“N’Equo defendemos ensin ambigüedaes la cooficialidá del asturianu”, afirma González

Na semeya,  Pulgar,  Llano  y  Nacho González

   Nacho González, covoceru d’Equo Asturies, afirmó esti miércoles que la so formación defende la cooficialidá del asturianu “ensin ambigüedaes”. Los ecoloxistes van acudir en solitariu a les Nacionales depués de nun llegar a bon puertu la so propuesta de converxencia con Podemos, organización cola que sí van compartir espaciu en delles candidatures municipales.

   Nuna rueda de prensa celebrada tres un conceyu cola Xunta pola Defensa de la Llingua Asturiana (XDLA), representada por Carlos Pulgar y Damián Barreiro, Equo Asturies ratificó’l so compromisu pa cola llingua asturiana. “N’Equo defendendemos  ensin ambigüedaes la cooficialidá del asturianu”, afirmó González faciendo insistencia nes pallabres “ensin ambigüedaes” porque “paez que nestes selmanes en dalgunes fuercies polítiques hai un discursu ambiguu con respeuto a la necesidá d’oficializar l’asturianu”.

   “Nós tenémoslo nidio dende hai tiempu; tenémoslo aprobao nos documentos correspondientes al traviés de les reuniones y grupos de trabayu que fiximos mientres too esti periodu”, continuó González, que considera que la llingua asturiana “necesita una reforma del Estatutu d’Autonomía pa da-y el derechu a la ciudadanía asturiana de poder deprendela, poder usala y entendela”. “Tamos nun tiempu políticu nuevu onde toca moyase pol asturianu”, insistió’l covoceru d’Equo, consciente de que les polítiques desendolcaes hasta agora nun son suficientes, sobre manera no que respeuta a la estaya educativa.

   Pulgar, voceru de la XDLA, destacó pela so parte el compromisu públicu d’Equo Asturies de llevar la oficialidá nel so programa y tamién fixo referencia a la necesidá de “un tiempu nuevu” tres 30 años de midíes llegales “que demostraron ser insuficientes pa la supervivencia de la llingua asturiana”. Al respeuto señaló que toles selmanes hai un exemplu nuevu “de cómo la falta d’oficialidá afeuta a la situación de la llingua asturiana”. Si hai unos díes foi’l refugu de la especialidá docente por parte del Ministeriu d’Educación, Cultura y Deporte cola disculpa de que l’idioma nun ye oficial, “esta selmana vemos como salió un borrador de lo que va ser el currículu de Bachilleratu que propón un recorte del 75 por cientu de les hores de Llingua Asturiana, lo que va suponer de facto la desapaición de la so enseñanza nesta etapa educativa”, onde yá de por sí’l so status actual ye esmolecedor. “La falta d’oficialidá ye una piedra constante nel camín”, insistió Pulgar.

La XDLA, descontenta cola posición actual de Podemos     Dientro de la ronda de contautos públicos y privados de la XDLA con formaciones polítiques de cara a les Nacionales del 24 de mayu, que de momento sirvieron p’algamar el compromisu pola oficialidá d’Izquierda Xunida y Equo, ta prevista una con Podemos, qu’entovía nun se celebró. Entrugáu pola ambigüedá de les manifestaciones de los sos cabezaleros, que refuguen referise a la pallabra ‘oficialidá’ en too momentu, Pulgar confirmó “que ye evidente que nun nos tán gustando les sos declaraciones”, calificando de “inxeniería llingüística” la pallabrería utilizada pa evitar “el términu que tien valor xurídicu: oficialidá”.

   Dende l’asociación cívica cuenten con aconceyar pronto colos sos responsables “pa esponer les nueses razones” y son optimistes al respeutu dada “la lóxica de la propia formación” y el sentir “de la mayoría de les sos bases”. “Sería incomprensible qu’una fuercia política que se diz portavoz de los movimientos sociales renunciara a representar los derechos d’una parte mui importante de la población y les aspiraciones d’un movimientu social que vertebró bona parte de la historia contemporánea d’Asturies”, añadió Pulgar.

En solitariu a les Nacionales                    Azulina Llano, covocera d’Equo Asturies, encargóse d’abrir la rueda de prensa d’esta mañana cola anuncia de que la formación “concurrirá en solitariu” nes eleiciones de mayu. Los ecoloxistes espublizaran en setiembre el 'Manifiestu por una nueva democracia’ que buscaba una confluencia d’organizaciones y persones independientes “que se vio recompensada cola formación de candidatures ciudadanes n’escenarios nos que se dieron condiciones favorables”, como Avilés, Llanes, Llaviana, Uviéu o Xixón, dalgo que nun foi posible a nivel nacional. “Por estes circunstancies vímonos obligaos a presentar candidatura en solitariu pa que la ecoloxía política tea presente nes eleiciones autonómiques y tenga posibilidá d’algamar representación nes instituciones”, esplicó Llano.

   Asina, Equo punxo en marcha un procesu de primaries abiertes ente simpatizantes y afiliaos pa escoyer, en paridá de xéneru, a los cabeza de llista: l’avilesín David Díaz y la ḷḷeniza Eva del Fresno. Próximamente, el procesu completaráse con la eleición del restu de la llista y de les persones qu’ocupen los primeros puestos nel occidente y l’oriente; tamién l’afitamientu del programa eleutoral a partir de les conclusiones de los diferentes grupos de trabayu entamaos al respeuto. Díaz esplicó que la decisión de concurrir en solitariu a les eleiciones vien “pola falta d’una propuesta concreta y llamativa de Podemos sobre la mesa pa poder siguir colos procesos de confluencia” y la necesidá de que la ecoloxía política “tenga un güecu na sociedá asturiana” consciente de que “l’alternativa verde ye real pa dar soluciones a tolos problemes d’anguaño, non sólo los ambientales, sinón tamién los socioeconómicos”.

