L'asturianu suena n'Oxford

L'asturianu va sentise esta selmana na prestixosa universidá inglesa. El periodista y escritor y presidente d'Iniciativa pol Asturianu, Inaciu Galán, va dar una conferencia na Universidá d'Oxford, n'Inglaterra, el xueves dientro del marcu del XVI Forum for Iberian Studies. Embaxo'l títulu 'L'asturianu: l'anomalía d'una llingua non oficial nun estáu plurillingüe', Galán va esplicar a los presentes, alumnos y profesoráu de la Faculty of Medieval and Modern Languages de la Universidá d'Oxford, asina como a espertos en llingües ibériques del mundu enteru, la situación llegal del asturianu, como llingua ensin reconocimientu del estatus d'oficialidá, apurriendo casos de discriminación y un repás a la hestoria de la situación llegal del asturianu, sobre manera nos trenta años últimos. La conferencia va dase n'asturianu na Taylor Institution, con una torna en papel al inglés pa les persones que nun seyan a siguila nesti idioma. Ente los conferenciantes presentes nel XVI Forum for Iberian Studies que se celebra nesta prestixosa universidá fundada nel añu 1096, tarán espertos d'universidaes europees y d'otros países pa falar de la hestoria, la situación y les carauterístiques de les llingües que se falen na Península Ibérica. Inaciu Galán (Xixón, 1986) ye Máster en Sociedá de la Información y el Conocimientu na UOC, Graduáu en Periodismu pola UDIMA, Diplomáu en Turismu y Especialista en Xestión Cultural pola Universidá d’Uviéu. Anguaño estudia'l Máster de Profesoráu na especialidá d'asturianu y compatibiliza estos estudios col so llabor como profesor en dellos cursos y periodista en distintes xeres ente les que destaca'l so programa 'Territoriu Sidreru' de TPA, una sección selmanal nel programa 'La radio es mía' de RPA, y la direición de la revista lliteraria Formientu, amás de la presidencia del coleutivu Iniciativa pol Asturianu. Fonte: Quéyeho.com

La Viquipèdia en català celebra el seu tretzè aniversari amb un concurs

Viquipedistes d'arreu del món s'han registrat per participar al Catalan Culture Challenge que s'inicia avui

La Viquipèdia en català fa tretze anys i per celebrar-ho, des d'Amical Wikimedia, han convocat el concurs internacional  Catalan Culture Challenge per traduir i ampliar al màxim número de llengües 50 biografies destacades de la cultura catalana. El concurs ha començat avui 16 de març i s'allargarà fins al 15 d'abril d'aquest mateix any.

De moment, ja s'hi han registrat viquipedistes d'arreu del món que ampliaran aquestes biografies a l'ànglès, asturià, àzeri, castellà, català, finès, francès, gal·lès, indonesi, neerlandès i occità.

Per tal de facilitar al màxim la participació, el concurs és simple en estructura: es basa en un sistema de punts on els participants obtenen punts per cada millora i/o traducció que facin en un dels 50 articles llistats. Guanyen els 10 usuaris amb més punts. Tothom pot ajudar en qualsevol idioma. Per participar només cal registrar-se a la secció Participants.

Durant aquests primers anys Amical ha centrat molt la seva activitat en fer possible que el coneixement estigui disponible en català, a través de concursos, tallers, viquimaratons i projectes de col·laboració amb multitud d'institucions, entitats, museus, biblioteques, arxius, escoles i universitats.

Amb aquest projecte comença una nova etapa d’expansió multilingüe on vol fer arribar tot el coneixement sobre cultura catalana arreu del món, d’una manera oberta i gratuïta. D'aquesta manera, posa plenament en marxa la segona pota del seu objectiu fundacional: que la suma de tot el coneixement humà estigui disponible en català, i que tot el coneixement sobre la cultura catalana estigui disponible en qualsevol llengua.

Fonte: Nació Digital

La llingua d'Asturies

- José Ramón García Fernández (Villaviciosa) En respuesta a la carta publicada el 6 de los corrientes en este periódico, donde su autor niega que el bable es el idioma genuino de Asturias y se posiciona contra su promoción, le contesto con sólo cuatro testimonios de otras tantas personalidades de máxima autoridad en esta materia que no coinciden con las opiniones del autor. "El dialecto asturiano es la lengua viva de nuestro pueblo, precioso tesoro, hijo legítimo de sólo la lengua latina", Jovellanos. "El bable me parece una lengua entrañable por la que se descubre ternura. Tal vez despierte con las autonomías. Últimamente, he leído a algunos poetas en bable y me han gustado precisamente porque me han transmitido esa ternura, tan difícil de encontrar en la lengua castellana. Las dos lenguas españolas más dulces para la poesía son el gallego y el asturiano", Dámaso Alonso. "Yo creo que el asturiano debe usarse, debe hacerse literatura en bable. Aunque creo que debe uniformarse porque actualmente está constituido por hablas dispersas. Yo veo su progresión posible y totalmente aceptable", Pedro Laín Entralgo. "No hay ninguna lengua pequeña, ni insignificante. Cada idioma, sin excepción, por muy reducido que sea el número de sus hablantes, por muy modesta que sea su matriz económica y territorial, debe preservarse. Los intereses racistas y totalitarios prohíben las lenguas minoritarias. Intentan arrancar de cuajo la fuerza de los recuerdos y de las experiencias inherentes a un idioma", George Steiner, premio "Príncipe de Asturias" de Comunicación y Humanidades. José Ramón García Fernández Excapellán del HUCA, Villaviciosa Fonte: La Nueva España

Baltasar Cue Fernández: Galería fotográfica de tipos populares

   A carreira de Baltasar Cue como fotógrafo profesional foi breve pero, sen dúbida, nos atopamos diante dun dos máis singulares protagonistas do significativo desenvolvemento da fotografía no oriente de Asturias, con centro na vila de Llanes.

