Coleutivos de promoción del idioma de tol dominiu llingüísticu participen esti sábadu nun alcuentru na Tierra de Miranda

Por Pablo R. Guardado

Iniciativa pol Asturianu va acudir esti sábadu al VII Ancontro Blogueiros de l Praino, que se celebra na población mirandesa de Cicuiro. La cita va contar cola participación de coleutivos de tol dominiu llingüísticu asturlleonés.

Inaciu Galán, presidente d’Iniciativa pol Asturianu, va encargase de zarrar l’alcuentru de blogueros, qu’esti añu se centra nel conocimientu de les realidaes llingüístiques hermanes del mirandés, cola charra ‘¿Qué podemos facer xuntos pola nuesa llingua?’, intervención na que va parase “nes distintes acciones que dende la entidá asturiana camienten que ye posible poner en marcha pa trabayar a favor de la llingua común compartida por asturianos, lleoneses y mirandeses, mesmo nel ámbitu llocal como nel internacional, onde la situación de la llingua asturiana preocupa a entidaes como’l Conseyu d’Europa, la UNESCO o l’Altu Comisionáu de Drechos Humanos de la ONX”. Enantes, va tomar la pallabra Amadeu Ferreira, de l'Associaçon de Lhéngua i Cultura Mirandesa, pa dar pasu darréu a Fernando Álvarez-Balbuena, de ‘El Teixu. Rede pal Estudiu y Defensa de la Llingua Asturllionesa’, que va falar ‘De llenguas y fronteiras’, y a Ricardo Chao, de l’Asociación Cultural Faceira,  que va tratar el tema ‘Mirandeses y llioneses: dous puebros vecinos y hermanos’.

Xuegos tradicionales, llectura de versos en toles variedaes, una xinta y una visita por Cicuiro son otres de les actividaes que van desendolcase a lo llargo de la xornada, que va principiar a les 9 hores, tando les charres previstes pa les 14 hores. La xente interesao en participar nesta xornada pue facelo inscribiéndose nel corréu lletrónicu elf_vlf@hotmail.com o nel teléfonu 918.217.183., col prefixu 351. 

Fonte: Asturies.com

Solidaridá asturiana escontra'l refugu a promocionar l’idioma en Zamora

La vocalía de dominiu llingüísticu d’Iniciativa pol Asturianu, coordinada por Denis Soria, espresó al traviés d’un comunicáu “el so maltar énte la negativa de discutir una moción n'amparu del patrimoniu llingüísticu na Diputación de Zamora”. La iniciativa defendida pol grupu ADEIZA que daba un primer pasu na conquista de los drechos llingüísticos básicos (con midíes de proteición, promoción, recuperación toponímica o refuerzu institucional de la creación cultural y lliteraria de la llingua asturiana/lleonesa y gallega na Provincia de Zamora) partió del coleutivu Furmientu, una de les organizaciones qu'integren el movimientu de reivindicación llingüística al sur del cordal y cola qu'Iniciativa pol Asturianu aconceyara'l pasáu 31 de marzu n'Estorga (Lleón). El representante de los independientes zamoranos y diputáu provincial, Antonio Juanes García, defendió esta moción que nun se llegó a debatir al cuntar colos votos en contra del PP y a favor d'ADEIZA, PSOE ya IX. Iniciativa pol Asturianu púnxose en contautu tanto con Furmientu como con AZEIZA “p'apoyar el so compromisu en favor del idioma y ofrecer tola collaboración posible nesti ámbitu, al ser un sector importante de la sociedá zamorana y asturiana parte d'una mesma comunidá llingüística." Fonte: Asturnews

Faceira denuncia que Castiella y Lleón nun cumple l’Estatutu d’Autonomía no que cinca a cuestiones llingüístiques

L’asociación cultural Faceira, que trabaya en Lleón pol futuru del nuesu idioma, informó que ta acabante recibir contestaciones negatives de les Conseyeríes de Cultura y Turismu y d’Educación de la Xunta de Castiella y Lleón a dos peticiones reclamando'l cumplimientu del artículu 5.2 del Estatutu d'Autonomía d’esta comunidá, y denuncia “la política arbitraria y discriminatoria de la Xunta de Castiella y Lleón escontra los falantes de lleonés”.

Faceira presentó en setiembre de 2011 dos escritos énte les Conseyeríes d'Educación y de Cultura y Turismu de la Xunta de Castiella y Lleón, reclamando'l cumplimientu del artículu 5.2 del Estatutu d'Autonomía nel que se dispón que “el lleonés va ser oxetu de proteición específico per parte de les instituciones pol so particular valir dientro del patrimoniu llingüísticu de la Comunidá. La so proteición, usu y promoción van ser oxetu de regulación”.