   Pela so parte, Del Fresno destacó’l compromisu de la formación pa colos “principios que me gustaría que se desarrollaren na sociedá, como la sostenibilidá ecolóxica, la igualdá, la tresperencia y la radicalidá democrática”. Nesi sen, espera aportar la so esperiencia amplia nos movimientos sociales, sobre manera nel feminista.                                                           Fonte: asturies.com

Bimenes convoca'l XVIII Concursu de Cuentos pola Oficialidá

   El Conceyu Bimenes vieno acabante convocar el XVIII Concursu de Cuentos pola Oficialidá del Asturianu. Los cuentos que se presenten al certame han tar redactaos como davezu en llingua asturiana y nun pasar de les diez fueyes, mecanografiaes a doble espaciu y per una sóla cara. El plazu pa la presentación de trabayos fina’l 9 de mayu y l’apertura pliques tendrá llugar el 9 de xunu, día nel que tamién se dará anuncia de la fecha d’entrega premios.

   L’importe económicu de los mesmos ye: 600 € pal primeru, 450 € pal segundu y 300 € pal terceru. Los cuentos, de los qu’hai que presentar l’orixinal, trés copies y una copia más en versión informática, han d’unviase a la direición que vien darréu: Ayuntamientu Bimenes. Martimporra, s/n. 33527 – Bimenes. Ye de destacar el compromisu del Conceyu Bimenes en caltener esti certame lliterariu y l’esfuerzu qu’ello-y supón, yá qu’esta edición, como nes dos anteriores, nun cuenta con nengún sofitu económicu esternu.                                               Fonte: Asturnews

Uría: "A primeros del sieglu XX les romeríes revitalícense, pero empiecen a alteriase”

L'espertu Jorge Uría nel Atenéu Obreru de Xixón

   Jorge Uría protagonizó la charra mensual d’Ástura nel Atenéu Obreru de Xixón, que trató sobre ‘Les romeríes asturianes al aniciu del sieglu XX’. L’historiador apuntó que nesta época estos festexos revitalizáronse pero, al empar, empezaron a alteriase de forma acelerada.

   L’espertu “n’historia social, cultural popular y la vida cotidiana n’Asturies y España” na época que va dende la revolución del 1868 a la Primer Guerra Mundial, según presentó Amadréu Benavente, representante d’Ástura, al convidáu del martes, esplicó a los presentes los cambios que vivieron les celebraciones tradicionales nesi tiempu y les causes que llevaron a esta evolución. Asina, en primer llugar, mostró al traviés d’un cuadru de Cuevas la visión romántica d’una romería asturiana, cola so casa con corredor, l’horru y la xente divirtiéndose xugando a los bolos o baillando, “una imaxe estereotipada que se repite de forma abrumadora” y que tamién retrató nos sos escritos Fermín Canella.

   Lo cierto ye que los ciclos recreativos tradicionales tovía teníen vigor en parte del sieglu XIX por mor del aisllamientu que vivíen les zones rurales y pola especial dispersión de la población n’Asturies. “De cada 100 núcleos poblacionales, 96 teníen menos de 100 habitantes”, apuntó Uría, que tamién fixo referencia a les dificultaes del tresporte nesti tiempu. “D’Uviéu a La Puela tardábase 17 hores y a munchos llugares namái había acceso a caballu”, añadió. Los habitantes de les zones rurales asturianes, al igual que pasaba en tol mundu, refugaben los cambios y viaxar xeneraba-yos inseguridá. Tampoco nun teníen muncha falta de moveses, yá que yeren autosuficientes, con una base económica autárquica. Esta situación, por exemplu, permitía la pervivencia del traxe del país, ellaboráu con recursos propios.

   Los llabradores, que yeren la mayor parte de la población, teníen un ciclu festivu selmanal que correspondién a bailles y fiestes agrícoles, como les esbilles, los amagüestos, la espicha o el filandón y la esfoyaza, éstes dos últimes les más carauterístiques, que foron evolucionando col tiempu, sobre manera cola entrada del sieglu XX, hasta convertise nun baille selmanal los xueves. Tamién había fiestes de ciclu anual, cola romería como gran emblema. Ésta tenía un protocolu que describe Canella de forma idealizada: la viéspera con una foguera y el día grande que principiaba cola alborada pa siguir cola misa, la puya’l ramu, el banquete en casa y la romería. “A primeros del sieglu XX les romeríes revitalícense”, beneficiaos pola incorporación d’un públicu más urbanu, pero al empar “empiecen a alterase” d’una forma acelerada. El profesor titular d’Historia Contemporánea de la Universidá d’Uviéu pon como exemplu d’esti crecimientu les fiestes del Ecce Homo en Noreña, “qu’axuntaba a 10.000 romeros”.

La rotura del aisllamientu del mundu rural        La mercantilización de la fiesta que se vive nesti tiempu vien dada por delles cuestiones, ente les que destaca la rotura del aisllamientu del mundu rural. “El ferrocarril tuvo un impautu impresionantes nes zones rurales”, apuntó Uría, a lo qu’hai que sumar qu’ente’l 1909 y 1910 per munches de les carreteres asturianes yá pudieren circular coches y autobuses. Ello tamién provoca un movimientu comercial y, poro, una quiebra de l’autosuficiencia económica. Esta situación lleva a que’l traxe del país dexe de vistise y pase a ser utilizáu como reclamu turísticu, como reflexa l’historiador col exemplu del concursu de traxe tradicional celebráu en Ḷḷuarca nel 1915.

   Ye precisamente’l turismu otra de les causes que lleven a esta tresformación de la romería. Asina, nel 1890 sigue calteniéndose la visión tradicional de la mesma, pero yá comiencen a vese cambios nes zones de costa y balnearios, onde naquel tiempu acudíen los visitantes en periodu vacacional. Globos, faroles venecianos, bandes de música y fueos artificiales son dalgunes de les novedaes que paguen los comerciantes de la zona cola intención de recuperar la so inversión cola llegada de xente de fuera del llugar. Los cambios acentúense sobre’l 1905, onde los núcleos urbanos y sitios con estación de ferrocarril ganen en visitantes. Nestes fiestes cada vez hai menos gaiteros, que ven el so puestu ocupáu por pianoles que toquen zarzuela, flamencu, couplés o ritmos llatinos como’l tangu, provocando’l pasu del baille a lo suelto pol baille agarráu. Hai polo tanto, “un cambiu de protocolu dafechu”, señaló Uría.

