28/5/13

La represión llingüística denunciada por Iniciativa pol Asturianu n'Uviéu llega al plenu con una moción d'Izquierda Xunida


 


El Grupu Municipal d'Izquierda Xunida n'Uviéu ta acabante presentar una proposición urxente pal so alderique nel plenu próximu. Na mesma van solicitar a los xestores del Conceyu qu'adopten l'usu del asturianu con normalidá, dempués de qu'Iniciativa pol Asturianu denunciara que-y prohibieron presentar un documentu nesta llingua nel Rexistru de la institución. IX va solicitar nel plenu que'l Conceyu d'Uviéu se comprometa a tramitar escritos n'asturianu y que se forme a los funcionarios nel usu del idioma.

Pal voceru d'IX n'Uviéu, Roberto Sánchez Ramos, Rivi, "yá ye hora de que'l nuesu Conceyu entienda l'usu del asturianu como daqué normal", recordando qu'"hai munchos ciudadanos que quieren usar l'asturianu pa dirixise a la so institución más cercana y nun se-yos almiten los escritos". Pa Rivi, les midíes que proponen "democraticaréin la vida municipal y garantizaríen un drechu nun Conceyu que ye, amás, la capital del Principáu, y por eso tien tovía más obligación si cabe de respetar, protexer y promocionar l'asturianu".

Sánchez Ramos recordó tamién que "l'asturianu ye un valor cultural, social y políticu y que la so proteición namás conlleva beneficios políticos, cívicos, sociales y económicos".

Fonte: Asturnews

9 comentarios:

  1. Fenomenal, y agora qué?

    ResponderEliminar
  2. Agora nada, fíu. Esto acabó equí: la proposición va quedar nunos discursinos mui políticamente correctos y dempués... nada. Pero esto ye lo que-yos gusta a los movimientos de reivindicación bablera: declaraciones simbóliques y dempués a llorar les inxusticies y a siguir cebando'l victimismu. Lo de siempre, vamos.

    ResponderEliminar
  3. Tamién ye verdá, nada de nada... IX va coronase nel ésitu de la proposición.

    ResponderEliminar
  4. Esti cuentu nómase "poses polítiques en busca del votu perdíu por dellos otros".

    ResponderEliminar
  5. IX va coronase d'éxitu y IpA también.
    Ye lo de siempre, amigos. Per equí nun hai camín, a ver si nos decatamos.

    ResponderEliminar
  6. ...del votu perdíu pol psoe p.ex.?

    ResponderEliminar

Los comentarios tán pendientes de moderación. Espublizaránse lo primero dable.