Sigún una investigación desendolcada pol Departamentu de Neurosicoloxía y Neuroimaxe Funcional de la Universitat Jaume I de Castellón (Países Catalanes).
Los billingües adáutense más rápidu
Asina lu determina una investigación desendolcada pol departamentu de Neurosicoloxía y Neuroimaxe Funcional de la Universitat Jaume I de Castellón (Países Catalanes), dirixíu pol caderalgu de Sicoloxía Básica, César Ávila Rivera, que concluyó que les persones billingües son más rápides y eficaces na adautación énte’l cambéu d’un estímulu.
L’estudiu, nel que tamién participaron dos profesores de la Universitat Pompeu Fabra, realizóse con persones qu’apoderen el castellán y el catalán na variedá propia del País Valencianu dende edá temprana y amosó qu’éstes utilicen el lóbulu frontal inferior manzorgu, dimientres que les persones monollingües utilicen la parte mandrecha, lo que yos convierte en más eficaces pa les funciones executives. Ente estes atópense, por casu, el saber portase en función de la situación social na que s’atope l’individuu o una xera tan básica como la d’identificar un oxetu, pola so forma o collor, nún plazu de tiempu más curtiu qu’el qu’utiliza un monollingüe.
L’investigador César Ávila destacó la importancia de les conclusiones del estudiu yá qu’ "evidencien un aspeutu desconocíu del billingüismu, que va más allá de les ventayes llingüístiques y ye que les persones billingües son más eficaces al responder a determinaos estímulos".
Nel casu de los billingües en dómina de formación, esto ye, con prevalencia d’una llingua sobro otra, "creemos que les resultancies nun sedríen les mesmes", indicó Ávila.
Pa realizar l’estudiu, los científicos cuntaron, a lo llargu de 2 años, cola participación d’estudiantáu voluntariu de la Universitat Jaume I y la collaboración del Hespital Xeneral de Castellón, onde se faen les resonancies magnétiques funcionales. L’amuesa tuvo integrada por dos grupos estremos: per una parte, nuevos que desenvolvieron el billingüismu dende edá bien temprana y per otra, mozos monollingües de castellán d’otres comunidaes autónomes del Estáu español o países de fala hispana.
La investigación va espublizase lluéu na revista NeuroImage, una espublización que recueye artículos venceyaos a les funciones cerebrales, sol títulu "Creyar una ponte ente llingua y atención: bases cerebrales del impautu del billingüismu sobro’l control cognitivu".
L’estudiu, nel que tamién participaron dos profesores de la Universitat Pompeu Fabra, realizóse con persones qu’apoderen el castellán y el catalán na variedá propia del País Valencianu dende edá temprana y amosó qu’éstes utilicen el lóbulu frontal inferior manzorgu, dimientres que les persones monollingües utilicen la parte mandrecha, lo que yos convierte en más eficaces pa les funciones executives. Ente estes atópense, por casu, el saber portase en función de la situación social na que s’atope l’individuu o una xera tan básica como la d’identificar un oxetu, pola so forma o collor, nún plazu de tiempu más curtiu qu’el qu’utiliza un monollingüe.
L’investigador César Ávila destacó la importancia de les conclusiones del estudiu yá qu’ "evidencien un aspeutu desconocíu del billingüismu, que va más allá de les ventayes llingüístiques y ye que les persones billingües son más eficaces al responder a determinaos estímulos".
Nel casu de los billingües en dómina de formación, esto ye, con prevalencia d’una llingua sobro otra, "creemos que les resultancies nun sedríen les mesmes", indicó Ávila.
Pa realizar l’estudiu, los científicos cuntaron, a lo llargu de 2 años, cola participación d’estudiantáu voluntariu de la Universitat Jaume I y la collaboración del Hespital Xeneral de Castellón, onde se faen les resonancies magnétiques funcionales. L’amuesa tuvo integrada por dos grupos estremos: per una parte, nuevos que desenvolvieron el billingüismu dende edá bien temprana y per otra, mozos monollingües de castellán d’otres comunidaes autónomes del Estáu español o países de fala hispana.
La investigación va espublizase lluéu na revista NeuroImage, una espublización que recueye artículos venceyaos a les funciones cerebrales, sol títulu "Creyar una ponte ente llingua y atención: bases cerebrales del impautu del billingüismu sobro’l control cognitivu".
Fonte: Aruelu.com
Interesante, habrá que lleer tol trabayu pa enterase y sacar consecuencies del mesmu.
ResponderEliminar