    
                            Una semeya de la esposición

   Emigrante en Cuba de mozo, as súas inquietudes conducirano a unha formación cosmopolita en París e Londres, que ampliará en viaxes por Europa antes de se establecer na súa vila natal. Como fotógrafo introducirá a "foto-pintura", en colaboración co pintor Manuel Fernández-Escandón Lebraud, e documentará as paisaxes e acontecementos da Llanes finisecular. Nese panorama aberto e ecléctico Cue achega unha obra singular no ambiente da fotografía asturiana e española de fins do século XIX: a súa galería de tipos populares. Con esta serie, o fotógrafo llanisco amosa interese concreto por esas persoas exóticas ou marxinais que raramente accederían ao seu estudo para seren retratadas. Deste xeito transcende unha paisaxe humana normalizada, para outorgar un carácter emblemático a todos aqueles individuos dos que a personalidade escapa aos ríxidos esquemas que definen a estrutura social dese tempo, nun mosaico polo que desfilan músicos, pobres de pedir, heroes locais, moinantes e personaxes fieis a unha identidade tradicional que se estaba a perder.   Fonte: Museo do Pobo Galego

RPA va emitir dende’l llunes un boletín de noticies diariu n’asturianu

Pablo R. Guardado El periodista Naciu Varillas va ser el responsable de presentar el primer boletín de noticies n’asturianu de la RPA na historia de la emisora. L’actualidá en llingua asturiana na radio pública va dase a les 13 hores, de llunes a vienres. “Vamos facer un informativu xeneralista. Queremos afuxir dafechu de la idea d’usar el bable namái p’asuntos venceyaos cola cultura o temes llingüísticos”, asegura Varillas, qu’esti llunes va protagonizar un fechu históricu pa la llingua del país. Asina, nun habrá diferencia ente’l conteníu del boletín de les 12 o de cualquier otru ‘en puntu’ de la emisora pública, namás la llingua vehicular. “Vamos caltener los ‘jingles’ –melodía que s’utiliza como marca de los informativos o programes– y principiar con un ‘Ye la 1. Noticies RPA’, pa darréu tocar tolos temes informativos. Queremos da-y normalidá al asturianu”, esplica. Como vien siendo vezu dientro del ente públicu de comunicación, la iniciativa de qu’haya un espaciu en llingua asturiana dientro de la programación sal de los propios trabayadores, nesti casu de Varillas. El periodista de plantiya de la RPA, presentador tamién del únicu programa n’asturianu esistente anguaño na emisora, ‘Naguando’ (de llunes a vienres alredor de les 11.45 hores), algamó esti espaciu pa la llingua del país tres falar cola direición de RTPA, que nun punxo pega nenguna a la iniciativa. “Va ser un reblagu pistonudu pa la normalización del idioma”, afirma Varillas, que recuerda que, hasta la fecha, l’únicu informativu qu’hebo foi de calter cultural, l’espaciu ‘Batura’, presentáu por Vanessa Gutiérrez. Ensin dulda, un primer pasu pa dar presencia y normalidá a la llingua asturiana na radio pública del país. Fonte: Asturies.com