Nestes peticiones, y según espliquen dende Faceira, interesáronse por conocer “el desenvolvimientu normativu del Estatutu d'Autonomía en materia de proteición, promoción y usu del lleonés, l'adopción d'actuaciones efectives de promoción cultural, según la introducción del lleonés na enseñanza reglar en condiciones asemeyaes a les de la llingua gallega”, que s’imparte como asignatura optativa nos centros d'enseñanza primaria y secundaria dende va una década nes zones de Lleón y Zamora onde se fala esti idioma.

La Conseyería de Cultura respondió “con una simple carta na que nun se daba contestación a la petición fecha”. La Conseyería d'Educación, pela so parte, “direutamente nun resolvió nel plazu llegal previstu la petición que se-y fizo”, polo que Faceira, “demandó n'avientu de 2011 a esta Conseyería por frayar tanto l'artículu 29 de la Constitución Española, como la Llei Orgánica 4/2001, de 12 de payares, reguladora del Drechu de Petición, incoándose’l procedimientu de Drechos Fundamentales 6/2011 que se sigue nel Xulgáu de Contencioso-Alministrativu númberu 1, de Valladolid”.

La Conseyería d'Educación, espliquen dende la organización lleonesista “al tener constancia de que fuera demandada xudicialmente y pa evitar la so conderga, dictó en marzu de 2012 una entainada resolución denegando la introducción del lleonés nel sistema educativu”.

Pa Faceira “la Xunta de Castiella y Lleón caltién no que cinca al idioma lleonés una política arbitraria, pues nun cumple l'artículu 5.2 del Estatutu alegando pa ello escuses mendaces qu'anulen dafechu'l sen de la norma, frayando amás de manera absoluta la Carta Europea de les Llingües Rexonales o Minoritaries del Conseyu d'Europa”, tratáu internacional soscritu pol estáu español nel añu 2001 y que recuerden “obliga a adoptar midíes actives de defensa y promoción de les llingües españoles con reconocencia estatutaria, como ye'l casu del lleonés, y que la Xunta de Castiella y Lleón nun aplica a esta llingua”.

L'actitú de la Xunta de Castiella y Lleón ye pa Faceira “discriminatoria, una y bones énte la esistencia de llingües minoritaries en Castiella y Lleón, la Xunta protexe y promociona al traviés del sistema educativu de la Comunidá a dos d'elles, el gallegu y el vascu (idioma non reconocíu pol Estatutu de Castiella y Lleón), y niega la más mínima proteición al lleonés, que ye la única llingua minoritaria a la que l'Estatutu reconoz un particular valir dientro del patrimoniu llingüísticu de la Comunidá”.

Esta discriminación, denuncien, “escuende una fonda hostilidá escontra unu de los elementos de la personalidá cultural lleonesa”..

La UNESCO señala al asturlleonés nel so Atles de les llingües del mundu en pelligru (París, 2010), como una de les llingües minoritaries del estáu español n’inminente pelligru de desapaición, idioma que cunta en Lleón y Zamora con unos 25.000 falantes.

“La discriminación prauticada pola Xunta de Castiella y Lleón, espliquen dende Faceira- evidénciase nes cantidaes que destina al programa de promoción de la llingua gallega nel ámbitu educativu nes comarques d'El Bierzu (Lleón) y Senabria (Zamora) nos cursos 2007-2008, 2008-2009, 2009-2010 y 2010-2011, y que fueron, respectivamente, de 452.767 euros, 537.245 euros, 578.298 euros y 589.288 euros; pal presente cursu escolar la previsión ye la de destinar a la promoción del gallegu 560.644 euros. Coles mesmes, en marzu de 2011 el presidente de Castiella y Lleón, Juan Vicente Herrera, por cuenta de la inauguración d'una escuela en Burgos onde s'enseña la llingua vasca afirmó que “nun hai nengún inconveniente por parte de la Xunta a collaborar col Gobiernu vascu na enseñanza del euskera, de la mesma manera que se ta faciendo en dalgunos otros centros educativos en Miranda de Ebro o n'otres zones estremeru de la comunidá” (ABC y El Mundo, ediciones de 9 de marzu de 2011).

Por embargu, denuncien, “dende la reforma del Estatutu d'Autonomía de Castiella y Lleón nel añu 2007, el presupuestu destináu pola Xunta de Castiella y Lleón a la proteición y promoción del lleonés foi de cero euros”, anque se presentó dende la oposición parllamentaria una enmienda a los mesmos pa introducir una partida de 125.000 euros dedicada a la promoción y proteición del lleonés, que foi refugada “ensin nengún argumentu pol Grupu parllamentariu del Partíu Popular”. Nel restu del dominiu llingüísticu asturleonés, Asturies y Miranda do Douro (Portugal), sí esisten midíes reales de proteición y promoción d'esta llingua, incluyida la so presencia nel sistema educativu.

