El sindicatu SUATEA vuelve a recordar a la Conseyería d'Educación, a les families, la Inspeición educativa y la direición de los centros que "l'asignatura o conteníos de Llingua Asturiana y Gallego-Asturianu son d'ufierta obligada en tolos niveles educativos, inclusive nel d'Infantil" y encamienten a la Inspeición a mirar "pol accesu al estudiu y el conocimientu de la nuesa llingua, lo mesmo que mira pol cumplimientu d'otres lleis educatives".
Y ye que segùn SUATEA "ye chocante que na etapa d'Educación Infantil namás un 13% del alumnáu reciba enseñanza nel nuesu idioma en comparanza col 55,4% del total de Primaria que la recibe, cuando normalmente la etapa d'Infantil ta integrada nel mesmu centru que la Primaria y xestionada alministrativamente polos mesmos equipos direutivos".
Dende SUATEA creen que "pa evitar malos entendíos y que nun se cumplan les intrucciones dende l'entamu de cursu, esperamos que nengún equipu direutivu, nin nengún mayestru o mayestra escaeza que l'alumnáu pue escoyer Llingua Asturiana y Gallego-Asturianu al entamar cualesquier cursu educativu independientemente de la escoyeta del cursu anterior", de tal manera que "nun topemos los mesmos problemes de tolos años por cuenta de nun ufiertar esta asignatura y nun respetar la Llei d'Usu".
Fonte: Asturnews
Que quede nidiu pa tolos centros educativos, porque dellos nun ufren la información afayadiza.
ResponderEliminarFai falta la oficialidá, pero mentantu la ufierta nel sistema educativu tien de tar al algame de tolos ciudadanos.
ResponderEliminarSuatea tien toa la razón del mundu.
ResponderEliminar