   Otru aspeutu que varía ye lo que l’historiador noma “paliza interparroquial’. Los mozos del pueblu preparábanse pel añu pa les engarradielles que se daben nes romeríes, nos que s’utilizaben garrotes. La influencia de los ambientes urbanos fai que nos años 20 estos vares de madera pasaren a sustituyise por navayes y pistoles, lo que fai habitual la presencia d’una pareya de la Guardia Civil na romería llamada poles comisiones de festexos pa evitar desgracies na celebración. Tamién nesti tiempu camuda’l ferial de la fiesta, cola llegada de la iluminación llétrica.

   Por último, Uría tamién destacó que les celebraciones tradicionales nel periodu de 1860 al 1920 sufrieron un ataque importante, como enantes se viviera n’Inglaterra y Francia, p’adecuar los tiempos de trabayu al de recreación que provocó una alteración de los ciclos festivos. La evolución de les xornaes llaborales espliquen esta situación, yá qu’a finales del sieglu XX los asturianos trabayaben alredor de 200 díes al añu –esto nun quier dicir que los díes restantes tuvieren folgando, sinón que los dedicaben a otres obligaciones como dir a misa–, una cifra que nel 1880 aumentara a los 250 en zones rurales y los 280-290 nes ciudaes y nel 1909, a ente 275 y 310 díes al añu.
Fonte: asturies.com

Iniciativa pol Asturianu convoca un concursu poemes en Twitter

Una decena d’editoriales asturianes patrocinen esti concursu

   Iniciativa pol Asturianu vieno acabante convocar un concursu de micropoemes en Twitter con motivu del Día Internacional de la Poesía, nel que collaboren una decena d’editoriales asturianes y al que van poer presentase micropoemes en Twitter del sábadu 21 al llunes 23 de marzu.

   niciativa pol Asturianu entama la primer edición del Concursu de micropoesía Cola poesía na llingua (#PoesíaLlingua) col envís de celebrar el Día Internacional de la Poesía, el 21 de marzu de 2015, y al mesmu tiempu difundir la llingua asturiana nes redes sociales.

   Nel concursu pueden participar tolos usuarios de Twitter que sigan a Iniciativa pol Asturianu @IniciativaxAst nel momentu de presentar el micropoema o micropoemes n’asturianu, pudiendo usar les abreviatures habituales en Twitter, con procuru pa col bon entendimientu y bon usu de la llingua.

   Nes bases afítase que van poer usase imáxenes con testos más llargos o semeyes complementaries al mesmu. Los testos han publicase en Twitter en namás un tuit qu’incluya’l hashtag o etiqueta #PoesíaLlingua.z/p>

   Pueden presentase en total un máximu de 10 micropoemes por cada autor ente les 23:59 del 20 de marzu y les 23:59 del 23 de marzu de 2015. El 24 daráse anuncia del fallu del xuráu y de los resultaos populares.

Iniciativa pol Asturianu retuitiará tolos micropoemes presentaos y los 10 d’autores estremaos qu’acumulen un mayor númberu de retuiteos dientro de les feches afitaes van ser los ganadores de los premios populares.

   Habrá un primer premiu popular y trés primeros premios del xuráu, amás de diez finalistes ente los votos populares, contabilizaos al traviés del númberu de retuiteos de cada poema. Los premios van entregase nel actu que va celebrase nel Conseyu de la Mocedá de Xixón, el 25 de marzu de 2015 a les 19 hores, cuando se lleerán los poemes.

   Hasta agora sumáronse al patrociniu del concursu Algamar Producciones, Asturtoons Editorial, Ediciones Trabe, La Sidra, Pintar-Pintar Ediciones, Revista Formientu y Suburbia Ediciones, a los qu’Iniciativa pol Asturianu quier dar el máximu agradecimientu por facer posible los premios d’esti concursu entamáu, como toles actividaes de l’asociación, ensin nengún tipu d’ayuda pública.                                                      Fonte: asturnews.com

XIV Selmana Cultural en Cangas del 23 al 27 de Marzu

   Demientres los próximos díes 23 al 27 de marzu, Cangas del Narcea va celebrar la so XIV Selmana Cultural, con un perinteresante programa d'actividaes que va entamar el llunes día 23, cola inauguración de la esposición colectiva d'artistes cangueses que se presenta sol lema "Arte con denominación d'orixe" y un cartelu de Neto. La cita va tener llugar na Casa de Cultura "Palacio Omaña", a partir de les 19 hores y la esposición, va poder visitase mientres tola selmana nel horariu d'apertura de la Casa de Cultura.

   El martes 24 va acoyer la proyeición del documental "La Descarga: documental de Cangas", curtiumetraxe protagonizáu pola canguesa Foína del Pocu y Juan Ramón Lucas "Quédate equí". El miércoles 25 la protagonista va ser lamúsica de la mano del tenor d'orixe cangués Moisés Molín, quien va cuntar col acompañamientu al pianu d'Olga Semosine. El conciertu va tener llugar nel Teatru Toreno, a partir de les 20,30 hores.

   El xueves 26 volverá ser xornada musical, col conciertu la violinista canguesa Belinda Álvare nel Teatru Toreno, a partir de les 20:30 hores. Y pa finar, el vienres 27, la cantante Tania Pereira y la so banda van pesllar la XIV Selmana Cultural nel Teatru Toreno, a les 20,30 hores.
                                                                              Fonte: asturnews.com

Esther Prieto algama'l IX Premiu Timón 2015

Na semeya, Esther Prieto, Premiu Timón 2015

   La escritora cabraliega Esther Prieto ye la ganadora del IX Premiu Timón pa escritores en llingua asturiana y eonaviego convocáu pola Asociación Cultural L'Arribada, según alcuerdu d'un xuráu formáu por Vicente García Oliva, David M. Rivas, Xuan Pandiella y Humberto Gonzali, actuando como secretaria Mayte González.