L'Asociación Faceira anuncia que va denunciar énte instancies estatales ya internacionales el repitíu incumplimiento del artículu 5.2 del Estatutu y de la Carta Europea de les Llingües Rexonales o Minoritaries del Conseyu d'Europa, “por mor de la política arbitraria y discriminatoria de la Xunta de Castiella y Lleón escontra los falantes de lleonés”.

Fonte: Asturnews

Iniciativa pol Asturianu aconceyó con organizaciones de Lleón y Zamora na defensa del idioma

Dientru de la rolda d'alcuentros con coleutivos en defensa del idioma.

Según asoleyó na so web, Iniciativa pol Asturianu vien d'aconceyar con organizaciones pertenecientes al movimientu de reivindicación llingüística en Lleón y Zamora, alcuentru que tuvo llugar na sede de La Caleya, n'Estorga (Lleón). Según despliquen, "Iniciativa pol Asturianu quixo conocer de primera mano'l llabor y l'actividá qu'éstos vienen desendolcando en Lleón y Zamora, asina como abrir canales de comunicación y cooperación futures".

Nel aconceyamientu hebo representantes de Furmientu, Faceira y La Caleya, colos qu'intercambiaron impresiones "pa facer una defensa unánime de la llingua qu'une a bona parte de Zamora y Lleón con Asturies". Amás, dende IpA despliquen que'l so enfotu "ye plantegar aquellos proyeutos que seyan d'interés pal idioma en dambos territorios y llevar alantre aquellos que puedan ser válidos a tol dominiu llingüísticu de manera conxunta", asina como "la voluntá firme de la organización por afitar una conexón sólida con tolos territorios onde l'asturianu ye llingua propia, espeyada na creación de la vocalía de dominiu llingüísticu, qu’organizó esti aconceyamientu".

Pa finar, afiten que "púnxose atención ente otres cuestiones na situación esmolecedora que vive l'idioma al sur del cordal; na perda progresiva de falantes, na ausencia total de lleis que garanticen los sos drechos, na falta de prestixu social y na falta d'actuaciones de puesta en valir del patrimoniu llingüísticu y inmaterial como recursu que ye y como fonte de desenrollu social y económicu".

Fonte: Infoasturies

Entama n'Uviéu la Xunta Escritores Asturianos 2012

La Xunta d'Escritores Asturianos 2012 na tarde de güei, xueves 1 de marzu, cola presentación del llibru "Lliteratura asturiana, identidá y nación", llibru d'actes que recueye les ponencies y disertaciones llevaes alantre na anterior Xunta d'Escritores Asturianos,celebrada nel palaciu de Villa Madalena en 2010. La Xunta d'Escritores Asturianos tendrá continuación mañana, vienres 2 de marzu, y el llunes 5, con ponencies, conferencies y presentaciones lliteraries na Sala de la Biblioteca del Campu San Francisco d'Uviéu.
Programa completu de la Xunta d’Escritores Asturianos 2012
XUEVES 1 MARZU- 16 h. Presentación del llibru “Lliteratura asturiana, identidá y nación”. Actes de la Xunta d’Escritores Asturianos 2010.
- 16,30 h. A la solombra del Surdimientu, por Ánxel Álvarez Llano.
- 17,30 h. Barruntos y condiciones pal xorrecer d’un ensayu en clave nacional, por Carlos X. Blanco Martín.
- 18 h. Presente y futuru de la enseñanza del asturianu, por Xosé Lluís Colodrón Ardura, Responsable de la Secretaría de Llingua Asturiana del sindicatu SUATEA.
- 19 h. Presentación del llibru “Les Asturies y el nacionalismu bascu” de Xaviel Vilareyo, cola intervención de Llucía Fernández Marqués.
- 19,30 h. El modelu llingüísticu n’asturianu, por Xaviel Vilareyo y Villamil.
VIENRES 2 MARZU- 16 h. Presentación de la obra narrativa de Xuan Carlos Crespos Lanchas y alcuentru col públicu sobre’l so procesu creativu.
- 16,30 h. Ciudadanos asturianos escontra Napoleón, por Evaristo C. Martínez Radío.
- 17,30 h. Presentación del llibru “El patrimonio lingüístico cántabro”, Goviernu de Cantabria – ADIC.
- 18 h. L’estremeñu y la su literatura, por Ismael García Carmona.
- 19 h. Alderique sobre la situación de la llingua fuera les llendes alministratives de la Comunidá Autónoma del Principáu d’Asturies.
LLUNES 5 MARZU- 17 h. El cultivu del maíz nel conceyu de Xixón, por Beatriz Rato Rionda.
- 17,30 h. Política y arqueología: Roma, godos y Reyes Católicos, la santísima trinidad de la historiografía centralista, por C. J. de la Sala González.
- 18, 30 h. Cine y literatura, la traición necesaria, por Miguel Losada, Director de la Sección de Cine del Ateneo de Madrid.
- 19 h. Mesa redonda sobre la situación del cine n’Asturies. Intervienen: Alfonso S. Suárez, Sofía Menéndez, Geno Cuesta, Juan Gona y Miguel Losada
- 20 h. Pieslle de la Xunta d’Escritores Asturianos 2012.