La XDLA propón visibilizar la Selmana de les Lletres na RTPA

El protocolu d’actuación yá ta nes manes de los responsables de Política Llingüística y del Ente Públicu de Comunicación La Xunta pola Defensa de la Llingua Asturiana (XDLA) unvió recién a la Dirección Xeneral de Política Llingüística y de RTPA’l documentu Protocolu pa la visibilidá de la Selmana de les Lletres en RTPA, onde la organización propón diez idegues pal tratamientu d’esta xornada d'homenaxe públicu y institucional a la lliteratura escrita en llingua asturiana y gallego-asturianu nos medios públicos. Yá nel Informe sobre l’usu del asturianu en RTPA 2013, onde se facía repasu a la presencia del idioma y la cultura del país nos medios públicos y s’ufríen propuestes de meyora, la XDLA recordaba la presencia medíatica tan escasa de la Selmana na programación de la canal y la radio públiques. Sicasí, selmanes depués de dar a conocer esti documentu, la XDLA tuvo que volver a denunciar que la mesma situación se repitiera na xornada del 2013. Por eso, la organización quier adelantase a la edición del 2014 y ufrir unes propuestes qu’ayudaríen a visibilizar les actividaes y la llingua propia na emisora. Hai que recordar que, como afita la Xunta nel comunicáu asoleyáu esti día, "RTPA ye un mediu públicu que, d'alcuerdu cola llexislación vixente, tien qu’usar y fomentar l’usu del idioma, amás d’atender al interés xeneral de la sociedá asturiana. Naide pue negar que la llingua y la cultura propia tienen interés dientro de la nuestra sociedá —na TPA sábenlo bien al ver les audiencies de los sos programes n’asturianu-. Una televisión autonómica tien que valir como mediu de tresmisión d’información y conteníos, y, al empar, como instrumentu d’integración social, de refuerciu identitariu y de normalización llingüística, amás de buscar sinerxes promoviendo la integración de les fuercies sociales, dende la iniciativa popular a la de carácter más institucional. Por eso, la Selmana de les Lletres ye un bon momentu pa que RTPA muestre’l so compromisu social". Darréu recuéyese'l documentu Protocolu pa la visibilidá de la Selmana de les Lletres en RTPA.: PROTOCOLU PA LA VISIBILIDÁ DE LA SELMANA DE LES LLETRES EN RTPA Como cada añu na primer selmana de mayu, el Gobiernu d'Asturies entama la Selmana de les Lletres Asturianes, xornada d'homenaxe públicu y institucional a la lliteratura escrita en llingua asturiana y gallego-asturianu. Sicasí, dende hai tiempu, la Xunta pola Defensa de la Llingua Asturiana (XDLA) vien criticando la falta de visibilidá de los actos nos informativos y nel restu de programación de los medios de comunicación públicos, cuando estos tendríen qu'exercer un papel fundamental en concienciar a la población sobre'l futuru del idioma d'esta tierra. Por eso, esta organización propón estes suxerencies pal tratamientu de la XXXV Selmana de les Lletres Asturianes en RTPA. 1. Los actos de la XXV Selmana de les Lletres Asturianes, tanto los entamaos poles instituciones como pola sociedá civil, han tener un bon tratamientu nos informativos de RTPA. Nun pue pasar lo que se pudo ver nel TPA Noticias del mediudía del 3 de mayu del 2013, onde nun hubo nenguna noticia que recordara a l’audiencia que yera’l Día de les Lletres Asturianes o que’l mesmu Gobiernu entamaba’l Día del Llibru y el Discu n’Asturianu. Sicasí, sí foi noticia un concursu de corte de xamón na Feria d’Abril de Piloña. Otra manera, na edición del informativu pela nueche, la manifestación pola oficialidá del asturianu —a la qu’acudieron unes 3.000 persones— y la Xunta Estraordinaria de l’Academia de la Llingua namás ocuparon un minutu al final del espaciu. Los actos qu’entamó la sociedá civil y la máxima institución llingüística del país recibieron mesmamente peor tratamientu qu’un certame gastronómicu o un accidente de coche en Burgos, por poner unos exemplos. 2. La Radio del Principáu d’Asturies (RPA) tien que ser el máximu elementu visibilizador de la música fecha na nuestra llingua, industria que mueve un bon númberu de puestos de trabayu directos y indirectos y qu’ayuda a visibilizar Asturies nel mundu –Festival intercélticu de Lorient, Festival Liet International…-. Por eso, el 9 de mayu, Día de les Lletres Asturianes, RPA tenía que facer l’actu simbólicu d’emitir namás música n’asturianu y gallego-asturianu de tolos estilos. Otra manera, habría contemplar la posibilidá d’emitir a lo llargo de la Selmana dellos conciertos de los grupos y interpretes más conocíos de la nuestra música. 3. Los actos entamaos pol Gobiernu d’Asturies y pola Academia de la Llingua como homenaxe institucional y colectivu a les lletres van celebrase ente’l 2 y el 11 de mayu con bayura d'actos (presentaciones de llibros, llectures públiques, coloquios, certámenes escolares o conciertos musicales). Por eso, TPA tien qu’emitir estes actividaes pa da-y la mayor visibilidá, yá sía en directo al traviés d’A7 o A8 o en diferío n’hores de más audiencia per A7. Nun pue pasar como los años anteriores, cuando la mayoría d’actos nin siquiera foron noticia nos informativos, dalgo que contradiz los postulaos colos que naz cualquier mediu de comunicación públicu y que pon en dulda la visibilidá que l’Alministración diz querer da-y al nuestru idioma, porque nun lu promociona nos sos propios medios de comunicación. 4. La revista d’información cultural Pieces, ún de los espacios más emblemáticos de TPA, podría dedicar dellos especiales monográficos a la Selmana de les Lletres. Ún d’ellos podía centrase en falar de la situación y la historia del cómic n’asturianu –exe central de la Selmana-, mentes qu’otru podía valir como resume de toles actividaes institucionales pa visibilizar les nuestres lletres. Tamién podría contemplase facer un monográficu pa falar de toles novedaes lliteraries y músicales publicaes por cuenta d’esta celebración. 5. Sones, ún de los programes de más audiencia de TPA, podría emitir una gala especial centrada n’actuaciones musicales de grupos y interpretes que versionaron testos d’escritores asturianos. Mesmamente, Llorienzu Novo Mier, a quien-y dedicaron la Selmana de les Lletres en 1991, dedicó una parte bien importante de la so carreta lliteraria a facer lletres de tonada. Otra manera, escritores a los que tamién se-y dedicó esta xornada, como Fernán Coronas, Andrés Solar, Manfer de la Llera o Marcos del Torniello, tamién valieron como fonte d'inspiración pa cantares de munchos grupos asturianos. 6. TPA tenía que pensar en volver a emitir nel Día de les Lletres "El rostru impenetrable", primer película doblada al asturianu pa TPA y que xubió la media d’audiencia -tien nel so visionáu on-line cerca de 45.000 visites-. Nel so casu, tamién se podría contemplar la emisión d’otra película yá doblada al nuestru idioma. Hai que reseñar que’l 17 de mayu, Día das Letras Galegas, ye un clásicu de TVG la emisión de la película Sempre Xonxa, primer película de la historia rodada en gallegu. Otra manera, cada 11 de setiembre, Día de Cataluña, la televisión pública catalana programa Despertaferro, una de les primeres películes d’animación producíes en catalán. Ensin dulda, la emisión de cine dobláu al asturianu podría convertise nun clásicu del Día de les Lletres igual que ¡Qué prestoso ye vivir! ye un clásicu de la nuechebona televisiva. 7. Como yá solicitó la XDLA hai díes, como añadíu a la programación de la Selmana, la Dirección Xeneral de Política Llingüística y TPA teníen que collaborar nel doblaxe al asturianu de dalguna película d’animación protagonizada por un personaxe de cómic o manga (Astérix, Dragon Ball, Doraemon, Tintín, Shin-Chan…). La emisión podría enmarcase dientro de la programación d’actos de la Selmana, dedicada al cómic n’asturianu. 8. Otra manera, pa llevar la llingua asturiana a les xeneraciones más moces y al recordar que la nuestra televisión ye la única cadena europea d’una comunidá billingüe que nun emite programación pa los más pequeños na llingua propia, la TPA tien qu’emitir programación infantil de producción propia. Como propuestes, la XDLA recomienda la grabación de dalguna de les actividaes inxertes na Axenda Didáctica Escolar qu’entama’l mesmu Gobiernu asturianu y qu’incluyen teatru, títeres, monólogos, cuentacuentos y ópera. Dalguna d’estes actividaes podríen emitese n’horariu infantil y en fin de selmana. 9. Per otru llau, a lo llargo d’estos años foron munches les producciones audiovisuales que recibieron una subvención del Gobiernu d’Asturies pa fomentar l’audiovisual nel nuestru idioma. Hubo curtiumetraxes, documentales y, mesmamente, conciertos musicales. Sicasí, a pesar d’esa inversión del Executivu, estes producciones tovía nun llegaron a emitise en TPA. Por eso, la XDLA piensa qu’esta xornada sería la cuenta pa que la canal pública valiera como ferramienta pa visibilizar estes producciones. 10. Los demás espacios de RTPA, yá sían d’actualidá o d’entretenimientu, tamién tienen que valir como ferramientes pa la visibilidá de la industria cultural n’asturianu. Asina, del 2 al 11 de mayu los programes de la radio y la televisión pública teníen qu’entrevistar a escritores y músicos qu’utilicen el nuestru idioma como manera de dar a conocer los sos productos a la población. Tamién pue contemplase la emisión de reportaxes o debates sobre la situación del nuestru idioma. En definitiva, RTPA tien que convertise nuna ferramienta pa la promoción de los nuestros creadores, única manera na que nel sieglu XXI se pue mantener viva una cultura. Fonte: Asturnews