L'autora, nacida n'Arenas en 1960, ye llicenciada en Filoloxía Hispánica pola Universidá d'Uviéu. Ente los títulos qu'integren la so obra espublizao destaquen los llibros de poesía Edá de la memoria (1992) y La mala suerte que ganó en 1998 el premiu Teodoro Cuesta. En 2001 llogra'l XXII Premiu Xosefa de Xovellanos cola novela Güelu Ismail. Creadora tamién d'obres de lliteratura infantil, apaez nes principales antoloxíes poétiques asturianes y, con dos cuentos, na antoloxía Muyeres que cuenten (1994).

   Esther Prieto ye la responsable de la edición lliteraria de la obra de dos autores de postguerra, Llorienzu Novo Mier (1991) y Cuno Corquera (1993) y autora de Gramática d'asturianu. Guía de consulta rápida. Trabaya na editorial Trabe en calidá de codirectora.

   A la edición de 2015 del Premiu Timón presentárense, amás de la d'Esther Prieto, les candidatures de Lurdes Álvarez, Cristina Muñiz Martín, Xosé Miguel Suárez, Esther García López, Belén Rico, Adolfo Camilo Díaz, Taresa Lorences, Xavier Frías Conde, Ignaciu Llope, Xosé Lluís Campal, Xulio Berros, Xulio Arbesú, Alberto Cobreros Gil, Consuelo Vega, Milio’l del Nido, Carme Martínez Pérez, Xilberto Llano y Ánxel Álvarez Llano.

Los ganadores anteriores del Premiu Timón fueron Nené Losada Rico (2007), Xuan Xosé Sánchez Vicente (2008), Manuel García ‘El Galano’ (2009), Roberto González-Quevedo (2010), Vicente García Oliva (2011), Antón García (2012), Miguel Rojo (2013) y Xosé Bolado (2014)

   El gallardón del Premiu Timón, consistente nuna obra del escultor y ceramista xixonés Jesus Castañón, entregaráse en setiembre mientres la cellebración de la décima edición de L’Arribada.        Fonte: asturnews.com

García Arias repasa esti vienres en La Llegra 40 años de reivindicación llingüística n'Asturies

Esti vienres a les 19:30 nel Llar La Llegra (Cai El Postigu Baxu 40, Uviéu)

   Charra a cargu de Xosé Lluís García Arias, caderalgu de Dialeutoloxía na Universidá d'Uviéu, primer presidente de Conceyu Bable y de l'Academia de la Llingua Asturiana dende la so creación, en 1981, a 2001 y máxima figura de la filoloxía asturiana.

   Un repás a la historia del movimientu de reivindicación llingüísticu n'Asturies dende la creación de Conceyu Bable, organización qu'entamó hai xusto 40 años, hasta anguaño. Llogros algamaos, perspeutives y retos pal patrimoniu llingüísticu del país.                Fonte: Infoasturies.net

Iniciativa pol Asturianu denuncia la intención de la Conseyería d’Educación de recortar el 75% de les hores de Llingua Asturiana en Bachilleratu

La organización ve nesta decisión la verdadera cara de la Conseyera Ana González, que siempres echa la culpa a otros de los problemes del asturianu eludiendo la so responsabilidá directa

Pintada de 1981 reivindicando la llingua nes escueles

   Iniciativa pol Asturianu denuncia la situación que-y espera a l’asignatura de Llingua Asturiana en Bachilleratu de confirmase los planes de la Conseyera d’Educación del Gobiernu d’Asturies, Ana González, y que pudieron sabese estos díes pol borrador del currículu unviáu a los centros educativos asturianos. Un borrador nel que la Conseyera González vuelve a usar la LOMCE pa escudase y atacar a la llingua asturiana, recortando 3 de les 4 hores selmanales que tien l’asignatura optativa.

   Pa Iniciativa pol Asturianu esta decisión ye llamentable y un ataque directu al nivel educativu nel que l’asignatura tien una situación más feble, pues ye en Bachilleratu onde hai un menor porcentaxe de matriculación, frutu de les polítiques d’Educación n’Asturies, qu’eviten que l’asignatura pueda ser materia evaluable na PAU, faciendo que munchos alumnos prefiera optar por otres materies que sí-yos puntúen p’acceder a places universitaries.

   Esixen a la Conseyera que retire de manera inmediata esti borrador de currículu y que dexe a l’asignatura de Llingua Asturiana pelo menos nes mesmes condiciones (yá negatives) que tenía hasta agora en Bachilleratu.

Según denuncien tamién, "l’asignatura tendrá que competir con otres llingües estranxeres y con Relixón, nuna situación inxusta y absurda. La Conseyera dicía va poco tar esforzándose por consiguir la especialidá docente pal profesoráu d’asturianu. Agora vemos cuáles son les sos verdaderes intenciones".

   Esta situación vienen denunciándola organismos internacionales como’l Conseyu d’Europa o la UNESCO "y ye la que ta llevando a la llingua asturiana a la marxinalidá y la desapaición y por ello, dende Iniciativa pol Asturianu esiximos a la Conseyera Ana González que dea esplicaciones y nun recorte todavía más la presencia del asturianu en Bachilleratu, pa lo que-y fadremos llegar un entruga que s’entregará nel Rexistru del Gobiernu d’Asturies", finen apuntando.                                                                                                                                      Fonte: Infoasturies.net

Ástura va afondar nes causes del cambiu d’un mundu tradicional a otru mercantilizáu nel sieglu pasáu al traviés de la evolución de les romeríes

Romería asturiana

   Jorge Uría va protagonizar esti martes la charra mensual de l'asociación cultural Ástura nel Atenéu Obreru de Xixón, que lleva’l nome de ‘Les romeríes asturianes al aniciu del sieglu XX’. El profesor d’Historia Contemporánea na Universidá d’Uviéu va afondar nes causes del cambiu d’un mundu tradicional a otru mercantilizáu al traviés de la evolución d’estos festexos.