Fonte: asturnews

más info: cpn, La llingua asturiana fuera les llendes alministratives d'Asturies

Añaes tradicionales asturlleoneses nel Antiguu Institutu

El centro cultural ofrece un taller de mantenimiento para guitarras y bajos

El Centro de Cultura Antiguu Institutu Xovellanos de Xixón ofrece en la parte central de la semana diversos encuentros con la música que comenzarán hoy, miércoles (sala de conferencias, 20 horas) con la charla coloquio «Las guitarras no muerden». Ovidio García, en el «Guitar doc tour» permite a los asistentes a esta actividad llevar su propia guitarra o bajo para enseñarles a conocer y mantener su instrumento de manera práctica con demostraciones y proyecciones. El jueves (salón de actos, 20 horas) el músico leonés Francisco Pozuelo Alegre («Fran Allegre»), de Villareyo d'Órbigu, presentará su disco «Nel Briezu». Fran Allegre también es luthier de gaitas leonesas, pitos, panderos, arpas, zanfonas y chifles, entre otros instrumentos. De sus trabajos de campo y composiciones propias extrae un repertorio tradicional que ya compartió con la agrupación «La Barbacana». Su obra se encuentra en los discos «Son de Ribera» o «Nel caminu», y en el documental israelita realizado en Lleón «Caminos del Sefarad». Es autor de varios artículos sobre patrimonio etnográfico y del poemario «Poemes pa nun ser lleídos». Protagonizó la apertura del Festival Intercélticu d'Esbardu en Avilés el pasado verano y este jueves estrenará en Xixón «Nel Briezu», cantares tradicionales («añaes») para dormir y acunar a los niños recogidos en su mayoría por este músico o del archivo sonoro del asturiano Xosé Ambás. Estas añadas están cantadas en asturiano, asturleonés o gallego.

Fonte: lne

Hai años qu'Asturies y Galicia reñen sobro la llingua y la ría que les separta

El último roce fue el año pasado, cuando la Xunta multó al FAPAS por anillar a un águila pescadora

Las batallas entre Asturias y Galicia no sorprenden en la comarca occidental, donde están acostumbrados a ser testigos de algún lío entre ambos gobiernos cada cierto tiempo. La lengua y la ría del Eo -que separa ambas comunidades- suelen ser el centro de todos los problemas. Sin ir más lejos, el último roce se produjo el año pasado, a cuenta de un águila pescadora a la que se bautizó como «Panchita». El Fondo para la Protección de los Animales Salvajes (FAPAS) se propuso recuperar el águila pescadora en el estuario astur-galaico y capturó a un ejemplar al que anilló para poder identificarlo. Esa captura le deparó una multa de la Xunta de Galicia, que consideró que la captura se produjo en la parte gallega del estuario, donde el FAPAS no disponía de permiso para actuar. La organización siempre ha sostenido que la captura se produjo en suelo asturiano. Finalmente, el importe de la multa se redujo a 600 euros. El nombre del estuario también suele ser motivo de discusión entre uno y otro lado del Eo. Hace cuatro años que el Ministerio de Fomento decretó que el nombre oficial debía ser Ría de Ribadeo, algo que no se acepta en Asturias, donde continúa denominándose al estuario por el nombre del río. Pero las luchas más duras siempre son a cuenta del idioma y de las pretensiones de los nacionalistas de operar en el occidente asturiano. Una pelea sonada tuvo lugar en 2009, cuando el gobierno gallego quiso ampliar la cobertura de su televisión autonómica en Asturias. También en 2010 se armó un buen lío cuando el entonces recién elegido presidente de la Real Academia Galega, el escritor gallego Xosé Luis Méndez Ferrín, solicitó la oficialidad de la lengua asturiana en el Principado, salvo en la franja entre los ríos Navia y Eo, para la que reclamó la oficialidad del gallego. Ferrín defendió entonces que el gallego era, junto al castellano, la única lengua de la zona.