Telegram tendrá versión n'asturianu dende esti vienres

   "Bienllegaos a la dómina de la mensaxería rápida y segura": Telegram, una de les más nomaes alternatives de mensaxería nel móvil a Whatssap, va tener dende esti vienres 14 de marzu una versión en llingua Asturiana. El coleutivu Softastur vieno acabante de facer l'anuncia na só páxina web y dende'l viernes 14 ufrirá soporte y sofitu pa que tolos interesaos n'emplegar esti programa de mensaxería en llingua asturiana puedan facelo ensin problemes.

   Esti mesmu añu, Coincidiendo col llanzamientu de Firefox 10, la Fundación Mozilla espublizóThunderbird 10, l’afamáu Xestor de corréu lletrónicu cola novedá nesti casu, d'una versión cola llingua asturiana, lo que nun asocedía dende la versión 1.0 (2004). Dempués de retomar aquel proyeutu y tres un añu de trabayu, Softastur presentaba la versión que taba acabante salir, y que yá s’alcuentra disponible dende febreru pa toles plataformes (Linux, Win, Mac).

   Xunta estos trabayos en 2014, Softastur vieno densendolcando dende la so fundación en 2008 una xera enforma valoratible na adautación del software llibre a la llingua asturiana.  Fonte: Asturnews

Los teléfonos d'Android van ser dafechamente asturianos

Android va habilitar los códigos de 3 lletres, sigún fai anuncia Softastur na so páxina web, no que supón un importante pasu alantre pales llingües que nun tienen códigos de dos lletres torgando la so traducción nel sistema operativu. El sistema Android de Google nun permitía trabayar con códigos de 3 lletres, colo que llingües como l’asturianu (‘ast‘) nun yeren ‘traducibles’ nel proyeutu, por nun entrar dientro del sistema de xestión de recursos. Android acaba notificar en febreru y poner solución a esti tema, nel que tanto Softastur como Softcatalà taben interesaos, (y munches otres llingües, como’l Bhōjapurī , con 40 millones de falantes). Nun se sabe si va ser na versión 4.5 ó 5.0.x.. pero ser, va selo y bien ceo. Poder usar el propiu propiu códigu (‘ast’) ye perimportante porque esto identifícate realmente como llingua de cara al mundu. Y esto ye lo que va a pasar con esta decisión. Yá vos cuntamos delles vegaes la importancia d’usar un restolador web n’asturianu, que t’identifique na rede como usuariu de la llingua ‘ast’. [ Cada asturfalante qu'usa un restolador web en castellanu, fai un -2 a la llingua asturiana, porque necesítense 2 persones pa contrarrestar a esi usuariu 'castellanu' (+1 pa empatar, y +1 pa rebasalu) . Más información: Anuncia de la noticia en Softastur

N'Ast considera que'l casu de Castrillón ye "una incoherencia más d’IX pa cola llingua asturiana"

N'Ast considera que la situación de Maria Esther Díaz -nun puede emplegar l'asturianu nos plenos- ye "triste y llamentable". Dende l'Asociación Cultural sentencien que "tres sintir les declaraciones feches apocayá nel programa radiofónicu Iniciativa pol Asturianu nes ondes por María Esther García López, Conceyala de Cultura del Ayuntamientu Castrillón y reconocía escritora en llingua asturiana, nes que se quexaba de que nes sos intervenciones nos Plenos municipales nun podía emplegar l’asturianu porque la persona encargada de redautar l’acta nun la entendía, N’Ast nun pue más que calificar la situación de triste y llamentable". P'argumentalo señalen que "nun duldamos, en dengún momentu, nin de la trayeutoria como defensora de la llingua asturiana nin del llabor como Conceyala de Cultura d’Esther García, pero sí de la so coherencia política como cargu públicu d’una organización, Izquierda Unida, que lleva tiempu amarutándose d’asturianista pero que cuando-y toca defender de verdá la oficialidá o la normalización social del asturianu saca’l culu p’atrás". Nesi sen, consideren qu' "un exemplu nidiu tenémoslu nesti casu protagonizáu pola propia Esther García –que recuerda abondo al recién de les multes de la Policía Llocal de Mieres, onde tamién gobierna IU– y ye que, como se suel dicir, ye ella la que tien “la sartén pel mangu” y per ende la solución, porque pa eso forma parte del equipu gobiernu del Ayuntamientu Castrillón: ¿cómo ella y los sos compañeros y compañeres puen permitir cosa tala d’una persona subordinada?", entrúguense dende N'Ast. Pa finar, completen la so argumentación espeyando que "la persona que tien que facer l’acta de lo tratao nel Plenu –xeneralmente la qu’ocupa la Secretaría municipal– nun tien necesariamente qu’entender lo que diz la señora conceyala, sólo trescribilo, y eso nun debe de ser mui complicao teniendo en cuenta que fala n’asturianu, non en chinu. Sicasí, y si’l problema ye real, l’Ayuntamientu Castrillón bien podía entamar cursos d’asturianu empobinaos a los sos trabayadores pa qu’esto nun asoceda, o aprobar unes Ordenances Municipales que regulen l’usu del asturianu nel Conceyu y qu’amparen la necesidá de que los y les trabayadores de l’Alministración municipal conozan la llingua asturiana". Fonte: Infoasturies

García: "Cola oficialidá llegaría la preparación del funcionariáu, alfabetización y demás ferramientes"

    María Esther García, conceyala de Cultura de Castrillón por IX,declaró nún de los programes últimos de ‘Iniciativa pol Asturianu nes ondes’ que nun podía utilizar l’asturianu nel Plenu. Afirma que cola oficialidá nun se daría esti casu.