   Los responsables de l’asociación cultural espliquen que’l puxu que vivieron les romeríes nos años finales del sieglu XIX y nos primeros del pasáu “taba en rellación col grau d’espardimientu de la población, con una economía campesina amenorgada y cola falta de contautu coles novedaes culturales de la dómina: l’ociu mercantilizáu, los bailles de pago, los teatrinos de varietés o, más llueu, el cine”. Asina, nesi universu rural “atopábense entovía exemplos d’indumentaria tradicional, de romeríes al rellumu les fogueres y de música y bailles a lo suelto con gaiteru y tamboriteru”, pero la llegada de moo de tresportes nuevos, la lluz, formes d’ociu nueves o’l baille agarrao provocó “una tresformación radical” en “filandones, esfoyaces, amagüestos, feries y mercaos y, perriba too, romeríes”, sobre manera na zona central del país, “onde los elementos tradicionales diben quedando arrequexaos cuando non desaniciaos”. Uría va aprovechar estos exemplos p’afondar “nes causes (sociolóxiques, económiques, culturales, etc.) del camudamientu del mundu tradicional y la cultura popular del sieglu XIX al mundu mercantilizáu, industrializáu y aforfugáu del sieglu XX”.

   Profesor titular d’Historia Contemporánea na universidá asturiana dende’l 1991, el convidáu d’Ástura pa esta charra tamién da cursos d'Historiografía Contemporánea Universal, d'España, del Mundu Actual y d'América Llatina, ente otros, y d'especialización doctoral. Ye davezu profesor invitáu en delles universidaes, como la François Rabelais de Tours, la Sorbonne Nouvelle, la Bradford University, la University of Leeds, la State University de New York, la Universidá de Belo Horizonte o la Sorbonne-Panthèon, la meyor universidá de Francia y una de les cimeres del mundu. Uría tien asoleyaos más de diez llibros de tema históricu, munchos d'ellos dedicaos al estudiu de la historia social, la cultura popular y la vida cotidiana n'España y n'Asturies finando'l sieglu XIX y los anicios del XX, y ye responsable del artículu ‘De la fiesta tradicional al tipismo mercantilizado. Asturias a principios del siglo XX’ espublizáu nel ‘Bulletin d'Histoire Contemporaine de l'Espagne’. La conferencia del historiador va celebrase a les 19.30 hores nel Atenéu Obreru de Xixón (Cuadonga, 7), con entrada llibre.                                                                                    Fonte: astuires.com

Luis Casteleiro: “Pretendemos conformar un corpus dixital lo más grande posible de dictaos tópicos referíos a Asturies”

Luis Casteleiro

El Seminariu de Filoloxía Asturiana de la Universidá d’Uviéu ta acabante de dar el primer pasu del proyeutu Dictadoloxía Tópica d’Asturies col espublizamientu nuna web de los dictaos tópicos referíos a Asturies atropaos nun trabayu del gallegu Camilo José Cela inéditu na so mayor parte. Luis Casteleiro Oliveros (A Veiga, 1973) ye’l responsable d’esta iniciativa xunto con Ramón d’Andrés.

¿Qué s’entiende por dictaos tópicos?   El conceptu de dictáu tópicu ye realmente bien ampliu, yá qu’incluye cualquier construcción o enunciáu que contenga dalgún topónimu o faiga referencia a una determinada entidá de población o a los sos habitantes. Por tanto, son dictaos tópicos los xentilicios y los nomatos, pero tamién aquellos cantares o refranes que faigan dalguna referencia a un llugar.

Pal so estudiu naz el proyeutu Dictadoloxía Tópica d’Asturies.        Dictadoloxía Tópica d’Asturies ye un proyectu ambiciosu de recuperación patrimonial. Lo que pretendemos ye conformar un corpus dixital lo más grande posible de dictaos tópicos referíos a Asturies, a los sos conceyos y localidaes. Pa ello vamos sirvinos de material de cancioneros, refraneros, etc., y complementar los vacíos d’información con datos procedentes de trabayu de campu.

¿Qué nos pueden aportar estos dictaos tópicos?      Amás del interés puramente filolóxicu, los dictaos tópicos son instrumentos simbólicos d'una comunidá y dan claves sobre los factores que determinen la identidá d'un grupu. D’esta miente, conociendo los dictaos tópicos d'un llugar podemos ver qué imaxe y valores proyecta sobre sí y tamién al esterior.

El primer pasu del proyeutu ye ‘Asturies nel Diccionario Geográfico Popular de España de Camilo José Cela (DGPE-Astur)’, espublizáu recién. ¿En qué consiste?       Editamos nun portal web la información que les oficines de correos asturianes apurrieron pal ‘Diccionariu Xeográficu Popular d'España’ de Camilo José Cela. L'escritor gallegu pretendía publicar 19 tomos con tolos dictaos tópicos d'España y ante la imposibilidá d'encarar en solitariu un trabayu tan ampliu pensó en pidir ayuda a les persones que teníen capacidá de llegar a tolos llugares del país, inclusive a los más alloñaos: los carteros, que pasaron a ser tamién encuestadores de campu.

Lo que ficimos agora ye dixitalizar toles fiches qu'ellos ellaboraron nel añu 1971 con datos relevantes pal territoriu asturianu, pa dempués trescribir y etiquetar les informaciones incluyíes nos distintos campos. Finalmente, tresfiriéronse a una base de datos que dexa realizar consultes por testu llibre, pol llugar de recoyida de la ficha, pol llugar de referencia o pol tipu de datos (xentiliciu, nomatu, refrán, cantar…).

¿Por qué nun terminó nunca Cela esti trabayu qu’anició na década de los 60?        Sabemos que Cela atropó unes 25.000 fiches, pero finalmente namás ún de los tomos proyectaos llegó a espublizase (editóse en 1998 y nél recoyíense cuestiones metodolóxiques y tolos dictaos topicos que llevaben la palabra ‘España’ o'l xentiliciu ‘español’). Desconocemos la razón pola qu'abandonó'l proyectu, dexando arrequexáu tol material.

