La Universidá convoca’l IV Concursu Lliterariu

La Universidá d’Uviéu vieno acabante de convocar la cuarta edición del so Concursu Lliterariu al que puen presentase llibros, relatos y poemes, tanto en castellán como n’asturianu, compitiendo ente elles les obres nos dos idiomes ensin distingu dengún por un premiu de mil euros por modalidá.

Hasta’l 17 de mayu va tar abiertu’l plazu de presentación d’orixinales al VI Concursu Lliterariu Universidá d’Uviéu, pa llibros de poemes y de relatu curtiu escritos indistintamente n’asturianu o en castellán. Ta dotáu con 1.000 euros por modalidá y la publicación de la obra premiada. El concursu ta destináu a estudiantes matriculaos en cualesquier de les enseñances impartíes en centros propios de la Universidá d’Uviéu, y escuerre aguiyar la creatividá y los vezos de llectura y escritura na comunidá universitaria.

Nel añu 2015, el xuráu, presidíu por Leopoldo Sánchez Torre, vicerrector d’Estensión Universitaria y Comunicación, decidió estremar ‘El Espejo’, de Fidel Sánchez, na modalidá de relatu curtiu; y ‘La senda recorrida’, de Candela de les Heras, en poesía. Na edición anterior, la de 2014, la estudiante de química Silvia Pérez, cola so novela ‘Versos para tragasables’, y l’estudiante de Telecomunicaciones, Diego álvarez, col so poemariu ‘Lugares últimos’, fueron ganadores del certame lliterariu de la Universidá d’Uviéu na so cuarta edición. Nel 2014 participaron un total de 37 orixinales.

Fonte: Asturnews

El Conceyu de Mieres comprométese con Iniciativa pol Asturianu a incluyir al asturianu nel concursu lliterariu Eugenio Carbajal

Iniciativa pol Asturianu felicita pola decisión pero recuerda qu’entá queda muncho por facer en Mieres El Conceyu de Mieres vieno acabante contestar al pidimientu d'Iniciativa pol Asturianu pa que se comprometiera a incluyir al asturianu nel concursu lliterariu Eugenio Carbajal. Iniciativa pol Asturianu unviaba va unes selmanes una reclamación al Conceyu de Mieres dempués de recibir una quexa porque esti nun permite l'usu del asturianu nun concursu lliterariu y díes dempués d’unviar la quexa la conceyala de Consumu, Xuventú ya Infancia poníase en contactu cola organización pa esplicar la so disposición a facer los cambeos necesarios pa que l’asturianu nun seya marxináu nesti concursu. El Conceyu de Mieres convoca dende va años el concursu de Rellatos Cortos Eugenio Carbajal al traviés de la Conceyalía de Xuventú, pa mozos d'ente 18 y 30 años y específica nes sos bases que los rellatos “namás van poder presentase en castellán”. Los representantes d’Iniciativa pol Asturianu desplicaron a la conceyala que con estes bases taben “marxinando dafechu la llingua asturiana nun ámbitu tan importante como'l lliterariu, y nesti casu tamién el xuvenil, onde l'asturianu tien un importante puxu y onde la normalización del idioma ye bien importante”. Iniciativa pol Asturianu, nuna nota de prensa asoleyada esti día, manifesta so "felicitación pola promesa d’esti cambéu, que tovía tamos esperando a ver sobre’l papel, pero ficimos saber tamién a la conceyala la necesidá de tomar munches más midíes, pues el Conceyu de Mieres tien entá muncho que facer nel ámbitu de la normalización. Esti nun ye más qu’un primer xestu, qu’esperamos que pueda ponese en marcha nesta mesma convocatoria, cola inclusión d’una categoría pal asturianu dientro el concursu, xunto a otres midíes que yá-y propunxo Iniciativa pol Asturianu de cara a la visibilización y normalización del asturianu". Fonte: Asturnews

Convoquen el Premiu Teodoro Cuesta con una baxa del 25% na cuantía pal ganador

Convoquen el Premiu Teodoro Cuesta con una baxa del 25% na cuantía pal ganador


El Conceyu de Mieres, pente medies de la Casa de la Cultura “Teodoro Cuesta”, y col apoyu de la Conseyería de Cultura y Turismu d’Asturies, convoca la edición de 2012 del Premiu “Teodoro Cuesta” de Poesía, pal que puen presentase orixinales hasta’l 30 de payares. El Serviciu de Normalización Llingüística del Conceyu de Mieres punxo en conocimientu de los aspirantes al gallardón, que “tendrá estí añu una cuantía de 3.000 euros en vez de los 4.000 de convocatories anteriores”.

