Los díes 17 y 18 de payares la Fundación Belenos entama en La Puela d’Allande una nueva edición, la XIII, del so Seminariu d’Estudios Asturianos, que nesta ocasión va tar dedicáu al “Arte Popular na sociedá tradicional asturiana”. La xornada del sábadu 17 ábrese bien ceo, a les 10’30 h., cola presentación del seminariu. A les 11’00 h. entamen les conferencies con Gerardo Díaz Quirós (“Considerances sobre teoría y fenomenoloxía del Arte Popular”) y, dempués, Ástur Paredes (“Arte Popular y modernidá: el casu del horru asturianu”).
Tres la xinta, les charres vuelven de magar les 17’00 h. con Jesús González Calle (“Arte Popular de tradición barroca nos horros y paneres asturianos”) y Alberto Álvarez Peña (“Ornamentación y simbolismu nos preseos tradicionales asturianos: cuernes, gaxapos, marcos, rueques…”). La xornada pesllaráse, tres la cena, col tradicional filandón nel Café Centro, onde habrá música del país. El domingu 18 ta empobináu a visitar, de magar les 11’00 h., dellos llugares d’Allande con bonos conxuntos d’horros y paneres y a aldericar en conceyu abiertu al rodiu’l tema “Simbolismu y funcionalidá nel Arte Popular”. A les 14’30 h. tendrá llugar la xinta y el pieslle d’esti XIII Seminariu.
El preciu de la matrícula ye de 35 € y l’agospiu opcional en “La Nueva Allandesa” (dende la xinta del sábadu a la xinta del domingu) de 60 €. Los contautos y comunicaciones puen facese al traviés del corréu seminariubelenos@gmail.com.
Fonte: Asturnews.
La Fundación Belenos siempres trabaya enforma y bien, esto ye a conciencia, polo qu'el so programa pal XIII Seminariu d'Estudios Asturianos va ser bien recibíu y con muncho interés pepr parte de la xente asturiano y simpatizantes, máxime cuando la matrícula par mesmu ye bien barata. Munchos ánimos a Belenos pa siguir pola mesma sienda.
ResponderEliminarLa Fundación Belenos son cuatro amigos y la xente asturiano nin s'entera de qu'esisten. A ver si nos situamos y sabemos ónde tamos na sociedá, que depués vienen los llamentos y les preguntes al aire.
ResponderEliminarEso, y si panriba ficieren el Seminariu más cerca, n'Ayande por exemplu, más ganaben entá.
ResponderEliminarBelenos son un grupu d'amigos, pero d'amigos de la llingua y la cultura asturiana con mayúscules doraes, y cada unu tien la so sede onde ye precisu y natural y onde quier. Belenos ye un exemplu pa munchos y munches, incluyíos organismos y sociedaes oficiales y oficiosos d'altu rangu y bien financiaos, y más d'una academia per ehí.
ResponderEliminarTrátase (Belenos) d'un grupu magníficu d'investigación d'altor nacional ya internacional, con nomes propios bien reconocíos nel mundu les lletres, del arte y del dibuxu, ¿daquién da más por menos? y si daquién perhí siéntese aludido o aludida el resquemor quítase perbién con ayu y agua.
ResponderEliminarBon, pos muncho bien, ¿pero entós por qué lo d'Allande? ¿Que tornaren españolistes? ¿O sicasí galleguistes? ¿O ye cenciellamente una errata?
ResponderEliminarPos pola vida socio-cultural-llingüística de tolos conceyos asturianos y nun solo de la capital o les ciudaes centrales que tienen munchos eventos culturales y de la llingua.
ResponderEliminarBelenos nun falla.
ResponderEliminar¡Venga Belenos! alantre que sois los meyores.
ResponderEliminarLa esposición de Bertu A. Peña promete ser de lo más interessante como siempres, ensín despreciarlo más mínimu el restu d'eventos nin ponentes.
ResponderEliminar