¿Qué repercusión tuvieron nel so momentu les encuestes feches al traviés de carteros?  La verdá ye que nun hebo repercusión pública nenguna. Hai qu'indicar, eso sí, que dellos eruditos locales, avisaos polos carteros, escribieron a Cela pa facilitar datos o ponese a la so disposición pa recoyelos. Parte d'esa correspondencia incorporóse tamién al DGPE-Ástur.

¿Cómo surdió la posibilidá d’acceder a la parte asturianu d’esti estudiu?   L’Intitutu da Lingua Galega llevó alantre un proyectu similar va unos años. Fueron ellos quien nos falaron de la existencia d'un material inédito bien interesante referíu a Asturies. Al tener noticia d'esto contactemos cola Fundación Camilo José Cela, que nos facilitó l’accesu a les fiches de los carteros asturianos.
 Como ye normal, hubo que firmar un conveniu pa poder dixitalizar el material. Dende'l primer momentu, la disposición de los xestores de la Fundación Cela foi escelente, pero nestes cuestiones siempres son necesarios unos trámites alministrativos más llargos de lo que quixéramos.

¿Cuántes entraes tien el DGPE-Astur?       Son un total de 1.620 dictaos tópicos (ente xentilicios, nomatos, refranes y cantares) que faen referencia a 613 localidaes asturianes. A partir d'equí, dirán incorporándose mensualmente nuevos datos tomaos d'otres publicaciones o de trabayos de campu.

¿Qué datos aportó’l so estudiu?     Como-y dicía, lo que fiximos hasta agora ye clasificar, etiquetar y divulgar los datos. Esto ye, tamos entá na fase inicial del estudiu, pero parez que los resultaos van ser bien interesantes.

¿Hebo daqué que-yos llamara l’atención sobre manera?  Son munches les cuestiones d’interés que recueye’l DGPE-Astur: dende xentilicios asturianos desconocíos hasta coples alusives a fechos hestóricos güei escaecíos. Abonden tamién los xentilicios o nomatos d'oficios que güei yá nun existen, pero que nel pasáu tuvieron una presencia bien curiosa n'Asturies.

Les entraes reflexen un emplegu importante de la toponimia tradicional ente la población. ¿Amuesen estos refranes y cantares una mayor vitalidá de la llingua asturiana nos década de los 70?      Sí, ensin dulda. Los más de los refranes, cantares o nomatos tán n'asturianu o gallego-asturianu, anque tamién ye frecuente que los xentilicios se presenten acastellanaos, sobre manera nes terminaciones.

El DGPE-Astur tamién suma términos de los territorios vecinos, Zamora, Salamanca y Madrid.       Sí, per un llau hai datos recoyíos polos carteros de Ribadeo, A Fonsagrada o Potes, por poner trés exemplos concretos, que se refieren a territoriu asturianu y que necesariamente teníen que s’incluyir nel nuestru proyectu. Amás, tamién conseñemos los datos arrexuntaos por carteros asturianos y qu'aluden a les provincies vecines.

En comparanza con otros países, ¿cómo foi la collaboración de los carteros y ciudadanos?        Pue dicise que los carteros asturianos acoyeron l'encargu con ilusión desigual. Dalgunos consideraron que yera una xera rutinaria y namás incluyeron nes fiches datos obvios, pero otros entusiasmáronse col proyectu y ficieron centenares de consultes gracies a les que se recoyeron datos bien detallaos y relevantes.

¿Cuál va ser el siguiente pasu de Dictadoloxía Tópica d’Asturies?       El pasu más inmediatu va ser la incorporación de los refranes con referencia toponímica incluyíos nel llibru de Xulio Viejo ‘Paremias populares asturianas (estudio, clasificación y glosa)’, que va pocos meses publicó l’Institutu Cervantes.     
                                                                                                                 Fonte: asturies.com

La XDLA demanda l’usu del asturianu na promoción de productos autóctonos pa ganar identidá y visibilidá ente los consumidores

   El videu de promoción de l’Asociación Queseros Artesanos Principado de Asturias, asoleyáu la selmana pasada, escaeció l’usu del asturianu. Esti fechu que yá se repitió n’otres campañes asemeyaes de productos con tantu raigañu como la sidra o la xata roxa ye pa la Xunta pola Defensa de la Llingua Asturiana (XDLA) un error a la hora de vender nel esterior.

   El sellu de calidá baxo’l que se xunen unes cuarenta queseríes del país cuenta cola collaboración de la Conseyería d’Agroganadería y Recursos Autóctonos, que debería mirar pola presencia del idioma nesti tipu de campañes. “El videu de promoción de l’Asociación Queseros Artesanos Principado de Asturias nun ye un casu aisláu de maltratu y diglosia pa cola llingua asturiana na promoción de los productos asturianos. Nestos años vienen publicándose dellos anuncios de sidra, carne de xata roxa asturiana y d'artesanía d’Asturies, ente otros, que nun respeten de nenguna manera l’asturianu nin el gallego-asturiano y que s’escuden na promoción esterior d’estos recursos pa usar namás el castellanu, en cuenta d’una difusión d’un videu nes llingües propies d’Asturies y una subtitulación nes llingües que sían pa los territorios a los que se pretenda llegar, como’l castellanu, inglés, chinu, etc.”, apunten dende la XDLA, que pon l’exemplu de Galicia, Euskadi y Catalunya, onde los anuncios con perres públiques de productos autóctonos fáense en gallegu, vascu, catalán y aranés, con un ésitu importante na so comercialización.