Fonte: lne

Concursu de vocabularios en Zamora

Entama l'Asociación Cultural Furmientu.
Furmientu entama la edición 2011 -la sesta- del concursu de vocabularios, nel que pue participar cualesquier persona que seya quién a presentar vocabulariu o espresiones carauterístiques de la zona inédites hasta'l momentu.
Pa la execución del premiu el xuráu tendrá en cuenta el númberu de vocabularios recoyíos y les zones nes que se recoyeron, cuntando más si'l vocabulariu apurríu correspuende a zones o pueblos distintos dientru de la contorna na que s'asitia'l concursu.
Pa concursar
Habrá que ponese en contautu cola asociación Furmientu al traviés corréu ordinariu unviando los vocabularios a l’Asociación Cultural Zamorana Furmientu, na cai Grijalva 6 2u A. 49021 Zamora. Otra posibilidá ye ponese en contautu colos númberos de teléfonu 669322834 o 695515386.

Fonte: infoAsturies

Info: Furmientu

Llibru sobro l'asturianu oriental

Tesis doctoral del llingúísta Francisco García González sobre la llingua asturiana oriental nel valle de Cabuérniga, n'Asturies de Santiyana, obra llargamente olvidada a posta tanto polos estudiosos como poles alministraciones, pues data la so redacción del cursu 1977-1978. Puede catalogase esta obra como una perimportante aportación al conocimientu xeneral y comarcal del patrimoniu llingüísticu de Las Asturias, agora que parez que despertó na ciudadanía l'interés por esti tema. Dividese la presente tesis en dos partes bien definíes: gramática y vocabulariu, y en dambes tanto l'investigador esixente como l'aficionáu curiosu alcontrará un material de primer orde pal conocimientu de la llingua asturiana na so variante más oriental.
Fonte:blogue Asturias de Santiyana

L'ALLA completa l'estudiu sociollingüísticu del dominiu llingüísticu

DAMIÁN BARREIRO
L’Academia de la Llingua Asturiana acaba d’editar l’Estudiu Sociollingüísticu de Zamora (Fastera Occidental), obra de Xosé Antón González Riaño y Xosé Lluis García Arias. Con estos datos de les zones zamoranes de Senabria, La Carbayeda, Aliste y Sayago, la institución completa l’estudiu sociollingüísticu de tol dominiu asturllionés.

Según los datos recoyíos nel trabayu sobre l’occidente zamoranu, un terciu de los ciudadanos afirmen entender y falar la llingua tradicional –alredor de 9.400 persones–. Per otru llau, un 9,3% de los encuestaos diz usar la fala tradicional nel ámbitu familiar –sobremanera en Senabria–, mentes qu’un 21% diz que fala un amestáu ente asturllionés y castellanu. Según los datos, menos del 40% piensa que la fala tradicional úsase davezu na zona y camín del 60% de los encuestaos dicen que namás se fala castellanu o que la fala tradicional úsase «más bien poco», «cifra qu’habría que coyer cola mayor cautela pol nivel de confusión que se da ente la fala tradicional y el castellanu», despliquen los autores.

Precisamente, los zamoranos occidentales llamen mayoritariamente a la so manera de falar castellanu –un 42,3%–, mentes qu’hai un porcentaxe que fala de gallegu, gallego-castellanu o gallego-portugués –30%– o de denominaciones locales como alistanu –6,5%– y sayagués –6%–. Les rempuestes que falen de llionés o asturianu-llionés malpenes pasen del 2%. Otra manera, ye mayoritaria la opción que diz que les diferencies ente la fala tradicional y el castellanu nun existen –62%–, mentes que los más de los encuestaos tamién refuguen l’estatus de llingua pal asturllionés de la zona –cuasi’l 50%–, anque son ocho de cada diez los que piensen qu’usar l’idioma popular nun ye falar mal, «sinón distinto del castellanu». La percepción de xunidá llingüística col asturianu ye minoritaria anque significativa. Asina, ún de cada diez encuestaos tien sentimientu de xunidá llingüística.

Fonte: Les Noticies

Lleón cellebra’l Día de la Llingua con lliteratura y música

El Conceyu de Lleón celebró'l pasáu 18 de xunu’l “Día de la Llingua”, onde per sestu añu consecutivu, los lleoneses homenaxearon al so idioma. L’actu foi a les doce la mañana nel Palaciu de Don Gutierre, onde se lleeron obres en variedaes lleoneses del asturianu, como’l pal.luezu, cabreirés o cepedanu. Darréu d’ello, la Banda de Gaites Ciudá de Lleón, tocó dellos temes.
Fonte: asturnews,Uiquipedia

Yá disponible'l númberu 23 d'El Llumbreiru

El nuesu boletín trimestral yá tien un ñuevu númeru na súa andadura. Puede lerse y descargarse dende la nuesa páxina web.