María Esther García, conceyala de Cultura de Castrillón

     Pa la escritora en llingua asturiana la razón de que se dea ésta situación débese a l’ausencia d’oficialidá del idioma. “Cola oficialidá llegaría la preparación del funcionariáu, alfabetización y demás ferramientes”, asegura, pa depués defender el llabor de la funcionaria del Conceyu de Castrillón: “Quiero dexar claro qu’en nengún momentu quixi cargar pa nada la responsabilidá nesta funcionaria que trescribe les actes del Plenu, yá que nun tien la culpa de nun tar alfabetizada n’asturianu”.

    D’igual mou, apunta que les sos intervenciones nel Plenu son escases, al nun ser vocera, “y cuando daquién tien bona intención y nun obra a mala fe,  hai que facilita-y les coses”. “Esto namás pue atayase cola oficialidá de la Llingua”, continúa García, “porque daría pie pa que, pasu ente pasu, el personal de los distintos estamentos ya instituciones del Principáu tuvieren preparaos pa esribir y trescribir n’asturianu. Pero, sobre too, que nadie punxera torgues llegales a la so utilización. Porque güei por güei, hailes”.

    García, que fixo la campaña tanto pa les eleiciones llocales como pal Senáu n’asturianu dafechu, recuerda’l so compromisu pa col idioma, como amuesa la so trayeutoria profesional como escritora, investigadora y profesora, y apunta que va siguir interviniendo n’actos públicos utilizando la llingua del país. D'igual forma, señala que va siguir trabayando pol asturianu dende'l so cargu pese a les torgues qu'atopa dende la institución, gobernada por Izquierda Xunida (IX), como espresa na entrevista qu'ufrió nel programa 'Iniciativa pol Asturianu nes Ondes' que presenta y dirixe Samuel Gradín.  Fonte: Asturies.com

L'Arribada da a conocer a los candidatos a los Premios Timón

   Esti día diéronse a conocer los candidatos al II Premiu Timón de Cultura Asturiana, que son la Sociedad Humanitarios de San Martín, la Fundación Belenos, l’Asociación Cultural San Tirso del Eo, la Xunta pola Defensa de la Llingua Asturiana y la Sociedad Popular y Cultural La Regalina. Dotramiente, Lurdes Álvarez, Esther Prieto, Xosé Bolado, Ignaciu Llope, Esther García López y Ánxel Álvarez Llano, conformen la rellación d’autores qu’aspiren al VIII Premiu Timón p’autores en llingua asturiana y n’eonaviego. El 2 de marzu pasáu zarró’l plazu de la convocatoria pa recibir candidatures a los Premios Timón 2014.

   Los Premios Timón destínense a reconocer la trayectoria lliteraria de los escritores d’Asturies. Pa esta edición, nes estayes lliteraries, opten a los gallardones los/es escritores que nacieren nel añu 1.964 o antes. Trátase del VIII Premiu Timón, p’autores en llingua asturiana y n’eonaviego, y del V Premio Timón, p’autores asturianos en llingua castellana.

   Igualmente, prémiase tamién a asociaciones, sociedaes y fundaciones con sé n’Asturies que tengan como fin la conservación y promoción de la identidá cultural de nueso, per aciu del II Premiu Timón de Cultura Asturiana.

   Los candidatos al II Premiu Timón de Cultura Asturiana son la Sociedad Humanitarios de San Martín, la Fundación Belenos, l’Asociación Cultural San Tirso del Eo, la Xunta pola Defensa de la Llingua Asturiana y la Sociedad Popular y Cultural La Regalina.

   Lurdes Álvarez, Esther Prieto, Xosé Bolado, Ignaciu Llope, Esther García López y Ánxel Álvarez Llano, conformen la rellación d’autores qu’aspiren al VIII Premiu Timón p’autores en llingua asturiana y n’eonaviego.

Presentáronse pal V Premio Timón p’autores asturianos en llingua castellana les candidatures de Fulgencio Argüelles, Tino Pertierra, Carmen Ruiz-Tilve, Pepe Monteserín, José María Ruilópez, Aurelio González Ovies, Alejandro M. Gallo, Diego Carcedo, Ángeles Caso, Pedro de Silva, Paco Ignacio Taibo II y Luis Arias Argüelles-Meres.

P’alcordar los gallardones l’asociación convocará trés xuraos, ún por cada modalidá, formaos por persones venceyaes a la cultura y la lliteratura del país. Estes distinciones, consistentes nuna obra del escultor y ceramista xixonés Jesus Castañón pa cada premiu, entregaránse’l 27 de setiembre, mientres la cellebración de La Vagamar 2014.

   Los ganadores anteriores fueron, del Premiu Timón, Nené Losada Rico (2007), Xuan Xosé Sánchez Vicente (2008), Manuel García ‘El Galano’ (2009), Roberto González-Quevedo (2010), Vicente García Oliva (2011), Antón García (2012) y Miguel Rojo (2013); del Premio Timón, Luis Fernández Roces (2010), Juan Méjica (2011), Fernando Menéndez (2012) y Gonzalo Suárez (2013); y del Premiu Timón de Cultura Asturiana, l’Asociación Cultural Ensame Sidreru (2013).

   El sábadu prósimu, 15 de marzu, fallaráse'l II Premiu Timón de Cultura Asturiana; el sábadu 22 de marzu, el V Premio Timón (autores en castellanu); y el sábadu 29 de marzu, el VIII Premiu timón (autores n'asturianu y n'eonaviego).   Fonte: Asturnews

Les viñetes d'Efrén d'Andrés, n'asturianu

temporal n'Asturies

Fonte: Asturies.com

Efrén d'Andrés reflexa col so característicu humor los postreros y bien siguíos temporales qu'afararon fai bien pocos díes les mariñes cantábriques y n'especial les asturianes.

L.lena entama un cursu d'asturianu pa persones adultes

El cursu tien una duraciónde 30 hores

   El Conciyu L.lena entama, al traviés del Serviciu de Normalización Llingüística, un cursu d’asturianu pa persones adultes que tien como nomatu y enganche publicitariu la lleenda "¡Que nun te coma la llingua’l guetu!". El cursu que tien una duración de 30 hores y va facer un percorríu por cuestiones xenerales como la sociollingüística asturiana, historia de la llingua asturiana, variantes dialectales, centrándose na variedá del conciyu, y nomes ortográfiques.