Nel prestixosu premiu puen toles persones que lo deseen con un poemariu inéditu, orixinal y escritu en llingua asturiana, entregando orixinal y cuatro copies. La entrega podrá facese per corréu certificáu o entregándolo en mano en: Casa de Cultura “Teodoro Cuesta”(secretaría). Manuel Llaneza 8, 33600, Mieres. Asturies.

Los poemarios han dir ensin firma, con alcuñu o lema y figurando’l so nome y les señes en sobre zarráu.

Concederáse un únicu premiu dotáu con 3.000 euros, contemplándose promover la so publicación. Sicasí, el xuráu podrá declarar desiertu’l premiu y el fallu va ser inapelable.

Pa más información pue acudise a la Casa de Cultura “Teodoro Cuesta” o llamar a los teléfonos 985 45 62 92 o 985 45 06 66, escribir a cultura@ayto-mieres.es ó llingua@ayto-mieres.es ó consultar la so web www.ayto-mieres.es/cultura

Fonte: Asturnews

III Concursu lliterariu "Demuestra'l to amor pola llingua"

‘Demuestra’l to amor pola llingua’, concursu lliterariu de Xunta Moza, algama la so tercer edición

por Pablo R. Guardado

Xunta Moza ta acabante de convocar la tercer edición del concursu lliterariu ‘Demuestra’l to amor pola llingua’. Los interesaos en participar tienen hasta’l martes pa declarase a la so llingua materna en 140 carauteres.

Ye precisamente nesa fecha, el 21 de febreru, cuando a nivel mundial se celebra’l Día Internacional de la Llingua Materna, xornada conmemorativa instaurada pola UNESCO a favor del plurillingüísmu y la diversidá llingüística. La estaya moza de la Xunta pola Defensa de la Llingua Asturiana (XDLA) pretende asina collaborar pa difundir esti mensaxe y visibilizar la situación de l’asturianu.

El III Concursu Lliterariu ‘Demuestra’l to amor pola llingua’ trátase d’una iniciativa orixinal, yá que los participantes han de presentar un eslogan, frase o microrrellatu de non más de 140 carauteres –124 si la ferramienta utilizada pa concursar ye por Twitter– na que declare, en prosa o versu, el so amor y apreciu a la so llingua materna. Los trabayos pueden presentase en formatu lletrónicu, bien mandando un corréu a amorpolallingua@gmail.com, bien al traviés de Twitter usando’l hashtag #amorpolallingua; o per vía postal dirixendo les cartes a la direición de la organización: Xunta Moza, cai La Gascona 12, 3.u, 33001, Uviéu.

El ganador del concursu, que va fallase’l nun actu cultural el vienres 23 de febreru, a les 21 hores, nel CSOA La Madreña d’Uviéu, va recibir un llote de productos de la Xunta pola Defensa de la Llingua Asturiana y Xunta Moza. Dende la organización encamienten a tolos participantes a acudir a esti eventu.

Fonte: Asturies.com

Concursu lliterariu del equipu fútbol Ciares

L’equipu fútbol de Ciares convoca un concursu lliterariu futboleru.

L’equipu xixonés Unión Club Ceares acaba d’abrir el plazu pal so primer concursu de rellatos futboleros. Una convocatoria na que pueden presentase testos n’asturianu y en castellán y que titulen “Ente llínies”. La estensión másima de los rellatos ye de cinco fueyes, pudiendo mandase hasta’l 20 d'abril a Estadiu de La Cruz, Carretera La Pola, e/n, 33209, Xixón, Asturies. Ente los premios, “un paxu futboleru-cultural”, incluyendo ente otres coses más: una suscripción a la revista Panenka, llibros, una camiseta y una bufanda del Unión Club Ceares, y un carné de simpatizante del club pa la temporada 2012-2013, asoleyándose tamién un llibru colos trés premiaos.

