la radio nes clases d’asturianu: audiciones, antoloxía poética, guiones radiofónicos, notes culturales, estaya gramatical, lliteratura, llingua y cultura, atención a la diversidá, etc.
Too ello cola intención d’ufiertar una ferramienta moderna, útil y prestosa cola qu'estudiantes y profesores puean trabayar la llingua asturiana dende un mediu de comunicación de mases como ye la radio.
Pa informate más
Fonte: http://web.educastur.princast.es/cpr/oviedo/web/index.php?option=com_mensajes&view=mensajes&Itemid=51
