27/3/13

Rector: l'ausencia del asturianu na web de la Universidá "ye por un retrasu na torna"

El Rector esplica al CUPA que l'asusencia del asturianu na web de la Universidá "ye por un retrasu na torna"

   Dempués de la denuncia fecha pol CUPA ayeri, la organización universitaria esplica nuna nota que "tres conversaciones de representantes del Conceyu Universitariu pol Asturianu (CUPA) col Rector, Vicente Gotor Santamaría, y el Vicerrector d’Informática, Víctor Guillermo García, el problema cola páxina web paez solucionáu", yá que'l Recto dixo que namás se debía a "un retrasu na torna de los testos al asturianu". El CUPA espresó’l so maltar al ver que la páxina web nueva de la Universidá d’Uviéu nun incluyía yá versión n’asturianu, y anque ve como una bona noticia saber qu’esto ye namás frutu d’un retrasu de la traducción, según les esplicaciones del propiu equipu rectoral, entienden que "nun ye escusa pa una institución de tal tamañu y recursos, pues la versión n’inglés, por exemplu, ta yá dende’l primer día".

   Sicasí, entienden que ye una bona noticia saber que la nueva web tamién va incluyir versión n’asturianu, “daqué perimportante pa la visibilidá del idioma na Universidá y na sociedá asturiana”. Un pasu alantre que se consiguió por fin nel añu 2010 y qu’aguarden qu’en pocos díes pueda tener continuidá na páxina actual.

   El CUPA pidió yá aconceyar col equipu rectoral pa siguir avanzando n’otres midíes de muncha importancia pal futuru de la llingua asturiana na institución, como la rotulación billingüe de los edificios universitarios o la creación d’un logotipu col nome de la Universidá nes dos llingües, castellán y asturianu.

   Fonte:  Asturnews.

3 comentarios:

  1. Esto ye otra cosa, parecíanos estrañu.

    ResponderEliminar
  2. Nun yera normal y agora sí que ta correctu, porque nun yera nada normal d'alcuerdu cola política llingüística siguida últimamente pola Universidá d'Uviéu, correxíu y enmendao.

    ResponderEliminar

Los comentarios tán pendientes de moderación. Espublizaránse lo primero dable.