Un momentu de la presentación: Javier Cubero y Bertu Peña
Esti martes 12 de marzu celebróse nel llar de la Sociedá Cultural Xixonesa un actu de presentación del númberu 32 de la revista “Asturies, memoria encesa d’un país” de la Fundación Belenos. Nél intervinieron l'etnógrafu Berto Peña, del conseyu de redacción, y Javier Cubero, autor d'unu de los artículos publicaos nesti númberu. Darréu de la presentación del númberu abrióse un alderique col públicu presente.
Berto Peña -Alberto Álvarez Peña- realizó una repás hestóricu de les distintes actividaes que vien realizando la Fundación nos caberos años, tres lo qu'esplicó l'actual situación de la revista, que pasa a ser añal. Amás, comentó dalgunos de los artículos nuevos que van poder vese en númberos próximos, asina como los proyectos de la Fundación Belenos pal so congresu añal, que celebren en La Puela.
Pela so parte, Javier Cubero, que tamién collabora na revista, destacó la urxencia de xenerar "pontes y circuitos ente los distintos sectores del texíu sociocultural asturianu", señalando que "la retroalimentación ye fundamental pa una sociedá civil viva y dinámica".
Fonte: Asturnews.
Fundación Belenos y la so revista Asturies ye sabiduría, humildá, prudencia, investigación, paciencia, saber faer y presentar, independencia y altor científicu. Llarga vida.
ResponderEliminarLla verdá ye que merez un premiu a nivel autonómicu pa ser bien reconocíos col abondoso méritu d'esti grupu cultural ya investigador asturianu.
ResponderEliminarYe otru llogru editorial, ye un milagru polo bien fechu. Alantre.
ResponderEliminarSí
ResponderEliminar