8/2/12

L'asturianu ye «trending topic» en Twitter

#AsturiesMeteMieu convirtióse na nueche del 2 de febreru en trending topic (TT) en Twitter. Esti hashtag (almuhadina más usada na rede social) tuvo hasta la mañana del día 3 nel segundu puestu a nivel estatal, llegando en dellos minutos al puesto ún. La iniciativa, que fixo frente a los TT de Gran Hermano, llegó a salir fuera de les nuestres fronteres y la escritora Lucia Etxebarria tamién apoyó la iniciativa. La campaña partió del perfil @La_Santina, qu'hai selmanes yá foi quién a meter ente los hashtag más usaos #lesfabes, y en pocos minutos consiguió que la comunidá asturiana en Twitter empezara a usar la etiqueta #AsturiesMeteMieu pa falar de la situación política del país, con alusiones a la economia, l'adelantu de les elecciones o la situación de la cultura y la llingua asturiana. Esti perfil, ún de los más siguíos ente los twitteros asturianos, foi hai selmanes protagonista d'una entrevista en LES NOTICIES, que na so versión on-line batió récord de visites.



1 comentario:

Los comentarios tán pendientes de moderación. Espublizaránse lo primero dable.