BASES DEL PRIMER CONCURSU DE RELLATU CURTIU “ENTE LLINIES”

1. Pueden participar nesti concursu tolos aficionaos al fútbol que quieran, acullá del so orixe o l’equipu al qu’animen.

2. Pueden optar al mesmu les obres orixinales y inédites en llingua castellana o asturiana y que nun se premiaran n’otros certámenes.

3. La temática de les obres ye llibre, cola condición única de que’l rellatu tenga della relación col fútbol. Esta relación puede dir dende ser l’exe principal de la narración hasta apaecer de manera anecdótica en dalgún de los pasaxes del rellatu.

4. El relatu ha tener una estensión nin inferior a cinco fueyes nin superior a diez. Tien que se presentar mecanografiáu, con lletra Times New Roman (o asemeyada), tamañu 12, interlliniáu 1,5 y cuatro copies del mesmu. Cada autor namás puede unviar un rellatu.

5. Los trabayos presentaos tienen que llevar nel espaciu’l remitente del sobre un alcuñu envede’l nome real. Dientro del sobre tien que s’incluir al empar otru sobre zarráu colos datos del autor: nome, señes, teléfonu de contautu, alcuñu usáu y títulu del relatu. Los orixinales tienen que se mandar a: Estadiu de La Cruz, Carretera La Pola, s/n, 33209, Xixón, Asturies, España. La fecha máxima pa la recepción d’orixinales ye’l 20 d’abril del 2012, aceptándose inclusive los unviaos nesa mesma data.

6. El xuráu fórmenlu cinco persones venceyaes de dalguna manera al mundu lliterariu y futbolísticu, y con conocimientos reconocíos nesos ámbitos.

7. La decisión del xuráu nun puede recurrise.

8. Van concedese trés premios, ensin orde xerárquicu. Los premios van consistir nun paxu futboleru-cultural, incluyendo ente otres coses más: una suscripción a la revista Panenka, llibros, una camiseta y una bufanda del Unicón Club Ceares, y un carné de simpatizante del club pa la temporada 2012-2013. Amás, los relatos ganadores van editase nun llibru, entregándose a los premiaos exemplares del mesmu.

9. El xuráu va facer pública la so decisión el 18 de Mayu del 2012. Esta data podría cambiase, con avisu previu, por mor de circunstancies del club.

10. El fechu de participar nesti Concursu implica aceptar estes Bases. Toles incidencies que nun figuren nestes Bases va resolveles la organización en pro del Concursu.

Fonte: Asturnews

II Concursu Lliterariu de la Universidá d'Uviéu

Los estudiantes universitarios matriculaos nel presente cursu académicu na Universidá d’Uviéu van poder presentar los sos trabayos nes modalidaes de rellatu curtiu y poesía. La Universidá d'Uviéu acaba de convocar la segunda edición del Concursu Lliterariu entamáu dende'l Vicerrectoráu d'Estensión Universitaria, Cultura y Deportes. L'oxetivu ye fomentar la creación lliteraria ente los estudiantes universitarios, que van poder allegar na doble modalidá de rellatu curtiu y poesía, pudiendo presentar obres n’asturianu y en castellán.

El concursu ta dirixíu a los alumnos matriculaos nel cursu académicu 2011/12 n'enseñances oficiales impartíes en centros propios de la Universidá d'Uviéu. Cada concursante va poder presentar una única obra indistintamente, en castellán o asturianu, per cada modalidá. Los trabayos presentaos, de tema llibre, tendrán de ser orixinales ya inéditos, nun puen tar espublizaos total o parcialmente por cualesquier procedimientu impresu o lletrónicu, nin tienen de ser premiaos n'otru certame lliterariu enantes de la proclamación del fallu. Los comenenciudos tienen un plazu de tres meses pa presentar los trabayos.

http://www.asturias.es/bopa/2011/12/28/2011-24408.pdf

Fonte: Asturnews

VII Certame de Cartes d'Amor

El Foru de Creación y Llectura de la Biblioteca Municipal de Grau y l'Asociación Cultural Valentín Andrés convoquen el Sétimu Certame Lliterariu de Cartes de Amor San Valentín, al que pue presentase una obra orixinal, inédita y non premiada n'otros concursos, en xéneru epistolar, sobre l'amor en cualesquier de les sos manifestaciones, bien en prosa, en versu o en dambes modalidaes, incluyendo versiones en cualesquier materialización gráfica, incluyíu'l cómic.Los testos habrán tar n’asturianu o en castellán.

