El secretariu de converxencia d’izquierda Xunida, Jaime Gareth Florez, valoró güei de forma positiva la ufierta de Podemos pa consensuar una posición común sobro les llistes d’espera y fizo anuncia de que’l próximu día 17 van plantegar tamién na xunta que van celebrar cuestiones alrodiu de la defensa de la Llingua.
“Ye un primer pasu, anque’l nuesu oxetivu, de sobra conocíu, ye abondo más ambiciosu y, en resume, pasa pola construcción d’un bloque de progresu dientro de la Xunta Xeneral del Principáu d’Asturies”, dixo güei Jaime Gareth Florez al valorar de forma positiva la ufierta de Podemos. La meta, sigún el responsable de Converxencia de la formación “ye tener capacidá de denuncia y, sobremanera, capacidá de propuesta y de respuesta pa llograr midíes qu’ameyoren la calidá de vida y el bienestar de la sociedá asturiana”.
Na próxima xunta del 17 de xunetu, na que ta previstu l’alcuentru de los máximos responsables de dambos partíos, espérase que se fale de la defensa de la llingua asturiana amás de cuestiones como la propuesta sobro les llistes de Podemos y l’axenda lexislativa plantegada la selmana pasada d’Izquierda Xunida, qu’inclúi, como exes vertebradores, un plan de choque social, la medría de la calidá democrática . “A última hora Izquierda Xunida de Asturies nun va cesar nel so intentu de llograr una mayoría social, un bloque políticu d’izquierdes que ponga’l Boletín Oficial del Principáu d’Asturies (BOPA) a disposición de les necesidaes de les asturianes y los asturianos”, finó afitando’l secretariu de converxencia d’IX. Fonte.Asturnews
El Grupu Parllamentariu de Podemos Asturies quier manifestar la so sorpresa y malestar por un nuevu capítulu de recortes protagonizáu pol actual Gobiernu del Principáu d’Asturies, encabezáu por Javier Fernández, y onde esta vez la víctima ye la cultura asturiana y particularmente la promoción de la llingua asturiana y el gallego-asturianu nos medios de comunicación. Na actual convocatoria de subvenciones pa medios de comunicación destinaes al fomentu del usu del asturianu recórtense 47.000 euros respecto al añu anterior; ye dicir, un 37%. Lo que, sumao al recorte fechu na anterior convocatoria, da como resultáu que nos dos últimos años les partíes destinaes a esti ámbitu sufrieren una mengua d’un 50%. Esti tisoriazu inda ye más grave si se tien en cuenta que’l sector de los medios de comunicación ye ún de los más perxudicaos pola crisis económica.