   El cursu va ponese los llunes y miércoles na Casa de Cultura de La Pola, n’horariu de 17 a 19 hores. L’entamu ta previstu pal 24 de marzo. Les clases va poneles la responsable del Serviciu de Normalización Llingüística.

   La xente interesao pue apuntase hasta’l 20 de marzo nel Serviciu de Normalización Llingüística c/Marqués de San Feliz 2, en normasturarrobaaytolena.es o nel teléfonu 985497608.   Fonte:  Asturnews

   Más información: Direición mail pa atopar información ya inscribise

Melero: "El billingüismu trai ventayes a los neños a la hora de poder falar una tercer o cuarta llingua"

      El Conceyu de Xixón y Reciella presentaron de forma oficial el cartafueyu sobre "Les ventayes del billingüismu n’Asturies". Vítor Xuan Melero, representante del coleutivu, esplicó los beneficios que trai a críos y críes falar asturianu y castellanu.

 

Na semeya, Sáez Hernández,  Xosé Nel Riesgo y Vítor Xuan Melero

    L'actu, que tuvo llugar na sala de conferencies del Centru de Cultura Antiguu Institutu, contó tamién cola participación de Xosé Nel Riesgo, direutor de la Fundación Municipal de Cultura, Educación y Universidá Popular, y de Xuan Nel Sáez Hernández, responsable dende’l 1 de febreru de la Oficina de Normalización Llingüística, que s’encargó d’esplicar los detalles de la campaña. Ésta consta de dos fases, siendo la primera’l repartu del cartafueyu ‘Les ventayes del billingüismu n’Asturies. Fála-yos. La llingua materna nel contestu global’ ente los padres de los neños y neñes de 0 a 3 años de les escueles infantiles del conceyu. “Cuanto más pequeños, son más capaces a asimilar meyor la diversidá llingüística que ye la que se pretende fomentar y protexer”, apuntó.

    Nesta primer fase, que coordina Josefina Merediz, responsable del Conceyu de les Escueles Infantiles de 0 a 3 años, pretende sensibilizar a les families y el personal de los centros sobre esti asuntu tomando como base’l cartafueyu ellaboráu por ‘Reciella. Families pol Asturianu’. “La idea ye facelo d’una manera didáutica, prestosa, amena… Que los guaḥes y les guaḥes puedan sentise enganchaos col tema del asturianu”, pa lo que van contar col trabayu de Carlos Alba ‘Cellero’. “La siguiente fase’l tiempu dirá”, pero l’oxetivu sería afitar lo que va trabayase no que queda de cursu.

    Melero, pela so parte, centró la so intervención nel conteníu del cartafueyu, destacando que “el billingüismu trai ventayes a la hora de poder falar una tercer o cuarta llingua”. “Les families que vienen xuntándose dientro de l’asociación Reciella suelen tener nenos d’ente 0 y 6 años. Nun ye una obligación, pero ye dalgo que dende dientro vemos que se debe a dos motivos: la importancia que tienen esos primeros años de cara a algamar el billingüismu y el vacíu llegal que se presenta al nun tar la llingua asturianu dientro del currículu d’Educación Infantil. Son les dos razones polo que ye perimportante nestos primeros años el trabayu colos nenos y los nenes”, añadió’l representante del coleutivu, que trabaya al traviés del entamu d’actividaes, de materiales y de convenios con otres asociaciones y alministraciones.

    ‘Les ventayes del billingüismu n’Asturies. Fála-yos. La llingua materna nel contestu global’ pretende “animar a les families a usar y tresmitir l’asturianu a les xeneraciones que vienen”. Pa ello, ufre conseyos “contrastaos pola nuesa propia esperiencia y el d’otres families” que s’utilicen nel deprendimientu de llingües. Estos conseyos van venceyaos coles estayes de crecimientu del neñu y son válides tamién pa xunidaes familiares falantes de castellanu y d’amestáu. D’igual forma, les fueyes del llibrín fechu por Reciella tamién esplica que “la variedá llingüística mundial ye una riqueza pa tola humanidá”, de la que forma parta l’asturianu, y que “el billingüismu aporta ventayes al desarrollu de los neños y les neñes, sobre manera cuando son pequiñinos”.

        2.000   cartafueyos.            Pa terminar, Riesgo quixo destacar la importancia que tien la conocencia d’idiomas pal daprendimientu d’otros nuevos, pa lo que punxo l’exemplu “d’una amiga de la Toscana que fai bastantes años díxome que quien tuviera la oportunidá de medrar falando dos llingües romances va poder falar ensin dificultá otres llingües romancés. Ella falaba toscanu –lo que se llama l’italianu ye’l toscanu, pero tamién ta’l piamontés, el friulés…– y piamontés por parte de madre, lo que-y facilitó saber otres dos llingües romances más, ente elles l’español, y entender probablemente cinco o seis”.

    Darréu, recordó qu’hai “un gran proyeutu européu que ta inacabáu, el Lexicom Romanorum”, un diccionariu de les llingües romances europees al que l’asturianu “aporta 400.000 entraes”. Estos vocablos, añade, “son un tesoro inagotable y una fonte d’información fundamental pa les más variaes investigaciones”. “Ye incontestable, por más que dalgunos s’emperren en despreciar”, continuó, “y cuando munchos s’emperren n’afitar o reivindicar les raíces llatines o romanes d’Asturies y busquen piedres pa demostralo, nun se decanten de que’l mayor tesoru de la romanización d’Asturies ye la llingua asturiana; ési ye’l gran anfiteatru, el gran foru y la gran ciudá romana d’Asturies que nun esistió en piedra pero sí en fala”, finó Riesgo.