   “Tamos énte un sector que xenera emplegu y actividá económica y que tien que se concienciar de la so asturianidá pa poder vender al esterior un productu de calidá con una identidá diferente a lo que se pueda atopar n’otros sitios y asina consiguir la visibilidá que tien que tener pal gran públicu”, continúa l’asociación cívica nun comunicáu. “Nestos tiempos de crisis y recortes, col idioma como ún de los primeros afectaos pola época económica mala, nun se pue entender que nun s’use l’asturianu cuando nun cuesta dineru la so aplicación a un trabayu d’edición nuevu: los queseros y queseres que participen na promoción, si l’Asociación Queseros Artesanos Principado de Asturias tuviere apreciu pola llingua, podríen facelo perfectamente n’asturianu, sin tener un coste añadíu a la preparación del videu”, considera la XDLA, qu’esixe a l’Alministración “la visibilidá de la rellación estrecha de los productos d’Asturies cola llingua asturiana” y qu’ayude a “la máxima difusión posible, dalgo a lo que nun podemos renunciar nunca y menos nestos tiempos. Tolos sectores que trabayen pola recuperación de la nuestra tierra son fundamentales p'asegurar el futuru mesmu d'Asturies”. Fonte: asturies.com

BG Naranco y BG Corvera participen esti martes nel Saint Patrick's Day Parade

Dambes bandes van representar a Asturies nesti prestixosu festival pol día de San Patriciu

Na semeya la BG Naranco

   El Saint Patricks Day Parade ye'l desfile más multitudinariu de cuantos se cellebren nel mundu al santu patrón irlandés, y tamién el más antiguu, remontándose'l so orixe al añu 1762. Dende entós, ya ininterrumpidamente, tolos años tien llugar peles cais de Nueva York esti vistosu actu, que de nuevu va cuntar con representación asturiana.

   La Banda Gaites Naranco, col céllebre Xuacu Amieva -Premiu Eduardo Martínez Torner 2014- a la tiesta, sedrá una de les formaciones asturianes presentes pa esti desfile. Depués de participar nel de Newport na fin de selmana, esti martes llega'l gran actu pa la banda carbayona, a la que va xunise por séptimu añu la Banda Gaites de Corvera.
Fonte: Infoasturies.net

Froles mirandesas: You pormeti-le a Amadeu

 

Retrato sacado nun de ls cursos de mirandés menistrado pul porsor Amadeu

Puosto por faustino.antao

  L miu mundo, l pequeinho mundo ne l que toca a saber lher i screbir, quaije se puode dezir que stá debedido an dous.

  Purmeiro quando daprendi a lher i screbir pertués na scuola purmaira de Zenízio, segundo quando daprendi a lher i screbir mirandés, ne ls cursos menistrados pul porsor Amadeu Ferreira.

  Dous ampeços, bien çtintos i bien defrentes, porque acuntecírun an eras apartadas ua de la outra, an sítios i cun defrentes motibaçones. Assi i todo puodo dezir-se que dambos a dous ténen cousas bien quemuns, porque ne ls dous causos tubírun la mano de porsores.

  Quier un quier outro marcórun, se marcórun la mie bida para siempre.

  Nacido nua família que pai i mai nun sabien lher nien screbir, mas que bien debrebe antendírun que ls sous filhos nun puodien quedar sien esta ferramienta pa la bida. Saber lher i screbir era amportante, i alhá mos mandórun a fazer la scuola purmaira.

  Bien háian, mas nunca serei capaç de pagar tamanha díbeda para cun eilhes i culs porsores i porsoras que fazírun l milagre.

  Fiç la purmaira, i assi la seinha de partida staba dada, andar alantre fui cumigo, quedei por mie cuonta, i alhá fiç l lhiceu, que bien jeito me dou.

  Cul mirandés quaije fui de l mesmo modo, quaije se puode acumparar, dei ls purmeiros passicos na scuola (cursos daprendizaige) i pula mano de l mestre, scritor, ambestigador, porsor Amadeu.

  Fúrun an tiempo i cun motibaçon defrente, porque antendi que nun podie quedar sien saber screbir nien lher la mie lhéngua d’ourige, aqueilha que mius pais falában i m’ansinórun, mesmo sien saber lher-la nien screbir-la, aquando rapazico,. I tenendo la suorte de haber coincido pouco tiempo dantes un tiu cun tanto saber, cun tanta gana de trasmitir, dibulgar, ansinar, sparbar este patrimonho lhenguístico, era eirrado nun me çponiblizar, daprender la scrita i la lheitura.

  Fiç-lo i buona fui la hora, cumo mirandés ua oubrigaçon, cumo cultura un deber, i bieno cumo auga para atamar la mie sede.

  Debo a el, al mestre i porsor Amadeu, ir caminhando neste campo lhargo i custoso que ye screbir mirandés. Fazer-lo dun modo que l mundo m’antenda. Debo a el tener publicado crónicas, cuontas, lhiendas. lhibros. Sien las sues upas, sien las sues motibaçones, nunca habie publicado nada. Nunca, tamien eiqui, serei capaç de pagar tamanhos ansinamientos de cultura i lhéngua mirandesa.

  L mestre deixou-mos mas tamien mos deixou registros, obras, motibaçon bastante para que las semientes béngan a nacer, medrar i dar fruitos. Amadeu Ferreira apuntou oujetibos, zbrabou i alisou carreirones i caminos, deixou ferramientas, stá nas nuossas manos hounrar tamanhos feitos. Nun parar esta eipopeia ye hounrar la sue mimória.

  Siempre me dixo, “tu nun pares, scribe, scribe siempre ye a screbir que daprendemos i melhoramos, ye a screbir que bamos fazendo camino, ye a screbir que registramos l patrimonho de la lhéngua que son las palabras”

  Pormeto, assi bou a fazer, porque le debo esso.   

                                                            Fonte: froles mirandesas.blogspot.com.es

Denuncien el «setge al català» a la Franja de Ponent

Plataforma per la Llengua critica els "atacs" del govern aragonès i "l'absurd" d'anomenar lapao a la llengua catalana

La Plataforma per la Llengua ha engegat una campanya per denunciar la situació del català a la Franja i denunciar "l'absurd" que suposa el lapao en la realitat lingüística de la zona. La campanya simula un joc a través del web estimoelcatala.cat que convidarà els usuaris a "aprendre" lapao i a traduir-hi algunes paraules del català. Es tracta d'una acció de sensibilització amb la qual l'entitat pretén alertar sobre "l'atac" al català a la Franja de Ponent i aconseguir adhesions per portar la problemàtica a Europa, "tenint en compte els intents repetits dels governs espanyol i aragonès per aniquilar el català a la zona".