Veliquí los sous conteníos:

- Editorial
- Reseña: "La palabra y las palabras"
- Actualidá cultural: Conferencias del Centro de Estudios Benaventano Ledo del Pozo - Camín de Cantares recuerre Llión, Zamora, Salamanca y Miranda - Alcuentru de Branu y charla en Luelmo - IX Xornadas de Cultura Tradicional - Las falas zamoranas en dúas revistas asturianas - Cursu de pachuezu en Vil.lablinu
- Lliteratura n'asturllionés de Zamora: El príncipe malváu, versión en senabrés de Javier López - L'aigla d'ala curtada y la raposa y El burru na pillexa de llión, dúas fábulas d'Esopu por Jesús González.

ANEXU: El Llumbreiru 23.

(d'Actualidá de Furmientu, 27-01-2011)

Fonte: Foru Tierra Alantre, Furmientu.

Nueva revista Formientu (7-8) con autores de tol dominiu llingüísticu asturlleonés

El númberu inclúi ocho autores nuevos nes páxines de la revista de lliteratura moza.

Según anuncia de Xareos! Xestión Cultural, la revista Formientu, asoleyada por esta asociación, espubliza un númberu doble (7-8) nel qu’“hai munches novedaes bien importantes”, comenten dende la revista. Formientu espubliza per primer vegada un autor en gallego-asturianu, Miguel R. Monteavaro (Bual, 1990), y cunta amás con delles collaboraciones d’autores qu’entá nun espublizaren en Formientu. Ye’l casu de Pablo A. Quiroga, Paula Pulgar, Alex Fernandi, l’autor más mozu de la revista nesti momentu (Uviéu, 1992), o David Artime, que mos presenta un estractu del premiu Trabe de Narraciones, que llevó la so novela «La bufanda», una de les obres con más ésitu en 2010.

Amás nel númberu apaecen autores habituales na revista, como Héctor Pérez Iglesias, Abel Martínez, Jorge Fernández, Ricardo Candás y José Ángel Gayol, que dan amuesa de la lliteratura con más esperiencia de la tercer xeneración.

Ente les novedaes d’esti Formientu 7-8 tán tamién la participación de Belinda González, autora asturbelga que collabora cola revista, como en númberos anteriores lo facía Llucía Di Salvo León, fía d’emigrantes asturianos en Bonos Aires; Rubén García Martín (Zamora, 1983) que mos trai la lliteratura asturiana que s’escribe nel estremu sur del dominiu llingüísticu asturlleonés, y Álvaro Pérez, autor tamién venceyáu a Zamora que mos trai la torna de dellos poemes en catalán de Joan Margarit y Salvador Espriu.

Formientu ye una revista de lliteratura na que s’espubliza la obra d’autores xóvenes, ñacíos de magar 1975 y ta dirixida por Inaciu Galán. El so Conseyu de Redaición ta formáu, amás de pol director, pol escritor Benxa Pérez y pola escritora y filóloga Laura Marcos, que lu coordina. Formientu cunta con una ayuda de la Conseyería de Cultura d’Asturies y el sofitu de los anunciantes privaos como Publigrafik.
Dende Xareos! anuncien que nes selmanes próximes van anunciase “les feches y espacios onde se va presentar la revista al públicu, cola presencia de los autores”.

Fonte: Asturnews

El Día de la llingua mirandesa

El Día de la Llingua Mirandesa va cellebrase güei vienres 17 de setiembre. Nesta fecha, cúmplese l’aniversariu de la presentación del proyeutu de llei col que s’aprebó la reconocencia llegal d’esta variedá llingüística del asturlleonés falada en Portugal. El 19 de payares de 1998 el Parllamentu de la República de Portugal declaró la oficialidá del mirandés, pero enantes, el diputáu Júlio Meirinhos presentara’l proyeutu de llei que fixera posible da-y un marcu llegal a esta variedá llingüística.

Esti añu la cellebración del Die de la Lhéngua Mirandesa va desenvolvese en Miranda del Douru con dellos actos rellacionaos cola llingua. La ponencia titulada Más de mil años de llingua mirandesa, impartida por Amadeu Ferreira, esposiciones y la representación teatral de la obra en mirandés Ls lusíadas, son dellos de los conteníos.

El mirandés o lhéngua mirandesa ye la única variedá de tol tueru llingüísticu asturlleonés qu’anguaño tien reconocimientu oficial. Fálase nel conceyu portugués de Miranda del Douru y en delles partes de Birmioso, con unos 15.000 falantes. Amás de la oficialidá, esta llingua tamién foi introducida nes escueles nel cursu 1986/87. L’Anstituto de la Lhéngua Mirandesa, creyáu en 2003, ye’l muérganu encargáu de la so promoción y normalización.