    El repartu de los 2.000 cartafueyos editaos nesta campaña de nome ‘Les ventayes del billingüismu n’Asturies’, anunciada'l pasáu 21 de febreru con motivu del Día Internacional de la Llingua Materna, va principiar nos quince díes próximos. La xente interesao en facese con un exemplar pue acudir a la Oficina de Normalización Llingüística, departamentu que tamién va colgalu na so páxina web. Fonte:  Asturies.com

El 56% de ciutadans prefereixen productes culturals en català

El col·lectiu més procliu al consum en llengua pròpia és el dels joves

Sis de cada deu ciutadans prefereixen consumir productes culturals en català, essent el grup més procliu el dels més joves, amb més estudis i més poder adquisitiu, segons l'estudi 'Òmnibus' del Centre d'Estudis d'Opinió (CEO) de la Generalitat. L'estudi evidència que el 56,8% dels ciutadans enquestats prefereix productes culturals en català; al 17,8% li és indiferent, i el 23,9% no els prefereix en català -mentre que l'1,5% no es pronuncia-. Les dades mostren que la demanda potencial de productes culturals en català és superior fins i tot al percentatge de població que té el català com a llengua habitual. Per edats, la franja que es mostra més d'acord amb el consum de productes en català correspon amb els joves d'entre 18 i 24 anys, amb un 66,6%, seguits pels de 25 a 34 anys, amb un 58,1%. En relació amb els nivells d'estudis, les dades de l'estudi reflecteixen que les persones amb més formació són les que més favorables són al consum cultural en català. Pel que fa al lloc de naixement, el 64,3% dels catalans de naixement prefereixen l'oferta en català; els procedents d'altres comunitats prefereixen per igual una llengua o altra, i els nascuts a la Unió Europea (UE) i a la resta del món prefereixen consumir en català. Fonte: Nació Digital

La XDLA pidea a TPA que celebre la Selmana de les Lletres emitiendo una película d'animación en llingua asturiana

   La XDLA pide a TPA y a Política Llingüística que se festexe la Selmana de les Lletres emitiendo una película d’animación n’asturianu. Esti añu, la xornada va tar dedicada al cómic, xéneru nel que nacieron personaxes como  Astérix,  Shin-Chan,  Son Goku  o  Doraemon.

   Hai díes, el Gobiernu d’Asturies anunciaba que la XXXV Selmana de les Lletres Asturianes diba tar dedicada al cómic n’asturianu. A la Xunta pola Defensa de la Llingua Asturiana (XDLA) paez-y una bona decisión: el cómic ye un xéneru que val p’averar la llingua propia a les xeneraciones más moces. Por eso, como añadíu a la programación de la Selmana, la XDLA propón a la Dirección Xeneral de Política Llingüística y a TPA que collaboren nel doblaxe al asturianu de dalguna película d’animación protagonizada por un personaxe de cómic.

Por exemplu, les televisiones agrupaes na organización FORTA, ente les que ta TPA, tienen los derechos d’emisión de les siete películes d’animación que protagonizó Ásterix y que se reponen cada poco con bien bona acoyida ente los neños y los non tan neños. Hai que recordar l’éxitu ensin precedentes que tuvo la publicación n’asturianu d’Astérix na tierra de los pictos, que vendió en pocos meses más de 2.000 exemplares. Sicasí, nun ye l’únicu personaxe de cómic, o de manga –versión xaponesa d’esti xéneru-, ente los que podría escoyer la cadena asturiana. Asina, como muestra, hai doce películes de Shin-Chan doblaes al gallegu, vascu o catalán; quince de Dragon Ball; diecisiete de Doraemón –mesmamente, TVG estrenó Doraemon e o mundo perdido’l 6 de xineru del 2014-; y ocho d’El detective Conan –la última emitida en gallegu'l 3 de xineru del 2013-.

   La XDLA destaca estos personaxes pol éxitu d’audiencia de les versiones de TVG, TV3 y ETB, que siempre tuvieron perriba del 20%. La organización, como ya señaló nel Informe sobre la necesidá d’una programación infantil en TPA, vuelve a recordar que la nuestra televisión ye la única cadena europea d’una comunidá billingüe que nun emite programación pa los más pequeños na llingua propia, polo qu’actualmente nun ta cumpliendo colos sos mandaos llegales".

   Pala Xunta pola Defensa de la Llingua "nun se pue poner de sida que la emisión d’un productu asina supondría un gastu mayor pa TPA, porque la FORTA tien los derechos d’emisión d’estos productos –yá emitió delles películes infantiles nes navidaes pasaes- y porque la nuestra televisión ta dedicando una partida del so presupuestu (unos 100.000 euros) en doblaxes al castellanu fechos en Madrid. Sicasí, doblar una película d’animación de 75 minutos al asturianu podría facese con 5.000 euros. Otra manera, de facer la traducción podría encargase la mesma Dirección Xeneral de Política Llingüística o l’Academia de la Llingua Asturiana, polo que nun supondría nengún costu añadíu. Tamién hai que tener en cuenta que la emisión d’una película asina valdría pa poner los pegollos d’una industria del doblaxe. Por exemplu, l’aparición de TVG en Galicia xeneró una industria que mantién a 300 persones y a seis empreses. Nun se pue dexar de llau l’importante’l papel que podría xugar esta emisión como material pa les clases d’asturianu. P’acabar, la Xunta pola Defensa de la Llingua Asturiana recuerda qu’esti apueste pola emisión d’una película d’animación n’asturianu supondría defender la tresmisión xeneracional, dalgo pa lo que cuadra mui bien una xornada como la Selmana de les Lletres, onde la Dirección Xeneral de Política Llingüística y la TPA tienen que collaborar pa da-y la mayor visibilidá posible".    Fonte:  Asturnews

Preséntase na FNAC la reedición de "Misión Pelayo"

"Misión Pelayo" de Xuliu Arbesú, l'ALLA, 2012

   Esti xueves 6 de marzu, a les 19 hores va presentase na Fnac la reedición del llibru "Misión Pelayo" de Xulio Arbesú.

  La reedición de 'Misión Pelayo', la novela juvenil de Xulio Arbesú "que marcó un antes y un depués na lliteratura xuvenil en llingua asturiana", ye una de les novedades lliteraries del caberu 2013. La novela foi espublizada orixinariamente pola Academia de la Llingua nel 2002.