La plataforma denuncia que el lapao (Lengua Aragonesa Propia del Área Oriental) "no existeix" i subratlla que és una denominació "creada artificialment" per al català pel Govern d'Aragó, amb l'objectiu "gens dissimulat d'anorrear" aquesta llengua a la Franja de Ponent. L'entitat considera el lapao "el primer pas per acabar amb el català en aquest territori", i denuncia que s'han començat a fer públics casos d'escoles de la zona que s'han queixat que el govern aragonès de Luisa Fernández Rudi està substituint progressivament el lapao pel català en els currículums escolars.

"L'objectiu és clar: dividir, segregar i esborrar de l'imaginari col·lectiu cap rastre de català, en la línia d'altres polítiques equiparables que els governs del Partit Popular estan aplicant en els diversos territoris de parla catalana", asseguren.

En aquest context, la campanya que Plataforma per la Llengua posa en marxa a través del web estimoelcatala.cat vol denunciar "l'absurd de la invenció d'aquesta nova llengua". Els usuaris que hi accedeixin hauran de respondre una pregunta traduint una paraula del català al lapao, que serà la mateixa.

També s'aprofita per explicar a les persones que participen en la campanya la situació del català a la Franja i se'ls demana que s'adhereixin a un manifest que es vol enviar al Parlament Europeu per "evidenciar el setge" al català en aquest territori.

Fonte: Nació Digital

La población que habla euskera crece en todas las zonas de Navarra

EFE. PAMPLONA/IRUÑEA

• Un estudio del Gobierno foral señala que la población bilingüe ha pasado del 9,9% de 1991 al 11,8% en 2001 y al 13,68% en 2011

La población bilingüe, la que habla y entiende bien el castellano y eleuskera, y la bilingüe pasiva, que dice entender el euskera pero no lo habla, ha aumentado en los últimos veinte años en toda Navarra.

Así se recoge en el mapa del euskera de Navarra, que analiza la evolución del euskera en el periodo comprendido entre 1991 y 2011 y que sido presentado este martes por el consejero de Educación, José Iribas, quien ha apuntado que el mayor incremento de la población bilingüe se da entre los más jóvenes.

En el conjunto de la Comunidad foral la población bilingüe ha pasado del 9,9% de 1991 al 11,8% en 2001 y al 13,68% en 2011; los bilingües pasivos han aumentado del 4,6%, al 8,2 en 2001 y al 10,4% en 2011 y los no vascófonos han descendido del 82,6, al 78,4 y al 74,08 en 2011.

En el caso de la zona Vascófona el porcentaje de bilingües es del 58,2% y el de bilingües pasivos del 13%; en la Mixta los bilingües representan el 12,41% y los bilingües pasivos el 8,8% y en la No Vascófona los bilingües han aumentado hasta el 3,82% y los bilingües pasivos hasta el 7,63%.

Iribas ha remarcado el "escaso valor práctico" que tienen los datos generales referidos al conjunto de la Comunidad foral y ha incidido en que lo interesa es conocer cómo afectan a cada una de las zonas recogidas en la ley.

Iribas ha remarcado el "escaso valor práctico" que tienen los datos generales referidos al conjunto de la Comunidad foral y ha incidido en que lo que interesa es conocer cómo afectan a cada una de las zonas recogidas en la ley.

A pesar de este aumento en el conocimiento, apenas existe población en las zonas Mixta y No Vascófona que habite en municipios con más de un 20% de bilingües. El porcentaje era del 1,14% en 2011 en la zona mixta y del 0,28% en la No Vascófona, frente al 60% de la población de la zona Vascófona que habitaba en un municipio con una densidad de bilingües superior al 50%.

Además, el porcentaje de población que declara que el euskera es la lengua más hablada en la infancia se mantiene en todo este período en valores del 2,7 % y 0,5% en las zonas Mixta y No Vascófona.

Al respecto Iribas ha señalado que en todas las zonas aumenta el porcentaje de población que tiene como lengua materna y más usada en casa una distinta al castellano y euskera debido a los flujos migratorios, sobre todo en la zona No Vascófona.

La inmigración también influye en el hecho de que el castellano aumente un poco como lengua más hablada en casa en la zona Vascófona, según ha precisado el consejero, quien ha incidido en que los niveles de conocimiento del euskera y su presencia como lengua familiar son "enormemente diferentes" en las distintas zonas lingüísticas, de acuerdo con "la propia realidad sociolingüística de Navarra".

La evolución reflejada en el mapa "deja claro que debemos utilizar la lengua adecuadamente", ha sostenido Iribas, quien ha puesto en valor el uso de una lengua y su aprendizaje y ha defendido la actual ley del Vascuence frente a la modificación que se está estudiando en el Parlamento y que, a su juicio, "no tiene sentido".

Ha opinado que "no hay una motivación consistente en la proposición de ley" y ha aludido a los datos de matriculación que constatan que "los centros concertados están atendiendo a la demanda existente y la previsible con plenas garantías".

Además, ha alertado sobre los efectos que puede tener el cambio "desde el punto de vista económico, de desdobles de dotaciones o desarraigo de determinadas localidades que por haber un número pequeño de niños se tengan que desplazar a otras localidades", así como la "afección severa" que pueden sufrir las ikastolas.

Iribas ha subrayado la "importancia de mantener el equilibrio del sistema educativo" y ha instado a las fuerzas no nacionalistas a ser capaces de mantener espacios de acuerdo en torno al euskera, frente a los nacionalistas que buscan una "escuela pública euskaldun", que conlleva "hacer que el euskera sea oficial en toda Navarra, con lo que supone de derecho de conocerlo y deber de estudiarlo".
Fonte: DiariodeNavarra