Fonte: Estaya d’asturianu

Un programa asturianu va permitir marcar les fronteres llingüístiques

La próxima selmana va presentase en Valladolid CartoDial, un proyeutu del Seminariu de Filoloxía Asturiana que va permitir tipificar l'eonaviegu y llendar les fronteres ente llingües.
Fernando Álvarez-Balbuena García, Ramón d’Andrés Díaz, Xosé Miguel Suárez Fernández y María Cueto Fernández van intervenir nel IX Congresu Internacional de Llingüística Xeneral, que se va celebrar na Universidá de Valladolid del 21 al 23 de xunu.
El tema a tratar va ser ‘La horiometría o dialectometría de frontera’. Esta intervención relaciónase col proyeutu d'investigación ETLEN, sigles del ‘Estudiu de la Transición Llingüística na Zona Eo-Navia, Asturies’, que lleva a cabu un equipu interdisciplinar de filólogos y informáticos de la Universidá d'Uviéu.
Esti trabayu busca facer una aportación sustancial a la conocencia de la frontera ente los dominios llingüísticos gallego-portugués y asturlleonés nes zones más occidentales d'Asturies y limítrofes de Galicia.
Los mentaos investigadores van presentar en primicia'l novedosu programa informáticu CartoDial (Cartografía Dialectal), creáu pol equipu del ETLEN. Esti programa ye capaz de xenerar automáticamente gracies a la enorme cantidá de datos llingüísticos del proyeutu dos tipos de mapes: mapes dialeutográficos de la zona d'estudiu, nuna cantidá superior a dos mil; y, como aportación esclusivamente orixinal, más de quinientos mapes horiométricos.
Esto mapes muestren la configuración llingüístico-estadística de les diverses fales de la zona d’Entrambasaguas, tipificaes según la proporción de trazos gallego-portugueses, asturlleoneses y específicamente eonaviegos. Mostraráse un adelantu de lo que nun futuru próximu va ser l'Atles de la Transición Llingüística na Zona Eo-Navia, que será dialectográficu, horiométricu y dialectométricu.
El programa CartoDial, nacíu d'una investigación fecha na Universidá d'Uviéu, aspira a convertise nuna ferramienta amañosa pal estudiu horiométricu d'otres conocíes fronteres llingüístiques de la Península Ibérica y d'otres zones d'Europa.
Tamién se mostrarán datos matemático-estadísticos de la zona Navia-Eo procesaos d'acordies col programa informáticu VDM (VisualDialectometry), concebíu, desarrolláu y adaptáu al proyectu ETLEN según los principios de la dialeutometría, pol equipu del profesor Hans Goebl, de la Universidá de Salzburgo (Austria).

Fonte: asturies.com

Xuristes pol asturianu respuende al testu del asturlleonés fechu por Hector Gil

Raros agradecimientos
Anda per ende un testu tituláu “Document de Treball sobre l’asturlleonès” patrocináu per Mercator (una castra d’ONG catalana) y robláu per Hector García Gil qu’entama col agradecimientu de patrocinador y autor al Aconceyamientu de Xuristes pol Asturianu “poles sos aportaciones y conseyu espertu”.Visto asina, de xuru que’l llector va camentar que l’Aconceyamientu deXuristes pol Asturianu tien daqué que ver coles hipótesis yafirmaciones que nel mesmu se faen, siendo la realidá xustamente tolocontrario.De mano, l’autor nun contautó enxamás con nós. Quien lo fizo foi ManelRodríguez Pérez-Caudel pa, tres presentáse como coordinador deMercator, encamentar la nuesa opinión sobro un documentu rellativu a lallingua “asturiano-lleonesa-mirandesa” (sic.). Y dióse-y nos términoslliterales que se reproducen darréu:

Pa Manel Rodríguez Pérez-Caudel
Cola mio consideranza: L’informe que m’unviesti pa dar paecer ta fechu por un llicenciáu mozu,estudiosu y de xuru que voluntariosu, lo que ye abondo méritu, perotien dellos fallos de fondu que m’abulta meriten igua enantesd’asoleyalu:

I) Llingüísticos. L’Aconceyamientu de Xuristes pol Asturianu ye, como’l so nome diz, unaasociación de xuristes. Poro, pente nós nun hai especialistes enfiloloxía, pero conocemos la realidá na que vivimos y arriendes d’ellosabemos a quién hai que s’empobinar llegáu el casu. Asina que pidimosdictame al respeutu a la xente ensin dubia más prestixoso, reconocío yrespetao na materia. El resultáu, al cabu y en resume, ye’l darréu:

1.Diz que la fala del Navia-Eo ta adscrita al dominiugalaico-portugués (pelo menos dizlo dos vegaes nel testu). Nun yeafayadiza la espresión. La fala d’Entrambasauguas asitiasellingüísticamente ente’l dominiu gallegu y l’asturianu. Asina loentiende l’Academia de la Llingua Asturiana (que ye una instituciónacadémica, nun lo escaecer) nel so hasta güei incontestáu Informesobre la fala o gallego-asturiano. Una perspeutiva histórica, social yllingüística. Uviéu, ALLA, 2006.