Les cartes habrán presentase en formatu físicu hasta’l 16 de xineru de 2012 a les 21 hores, con una estensión d’ente una y trés fueyes per una sola cara. Les obres han llevar títulu y van acompañase de los datos completos del autor (incluyíu un teléfonu de contautu), llevándose o mandándose per corréu a Biblioteca Municipal de Grau “Valentín Andrés Álvarez”, Cai Cuetu de la Muria e/n, 33820 Grau (Asturies), indicando nel sobre “Certame de Cartes d'Amor”.
L'anunciu de la carta ganadora del concursu va tener llugar el día de San Valentín de 2012, polos mesmos medios en que se convocó'l concursu. La carta ganadora va recibir como premiu 150 €, un diploma acreitativu y la so espublización na revista “Las Hojas del Foro”.

http://culturagrado.blogspot.com/2011/11/vii-certamen-de-cartas-de-amor.html

Fonte: Asturnews

II Concursu lliterariu "Declara'l to amor pola llingua"

Entamáu por Xunta Moza nel Día Internacional de la Llingua Materna
La estaya de mocedá de la XDLLA entama la segunda edición del concursu lliterariu "Declara’l to amor pola llingua".

El concursu lliterariu consiste no que vien darréu:
1.- Pensar nuna fras, eslogan o microrellatu.
2.- Mandala al corréu "amorpolallingua@gmail.com" o deposítala nel "buzón del amor" en La Casa Posafuelles (La Cuesta la Vega, 10 -Uviéu-).
3.- Escoyeránse los meyores y el testu ganador decidiráse por votación popular (21 al 25 de febreru en La Casa Posafuelles d’Uviéu).

Les bases íntegres del concursu son:
BASES
PRIMERA: Institúise un premiu únicu dotáu con un llote de productos de Xunta pola Defensa de la Llingua Asturiana y Xunta Moza. Amás, el trabayu que resulte gallardonáu pue ser imaxe de campañes de sensibilización y/o reivindicación de dambes organizaciones.
SEGUNDA: La estensión máxima ha ser de 160 caracteres, mecanografiaos (ordenador o máquina d’escribir) o manuscritos per una sola cara y perfeutamente lleíbles.
TERCERA: Ha presentase l’orixinal, escritu n’asturianu, firmáu con nomatu, y hai que lu acompañar cola plica (sobre) correspondiente onde tien que figurar el nome, apellíos, corréu lletrónicu y teléfonu del autor o autora. Cada participante pue presentar tantes obres como-y paeza.
CUARTA: El tema ye “Declara’l to amor pola llingua” y los trabayos tienen que tar vinculaos col tema de la convocatoria. Pueden tar escritos en prosa o versu. La obra ha ser rigorosamente inédita, non premiada anteriormente, nin suxeta a compromisu nengún d’edición.
QUINTA: El plazu de presentación de trabayos fina’l 20 de febreru de dos mil once a les 20:00 hores.
SESTA: Una comisión formada por militantes de Xunta Moza va escoyer les diez meyores obres y éstes van esponese en La Casa Posafuelles ente los díes catorce (San Valentín) y diecinueve (fecha na que vamos festexar el Día Internacional de la Llingua Materna) de febreru de dos mil once. Ellí van ser los veceros y les veceres quien voten la obra ganadora, ente los díes ventiún y venticinco (dambos incluyíos). Xunta Moza reserva’l drechu d’esparder la votación popular per otros medios.
SÉTIMA: La obra premiada va lleese públicamente nun actu cultural que se va facer en La Casa Posafuelles, el día venticinco a les 00:00 hores.
OCHAVA: Los trabayos presentaos van pasar a ser propiedá de la Xunta pola Defensa de la Llingua Asturiana y Xunta Moza.
NOVENA: Nun se van volver los trabayos presentaos.
DÉCIMA: Los trabayos han presentase nun buzón instaláu en La Casa Posafuelles [Cuesta la Vega 10, Uviéu] o per corréu lletrónicu a la direición de Xunta Moza [amorpolallingua@gmail.com]

Fonte: Aruelu.com

I Concursu Lliterariu de la Universidá d'Uviéu

El Vicerrectoráu d’Estensión Universitaria, Cultura y Deportes de la Universidá d’Uviéu convoca un concursu lliterariu en dos modalidaes: de rellatu curtiu y poesía, cola posibilidá de presentar testos n’asturianu y en castellán. Pueden participar los alumnos y alumnes matriculaos nel cursu académicu 2010/11 en cualesquiera de les enseñances oficiales impartíes en centros propios de la Universidá.