   Fonte: Asturnews

Asturianu y creatividá aporten al "Samartín de les Tortielles"

Un total de 25 establecimientos hosteleros del conceyu Samartín del Rei Aurelio participen na tercera edición d´una cita gastronómica, dende´l vienres 7 al domingu 9 de marzu, que tien a les tortielles como protagonistes y que tien la cartelería y papelería fecho íntegramente n´asturianu. Tres l´ésitu de SAMARTÍN DEL PINCHU nel pasáu mes d´ochobre, la hostelería venceyada a ECOSAM propónse cellebrar la tercera edición de SAMARTÍN DE LES TORTIELLES, prósima cita gastronómica a desendolcar nel conceyu esta fin de selmana, ente los díes 7 y 9 de marzu, cuyu exe central van ser les tortielles creatives, diferentes y orixinales. En SAMARTÍN DE LES TORTIELLES podrán degustase 25 tortielles diferentes y orixinales, con ingredientes tan variaos como´l pulpu, oricios, centollu, llagostinos, almexes, gambes, amás de tortielles con carne guisao, morciella matachana, carne picao, xamón, salchiches, tando dalgunes d´elles complementaes con setes, xampiñones, calabacinos, pimientos o diferentes quesos, incluso con almendres. Variedá y creatividá para la tercera edición d´esti eventu gastronómicu nel que la clientela fai de xuráu, previa degustación de cuatro tortielles, col aliciente del sortéu de 100 € en compres ente los votantes que depositen la so papeleta en dalguna de les urnes instalaes nos establecimientos participantes. Como vien siendo habitual, fixáronse dos rutes pol conceyu, una ente Sotrondio y Blimea, y otra pol L´Entregu. Pa facilitar el desplazamientu, la llocalización y l´información de les diferentes tortielles que se servirán, editáronse 2.000 “gastromapas” distribuios polos llocales participantes. Pa alcontrar más información de los establecimientos participantes habrá que acceder al blog de noticies de la web de ECOSAM (www.ecosam.es/blog), o a la páxina de Facebook de la asociación (www.facebook.com/comerciodesanmartin). D´igual manera, ECOSAM continúa col fechu diferencial que tien tamién SAMARTÍN DEL PINCHU, esto ye la utilización de la llingua llariega como llingua oficial del eventu gastronómicu, ayudando d´esta manera a la normalización de la llingua asturiana fuera de los tradicionales ámbitos de la cultura. Pa too ello, ECOSAM cuenta col asesoramientu de la Oficina de Política Llingüística de Samartín del Rei Aurelio. Fonte. Asturnews

RNE rindió homenaxe al autor asturianu Juan José Plans

Juan José Plans

    RNE rindía güei homenaxe a Juan José Plans y recupera unu de los postreros radioteatros que protagonizó el periodista y escritor xixonés, que finó'l pasáu día 24, tuvo una dilatada trayectoria en RTVE.

   Esti llunes 3 de marzu a les 02.00, en Radio Nacional RNE rendía homenaxe a Juan José Plans. Pa ello, recuperaba un radioteatro de "La Bella y la Bestia" nel que l'asturianu exercía de protagonista masculín y qu'emitióse esti llunes 3 de marzu de 02.00 a 03.00, en Radio Nacional.

   RNE recordaba esti llunes al periodista y escritor Juan José Plans al traviés de la emisión d'unu de los últimos programes nos que participó. Tratar d'un radioteatro de ‘La Bella y la Bestia’, realizáu nel Teatru Xovellanos de Xixón, nel que Plans interpretaba'l papel del protagonista.

   Juan José Plans empezó la so carrera faciendo reportaxes nel so Xixón natal.  En 1965 treslladase a Madrid, ónde empezó la so llarga trayectoria en RTVE. Darréu dirixió'l Centru Territorial de TVE n'Asturies, antes de volver definitivamente a la radio con programes históricos como "Sobrenatural" y "Hestories". Llogró diversos galardones per espacios realizaos pa RNE: el Premiu Nacional de Guión Radiofónicu per "Ventana al futuru" en 1972 y diez años dempués, el Premiu Ondes per "España y el Españoles". Amás, llogró'l Premiu de les Lletres d'Asturies en 2010 en roblando cuatro decenes de llibros: biografíes, relatos curtios y adaptaciones pa radiu y televisión.  Finó'l pasáu 24 de febreru con 70 años.  Fonte: Asturnews

La XXXV Selmana de les Lletres Asturianes va tar dedicada al cómic

Na semeya,  cubierta de "Manzajú" de Barbero,  primer trabayu que llevó l'Alfonso Iglesias

   Coincidiendo col 125 aniversariu de la primer narración fecha n’asturianu con dibuxu artísticu, la Selmana de les Lletres Asturianes va tar dedicada al cómic. L’eventu va celebrase del 2 al 11 de mayu baxo’l lema "Dibuxando un camín".

   Foi nel 1889 cuando la revista "La Comedia Gijonesa" espublizó un cuentu popular firmáu por Pepe Priendes baxo’l nome "Un cuento viejo". Esta historia, contada en cuatro viñetes, llevaba un testu n’asturianu nel pie de caún d’elles, polo que se considera’l primer cómic fechu na llingua del país. Por esti motivu, 125 años depués, la Conseyería d’Educación, Cultura y Deporte va centrase nesti xéneru lliterariu que ta garrando puxu nos años últimos n’Asturies, lo que provocó la creación del Premiu Alfonso Iglesias dientro de los Premios Lliterarios, gallardón que nel 2013 recibió Alfonso Zapico por "Cuadernos d’Ítaca".

   Precisamente l’autor blimeín, residente na ciudá occitana d’Engoulaeme, va protagonizar el llibru qu’edita la conseyería por mor de la Selmana de les Lletres xunto col restu de ganadores del premiu, esto ye, Ruma Barbero (2009, con "Manzajú"), Isaac Rivero (2011, con "Doña Berta") y Javier Antonio Marinas (2012, con "Homes"). Ésti va constar de cuatro histories gráfiques feches de manera especial pa esta ocasión. La obra, de nome "Dibuxando un camín",  va regalase’l Día de les Lletres Asturianes (9 de mayu), xornada na que tamién se celebra’l Día del Llibru y el Discu n’Asturianu, con cada compra que se faiga d’artículos en llingua asturiana. Toos van tener, amás, un 10 por cientu de descuentu.   Fonte: Asturies.com