2. Dicir que son “fales montañeses” les de los tres conceyos másorientales d’Asturies citando a García González ye escaecer la críticaque se fai a esi posicionamientu en García Arias. Gramática Históricade la Llingua Asturiana. Uviéu, ALLA, 2003.3. Llamar a la llingua asturiana llingua asturllionesa ye lo mesmo quesi llamáreamos al catalán “llengua catalanovalenciana”.


II) Ye dafechamente incorrecho dicir que l’asturiana ye “una llingua con oficialidá parcial (reconocencia de ciertu usu oficial pero que nunye oficial en sentíu integral o plenu)”. De mano, porque el conceutu xurídicu d’oficialidá o cooficialidállingüística nun almite niveles: a una llingua reconozcese-y o nonl’estatutu d’oficial. Y a l’asturiana nun se-y quier reconocer porvergoñoses y reconocíes razones polítiques. D’otra miente, porque la realidá nun respuende al optimismu del autordel informe. Lo que la llingua asturiana tien algamao –y abultaqu’afitao- ye la reconocencia xurídica y social de la so condición dellingua, perdiscutida fasta hai poco. Ye un pasu porque darréu vien ladesixencia de proteición (artículu 3.2 de la Constitución española) yel drechu fundamental al so emplegu (convenios y trataosinternacionales, mesmamente la Declaración Universal de los DrechosHumanos, el Conveniu Européu de los Drechos Humanos, el PautuInternacional de Drechos Civiles y Políticos, la Declaración sobre losDrechos de les Persones pertenecientes a Minoríes Ñacionales o Étniques, Relixoses o Llingüístiques, la Carta Europea de les LlingüesRexonales o Minoritaries… y l’entamu de la Constitución española, pornun dir más lloñe) que ye bien difícil ñegala nun estáu que quier pasarpor democráticu. Y esi ye l’asitiamientu braeru de la llingua asturianaanguañu: l’Estáu español nun pue obviar nos enunciaos llegales lareconocencia d’unos drechos encontaos pela comunidá internacional, enxeneral, y la europea en particular, poro, reconoz –na lletra de leslleis, la 1/98 del Principáu d’Asturies concretamente- el drechu delciudadán al emplegu de la so llingua… pa dempués recorta-ylu tolo quepuede na práutica alministrativa o xudicial. Y neses tamos.D’oficialidá, que ye lo mesmo que dicir d’emplegu activu polos poderespúblicos, nin traces.Si te vaga echar una güeyada pela nuesa páxina web www.xuristes.as nelsepartáu “Actuaciones-Proc. Xudiciales-Recursos númberos 117/07 y18/07” tienes un par d’exemplos illustrativos y en “Trabayos. L’agoníad’una llingua europea y Dictame xurídicu sobre la llingua asturiana naenseñanza”, dos estudios que vienen a cuentu.Por too ello soi del paecer que la espublización del informe nostérminos nos que ta fadría más mal que bien a la xusta causa de lallingua asturiana.
Xurde Blanco

Si tomamos en cunta que l’informe asoleyóse talu que taba: calificandode gallegu a la fala eonaviega; de montañés al asturianu del oriented’Asturies y occidente de Cantabria; confirmando con nuevu nome a unallingua, l’asturiana, a la que yá-y punxeron abondos nel bautizu; yatarricando optimismu progubernamental al calificar de “cooficilidáparcial” el llaceriosu estáu nel que s’afaya la nuesa llingua, ¿acuentu de qué vien damos les gracies peles nueses “aportaciones yconseyu espertu”?.A nós, dende llueu, nun mos fai gracia nenguna, nin el conteníu delinforme, nin les gracies que mos dan.
N’Uviéu, a Xurde Blanco. Secretariu del Aconceyamientu de Xuristes pol Asturianu.

http://opinion.asturnews.com/?p=241

Fonte: asturnews

"Asturbitácora" aporta a 200 blogues del dominiu llingüísticu asturlleonés

Según informó L’Arribada, la selmana pasada, l’agregador de blogues de tol dominiu llingüísticu asturlleonés, Asturbitácora, aportó a los 201 sitios enllazaos. Arrexunta bitácores escrites nes diferentes variedaes de la nuesa llingua, y venceyaes a Asturies, Lleón, Zamora, Cantabria, Estremadura y Miranda.

Amás d'ello, inxerta tamién un direutoriu de páxines ueb que va dir xorreciendo pasu ente pasu y, nos prósimos díes, a dir allugando tamién enllaces a fotologues.

Los blogueros que quieran amestar el so blogue a esti agregador puen comunicalo per aciu la direición d'email que s’apurre nésti.