El martes 12 d'abril, el Conceyu de Xixón, al traviés de la Oficina Municipal de la Llingua, entamó la ochava edición de los Alcuentros de la Mocedá cola Llingua Asturiana Saca la llingua, que desenvolviéronse en Llaboral Ciudá de la Cultura a lo llargo de la mañana d'esi día, y nos que participaren más de cuatrocientos escolinos.
El programa faise en collaboración colos centros educativos del conceyu y busca qu'éstos asuman el so papel como axentes de normalización llingüística, potenciar el desenvolvimientu d'actividaes de promoción social de la llingua asturiana que sían atractives pa los más mozos, favorecer una reflexón sobre la situación del asturianu y la importancia d'activar acciones a favor d'ello y asociar esa reflexón llingüística a actividaes coleutives, lúdiques, prestoses, culturales y interdisciplinaries.
Al ser 2011 l'Añu Internacional de los Montes, los Alcuentros ficiéronse nun sitiu especialmente significativu como ye la Universidá Llaboral, y ente los actos destaca una gimkana cultural alredor de los montes y lo verde y un percorríu pa descubrir la intrahestoria de la Llaboral. Amás d'eso, tamién hebo cuentacuentos, talleres de rap, de baille, de cómic, de doblaxe y de rock, xuegos tradicionales y proyeición de vídeos. Fonte: RTPA-Estaya d’asturianu
...buscando atraer a la mocedá asturiana escontra la llingua ente otres munches coses.
ResponderEliminar¿Pues desplicate meyor?.
ResponderEliminarPos eso mesmo María, tratar d'un gran esfuerzu por atraer a la mocedá, pero a tola mocedá non solo les universitaries, a la cultura-tradiciones-fala-escritura-normalización del asturianu. Pero'l primer pasu sería intentar por tolos medios habíos y por haber que los nuesos proclamaos servidores públicos esto ye los políticos (paez que nun se concencien d'eso nin ellos mesmos...) proclamasen d'una vegada la oficialidá de la llingua, que pa eso tán, pa servir a la xente y pa eso son escoyíos pol pueblu, amás otorgar a sí mesmos unos privilexos increíbles que munchas vegaes anoxen y arrebolen a la inmensa mayoría la xente.
ResponderEliminar