Telegram n'ast yá ta disponible nel Play Store

D'esta manera los usuarios nun han d'actualizar l'aplicación de forma manual.

Softastur, responsable de que los asturianos podamos utilizar esti programa de mensaxería nel intre nos nuesos móviles Android en llingua asturiana, anunció güei per Twitter esti avance. Telegram trátase d'una aplicación de software llibre que respeta la privacidá de los usuarios y que permite tamién el so usu pel PC.

Otra manera, Softastur tamién pon a disposición de los usuarios dos paquetes de pegadielles pa poder utilizar col Telegram. Equí pues consultar tola información.

Fonte: Asturies.com

Telegram n'asturianu estrena nuevu anovamientu

Versión 2.3.3 de Telegram n'asturianu.

La popular aplicación de mensaxería móvil tien nuevu anovamientu na so versión n'asturianu, la 2.3.3. Ente otres novedaes, apurre un nuevu diseñu, posibilidá de camudar de númberu la cuenta de Telegram, la gueta y unviu de GIFs, d'anubrir l'estáu, asina como ameyores n'aspeutos como les charres secretes. 

Énte cualquier erru, dende Softastur encamienten a notificalu pa poder siguir ameyorando'l furrulamientu.

Fonte: Infoasturies

Telegram ya pue usase n'asturianu dende una web

   Dende esta selmana, el programa de mensaxería Telegram n'asturianu ya pue emplegase tamién dende'l navegador, amás de nel teléfonu móvil, gracies a un cliente nun oficial de Telegram. Ta en desendolcu y puede nun ser fiable al 101% pero ye desde llueu una valoratible ufierta que pon l'asturianu al nivel de les demás llingües del Estáu gracies a la iniciativa privada y desinteresada de Marcos Costales, programador pernomáu n'Asturies como componente del grupu de desendolcu de software SoftAstur, del que ya nun forma parte.

   Pa usar esta web encameiéntente usar Mozilla Firefox por ser software llibre y fomentar una web abierta. Esta web furrula con cookies pelo que si sigues usándola, una vegada tas adientrándote nella, aceptes el so usu.

   ¿Qué ye Telegram? Telegram ye como Whatsapp, pero más segura, multiplataforma y con más precuru pela privacidá del usuariu. Permite ente otres coses: Mandar mensaxes, crear grupos, charres encriptaes, charres temporales y tresferencies de ficheros de fasta 1GB.

   ¿Qué ye Telegram per web n'asturianu? Ún de los puntos fuertes de Telegram ye ser multiplataforma, hai clientes pa Linux, Windows, MacOS X, Android, Windows Phone y Webogram, una interface web na que se basa esta versión n'asturianu. Pa usala simplemente visitamos http://telegram.atopa.info y tras introducir el teléfonu, recibimos (de baldre) un códigu na aplicación Telegram del móvil y ya veremos toles charres que teníemos nel móvil. El teléfonu y el navegador web tarán sincronizaos, viendo les mesmes charres, incluso podemos usar varios ordenadores.

Una  llarga  hestoria

   "Bienllegaos a la dómina de la mensaxería rápida y segura": Telegram, una de les más nomaes alternatives de mensaxería nel móvil a Whatssap, tenía dende'l vienres 14 de marzo de 2014 una versión en llingua Asturiana. El coleutivu Softastur vinía acabante de facer l'anuncia na só páxina web y dende'l viernes 14 ufría soporte y sofitu pa que tolos interesaos n'emplegar esti programa de mensaxería en llingua asturiana pudieran facelo ensin problemes.

   Telegram, una de les más nomaes alternatives de mensaxería nel móvil a Whatssap, tinía dende'l vienres 14 de marzu una versión en llingua Asturiana, y dende'l mes de xunu la so versión anovada con delles nueves posibilidaes que lu faín una les aplicaciones más descargaes nos teléfonos móviles asturianos. El coleutivu SoftAstur espublizaba na só páxina web l'anovación de la so páxina de sofitu.

   Agora, Marcos Costales, que participare d'esi desendolcu primeru ufre una evolución perimportante palos usuarios de Telegram en llingua asturiana que podrán usar la ferramienta de mensaxería dende cualaquier computadora con independencia del sistema operativu qu'emplegue.         Fonte: Asturnews.com

Más información: Web pa emplegar Telegram

Telegram n'asturianu perpasa les 3.500 descargues

Les redes sociales agradecen a Softastur la torna de l'aplicación. Telegram, tamién n'asturianu Descarga Telegram n'asturianu (Softastur) Telegram, el primer serviciu de mensaxería instantánea disponible n'Android, perpasó esti mediudía les 3.500 descargues. La traducción de l'aplicación ta teniendo una bona acoyida nes redes sociales. En Twitter, Evu Gandboy felicitábase porque "yá uso telegram n'asturianu!" mientres @Noepola llamenta que namás tea disponible p'Android: "Jolin yo también quiero Telegram n’Asturianu". Softastur asoleyó ayeri la torna de l'aplicación a la llingua del país, que puede descargase de baldre na so páxina web. Pa instalala, namás ye necesario disponer d'un teléfonu Android -les polítiques de códigu d'Apple nun permiten la 'app' de Telegram n'asturianu-, habilitar la opción 'Fontes desconocíes', descargar l'app y executala pa instalala. Quienes ya esfrutaren de l'aplicación nel so 'smartphone', deberán esaniciala enantes d'entamar esti procesu. Tamién Android Nun va ser la única meyora que l'asturianu va vivir nos prósimos meses nos 'smartphone'. Android va habilitar los códigos de 3 lletres, lo que va permitir que llingües como l’asturianu (‘ast‘) puedan ser ‘traducibles’ nel proyeutu. "Nun se sabe si va ser na versión 4.5 ó 5.0.x.. pero ser, va selo", anuncien en Softastur, qu'encamienta a usar un restolador web n’asturianu, que identifique al usuariu na rede como usuariu de la llingua ‘ast’. "Cada asturfalante qu'usa un restolador web en castellanu, fai un -2 a la llingua asturiana". Fonte: Queyeho.com

Telegram tendrá versión n'asturianu dende esti vienres

   "Bienllegaos a la dómina de la mensaxería rápida y segura": Telegram, una de les más nomaes alternatives de mensaxería nel móvil a Whatssap, va tener dende esti vienres 14 de marzu una versión en llingua Asturiana. El coleutivu Softastur vieno acabante de facer l'anuncia na só páxina web y dende'l viernes 14 ufrirá soporte y sofitu pa que tolos interesaos n'emplegar esti programa de mensaxería en llingua asturiana puedan facelo ensin problemes.

   Esti mesmu añu, Coincidiendo col llanzamientu de Firefox 10, la Fundación Mozilla espublizóThunderbird 10, l’afamáu Xestor de corréu lletrónicu cola novedá nesti casu, d'una versión cola llingua asturiana, lo que nun asocedía dende la versión 1.0 (2004). Dempués de retomar aquel proyeutu y tres un añu de trabayu, Softastur presentaba la versión que taba acabante salir, y que yá s’alcuentra disponible dende febreru pa toles plataformes (Linux, Win, Mac).

   Xunta estos trabayos en 2014, Softastur vieno densendolcando dende la so fundación en 2008 una xera enforma valoratible na adautación del software llibre a la llingua asturiana.  Fonte: Asturnews