Ana González nun tien en mente dar pasos alantre no que respeuta a la situación de la Llingua Asturiana na educación. Na reunión colos docentes confirmó que la so intención ye dexar l’asignatura “polo menos como taba hasta agora”.
“Bones pallabres”, pero nengún compromisu. Asina resumió l’Asamblea de Docentes d’Asturianu l’alcuentru que tuvo esta mañana cola conseyera d’Educación, Cultura y Deporte. Los maestros treslladaron-y un documentu colos sos pidimientos y espusieron-y los sos argumentos, tomando González nota “de tolo que-y diximos”. La conseyera reconoció que col tercer anteproyeutu de la Llei Orgánica pa la Meyora de la Calidá Educativa (LOMCE) la responsabilidá sobre la situación de l’asignatura de Llingua Asturiana y Gallego-asturiano cayía sobre’l Gobiernu del país y que la falta d’oficialidá foi la razón de que se llegara a esta situación, pero refugó en too momentu dar el pasu de dar reconocencia oficial al idioma y señaló que la so intención ye dexar la materia “polo menos como taba hasta agora” y cumplir la Llei d’Usu y Promoción del Asturianu, lo que supón una contradicción, yá qu’esta norma garantiza’l derechu a escolarizar n’asturianu y dende la so aprobación, nel 1998, nengún executivu fíxola efeutiva. Nun paez que la FSA-PSOE cambie agora de criteriu y dea esi pasu.
González reiteróse nel so compromisu de sacar alantre la especialidá d’asturianu nesta llexislatura, pero nun concretó nada n’asuntos como la situación del idioma n’Infantil, l’usu del asturianu como llingua vehicular o la presencia na PAU, ente otros. “Mos dixo que nun esperáremos ‘una revolución’” cola situación de la Llingua Asturiana y el Gallego-asturiano nel sistema educativu, “cosa que seguramente nengún de nós fai, polo que va ser la nuestra capacidá de presión y movilización la que sirva pa obligar a l’Alministración a mover ficha nesti tema, como en tantos otros”, aseguren dende l’Asamblea de Docentes d’Asturianu.
Na semeya, docentes y militantes del movimientu de reivindicación llingüística charren tres la concentración del xueves pasáu na Escandalera.
Fonte: Asturies.com
Menos ye ná y menos ye nada, depués paez que nun ye tan mala la LOMCE sinón quien la alministren a nivel a nivel autonómicu, rexonal, o local ¿no vos paez?
ResponderEliminarNun paez que la FSA-PSOE asturiano cambie agora de criteriu y vaya dar un pasu alantre na tema de la oficialidá de la llingua nin del enseñu del asturianu, non señores.
ResponderEliminarSi "dexar les coses como tán" son "bones palabres" pa l'asemblea de docentes esa y un "menos ya ná" pa esti otru probe d'equí arriba, tamos coyonudos. A ver, melandros: les palabres de la Sra. Conseyera son exactamente NADA. Y na situación de la llingua, nun facer NADA ye MATALA.
ResponderEliminarNADA = MIERDA.
De verdá, nesti blogue percíbese una positividá "hippie" que ye suicida y que da muncha cagalera.
Quan diu “polo menos como taba hasta agora”, vol dir 2 hores a la setmana d'assignatura optativa d'asturià? Ho pregunto perquè tinc mala memòria i no recordo si era així.
ResponderEliminarEn tou casu l'inmovilismu llingüísticu ta garantizáu.
ResponderEliminarEn cuantes a "Pela pata abaxo", dicir qu'esti blogue paez que nagua por poner en positivu lo qu'hai al respeutive de les llingües minorizaes, incluyida l'asturiana. Porque pa facer otra cosa yá tán los medios comerciales. Asina que podíemos amosar daqué de respetu a esta iniciativa, esperando la oficialidá del asturianu.
¡¡¡ o f i c i a l i d á yá !!! urxente y necesariu.
ResponderEliminarPrecisament ara que es torna a parlar de reformar l'educació és un moment perfecte per a intentar aconseguir la normalització de l'asturià en l'ensenyament i no acceptar aquest "como taba hasta agora".
ResponderEliminarEncara que sense oficialitat, es pot aconseguir l'educació en asturià. Però heu de ser ambiciosos i mobilitzar-vos ja.