Cada concursante pue presentar una única obra por cada modalidá, siendo de tema llibre.
Na modalidá de rellatu curtiu la estensión de los testos tien un mínimu de 10 folios y un máximu de 30. Na modalidá de poesía la estensión mínima ye de 600 versos y máxima de 1.200.
El concursu ta dotáu d’un premiu únicu de 1.000 euros por cada modalidá. La presentación o unviu d’orixinales, dirixíos a la Vicerrectora d’Estensión Universitaria, Cultura y Deportes ha efectuase en cualquiera de los rexistros de la Universidá. El plazu acaba l’11 d’abril del 2011.

El BOPA del 4 de xineru afitó la decisión del Vicerrectoráu d’Estensión Universitaria de la Universidá d’Uviéu de camudar les bases del so I Concursu Lliterariu qu’agora recueyen la posibilidá de presentar obres n’asturianu, y non solo en castellán, como se recoyía enantes de la reclamación fecha pol Conceyu Universitariu pol Asturianu (CUPA), que motivó esti cambéu nes bases.

Más información: El BOPA yá recueye la rectificación de la Universidá sobre’l Concursu Lliterariu

Fonte: Asturnews

Concursu lliterariu "Declara'l to amor pola llingua"

Les bases d'esti concursu lliterariu qu’entamen a comuña la Xunta Moza y la XPDLLA son:

PRIMERA: Institúise un premiu únicu dotáu con un llote de productos de Xunta pola Defensa de la Llingua Asturiana y Xunta Moza. Amás, el trabayu que resulte gallardonáu pue ser imaxe de campañes de sensibilización y/o reivindicación de dambes organizaciones.
SEGUNDA: La estensión máxima ha ser de 160 carauteres, mecanografiaos (ordenador o máquina d’escribir) o manuscritos per una sola cara y perfectamente lleíbles.
TERCERA: Ha presentase l’orixinal, escritu n’asturianu, firmáu con nomatu, y hai que lu acompañar cola plica (sobre) correspondiente onde tien que figurar el nome, apellíos, corréu lletrónicu y teléfonu del autor o autora. Cada participante pue presentar tantes obres como-y paeza.
CUARTA: El tema ye “Declara’l to amor pola llingua” y los trabayos tienen que tar vinculaos col tema de la convocatoria. Pueden tar escritos en prosa o versu. La obra ha ser rigorosamente inédita, non premiada anteriormente, nin suxeta a compromisu nengún d’edición.
QUINTA: El plazu de presentación de trabayos acaba’l trece de febreru de dos mil diez a les 20:00 hores.
SESTA: Una comisión formada por militantes de Xunta Moza va escoyer les diez meyores obres y éstes van esponese en La Casa Posafuelles ente los díes catorce (San Valentín) y diecinueve (fecha na que vamos festexar el Día Internacional de la Llingua Materna) de febreru de dos mil diez. Ellí van ser los veceros y les veceres quien voten la obra ganadora, ente los díes catorce y diecinueve (dambos incluyíos). Xunta Moza reserva’l drechu d’esparder la votación popular per otros medios.
SÉTIMA: La obra premiada va lleese públicamente nun actu cultural que se va facer en La Casa Posafuelles, el día venti a les 00:00 hores.
OCTAVA: Los trabayos presentaos van pasar a ser propiedá de la Xunta pola Defensa de la Llingua Asturiana y Xunta Moza.
NOVENA: Nun se van volver los trabayos presentaos.
DÉCIMA: Los trabayos han presentase nun buzón instaláu en La Casa Posafuelles [Cuesta la Vega 10, Uviéu] o per corréu lletrónicu a la direición de Xunta Moza [amorpolallingua@gmail.com]

Fonte: Aruelu.com